Numba 1 Fo Da Corint Peopo 2

Gotta Tell Everybody How Christ Wen Mahke On Top One Cross

1 Eh bruddas an sistas! Wen I wen go by you guys first time, I wen tell you guys all da kine stuff from God dat nobody eva wen know befo time. But I neva ack like I mo betta den you guys. An wen I wen talk to you guys, I neva talk jus fo make me look smart.

2 Wen I was wit you guys, I wen figga lidis: I ony know one ting, an dass Jesus Christ. He da Spesho Guy God Wen Send, but was him da peopo wen hang on top one cross fo kill um. An dass da ony ting I know fo shua.
3 You know, da first time, wen I wen go ova dea by you guys, I wen feel like I not strong, an I was scared an shaky. 4 No matta I was teaching, o I was talking to plenny guys, same ting, aah? I neva like talk jus fo make da peopo tink, “Eh, we can trus wat dis guy telling us, cuz he know how fo talk real good, yeah?” No ways, brah! But wen I wen talk, I wen show you guys dat I get da Spirit in charge a me, az why I get power.

5 Cuz I figga, no good you guys go trus God jus cuz you hear smart kine stuff dat peopo tell. Mo betta you trus God cuz he get da power, an you see wat he can do.

Da Smart Kine Stuff God Teach Us

8 But da leada guys dat stay in charge nowdays, dey neva undastan. If dey wen undastan, fo shua dey no goin hang our awesome Boss on top da cross fo kill um.

9 So da smart kine stuff from God stay hide from befo time, jalike da Bible wen tell,
“Get tings you neva see,
Get tings you neva hear bout,
You no can even tink how unreal dis ting goin be.
Dass da kine stuff God wen make ready
Fo us guys dat get love an aloha fo him.”

10 But us guys, God show us all da stuff we neva know befo time, cuz Godʼs Spirit stay in charge a us.
Da Spirit, he undastan everyting. He even check out how God stay, deep down inside him.

11 Us guys, we all get our own spirit inside us. Dass how we know how we tink an ack. Same ting wit God -- no mo nobody know how God stay inside, but Godʼs own Spirit, he know.

12 You know, us guys, we get Godʼs Spirit in charge a us. Dass why we no tink da same way da peopo dat get da spirit from inside dis world tink. Inside us, we get da Spirit dat come from God, az why. God like us know all da good kine stuff he wen give us guys.
13 Dass da kine stuff us guys stay talk bout. Us guys teach da stuff Godʼs Spirit teach us. We no need talk fancy kine, jalike how da smart guys like talk wen dey teach. But us guys, we put togedda da tings dat come from Godʼs Spirit fo da peopo dat stay tight wit Godʼs Spirit. 14 Dass why, if get one guy dat no mo Godʼs Spirit in charge a him, ony his own self, dat guy no goin like take da kine stuff dat come from Godʼs Spirit. He goin tink, “Az wase time!” No way da guy goin undastan. Gotta stay tight wit Godʼs Spirit fo check out if dat kine stuff az da trut. 15 Da guy dat stay tight wit Godʼs Spirit, he can check um out wateva. But same time, all da odda peopo, dey no can check out dat guy.

16 Jalike da Bible wen say:
“Who can figga out wat God stay tinking, aah?
O who can teach God wat he suppose to do?
No mo nobody!”
But us guys, we know, cuz Christ help us guys tink jalike he tink.

1 Corinthians 2

1 And I, brethren, when I came unto you, came not with excellency of speech or of wisdom, proclaiming to you the testimony of God.2 For I determined not to know anything among you, save Jesus Christ, and him crucified.3 And I was with you in weakness, and in fear, and in much trembling.4 And my speech and my preaching were not in persuasive words of wisdom, but in demonstration of the Spirit and of power:5 that your faith should not stand in the wisdom of men, but in the power of God.6 We speak wisdom, however, among them that are fullgrown: yet a wisdom not of this world, nor of the rulers of this world, who are coming to nought:7 but we speak God’s wisdom in a mystery, even the wisdom that hath been hidden, which God foreordained before the worlds unto our glory:8 which none of the rulers of this world hath known: for had they known it, they would not have crucified the Lord of glory:9 but as it is written, Things which eye saw not, and ear heard not, And which entered not into the heart of man, Whatsoever things God prepared for them that love him.

10 But unto us God revealed them through the Spirit: for the Spirit searcheth all things, yea, the deep things of God.11 For who among men knoweth the things of a man, save the spirit of the man, which is in him? even so the things of God none knoweth, save the Spirit of God.12 But we received, not the spirit of the world, but the spirit which is from God; that we might know the things that were freely given to us of God.13 Which things also we speak, not in words which man’s wisdom teacheth, but which the Spirit teacheth; combining spiritual things with spiritual words.14 Now the natural man receiveth not the things of the Spirit of God: for they are foolishness unto him; and he cannot know them, because they are spiritually judged.15 But he that is spiritual judgeth all things, and he himself is judged of no man.16 For who hath known the mind of the Lord, that he should instruct him? But we have the mind of Christ.