1 KORINTI 3
Serayan Dibata
1 O senina-seninangku, sanga si e aku labo banci ngerana man bandu bagi pengeranangku nandangi kalak si enggo dewasa kegeluhen pertendinna. Aku arus ngerana man bandu bagi man kalak si nggeluh rikutken biak doni, man kalak si medanak denga kinitekenna man Kristus. 2 La banci lang susu kubereken inemenndu, labo nakan keras kubereken man bandu, sabap langa kam ngasup ngalokenca. Janah genduari pe langa kam ngasup ngalokenca. t 3 Sabap kam nggeluh rikutken biak doni denga. Adi sician-cianen kam janah turah perubaten i tengah-tengahndu, ma kin enda biak doni? Ma kin perbahanenndu e bali ka nge ras kalak si deban?
4 Adi lit si ngatakenca, “Aku arah Paulus,” janah lit ka si ngatakenca, “Aku arah Apolos,” ma la lit kelebihenndu asa manusia si deban? t
5 Ise kin Apolos? Ise kin Paulus? Kami enda pelayan Dibata kap ngenca, si negu-negu kam gelah erkiniteken. Sekalak-sekalak kami ndahiken dahin rikutken si ibereken Tuhan man kami. 6 Aku nuanca, Apolos niramsa; tapi Dibata si erbahanca turah. t 7 Si nuanca ras si niramsa labo penting, tapi si penting e me Dibata, sabap ia nge si peturahsa. 8 Si nuanca ras si niramsa sada aron kap; tapi sekalak-sekalak ibereken Dibata me upahna rikutken pendahinna sekalak-sekalak.
9 Sabap kami sada aron kap ndahiken dahin Dibata, janah kam me jumaNa.
Kam pe bangunen Dibata kap. 10 Rikutken pemere si ibereken Dibata man bangku, enggo kupajekken palas bangunen selaku pande si beluh, jenari kalak si deban mbangunca i babo palas e. Tapi sekalak-sekalak arus metenget kuga ia mbangunca. 11 Sabap la lit palas si deban si banci ipajekken seakatan palas si enggo pajek e, e me Jesus Kristus. 12 Ntah kalak mpergunaken emas, ntah pirak, ntah batu permata i bas ia majekken i babo palas e; ntah ka pe mpergunaken kayu, ntah dukut-dukut, ntah nggala. 13 Jadi tangkas me pagi pendahinna sekalak-sekalak i bas wari kerehen Kristus. Sabap i bas wari e pagi ipetangkas api me pendahin sekalak-sekalak; iuji dingen icidahken api e pagi uga kin si tuhuna pendahin sekalak-sekalak. 14 Adi pendahin kalak i bas ia majekken e tahan api, ialokenna me pagi upahna.
15 Tapi adi meseng pendahinna e rugi me ia i bas upah; tapi ia iselamatken nge, bagi kalak si pulah i bas api nari.
16 Ma ietehndu kin maka kam me Rumah Pertoton Dibata dingen Kesah Dibata ringan i bas kam? t
17 Adi ikernepken kalak Rumah Pertoton Dibata, ikernepken Dibata me kalak e. Sabap Rumah Pertoton Dibata badia kap, janah kam me rumahNa e.
18 Ola ise pe nipu bana. Adi lit i tengah-tengahndu kalak si erpengakap maka ia pentar rikutken doni enda, arus min ia jadi bodoh lebe, gelah tuhu-tuhu ia pentar. 19 Sabap kepentaren doni enda kebodohen i lebe-lebe Dibata. Bagi lit tersurat i bas Pustaka Si Badia, “Isidingi Dibata me kalak pentar alu kebeluhenna jine.” t 20 Lit ka pe tersurat, “Ieteh Tuhan maka sia-sia nge perukuren kalak si pentar e.” t 21 E maka ola ise pe meganjang ukurna kerna kengasupen manusia si tuhuna kerina kap sikerajangenndu: 22 Paulus, Apolos, ras Petrus; doni enda, kegeluhen ras kematen, si genduari ras si pagin; kerina si enda sikerajangenndu: 23 janah kam sikerajangen Kristus, janah Kristus sikerajangen Dibata.
1 Corinthians 3
Immaturity and Self-deception
1 So, brothers and sisters,t I could not speak to you as spiritual people, but instead as people of the flesh,t as infants in Christ.2 I fed you milk,s not solid food, for you were not yet ready. In fact, you are still not ready,3 for you are still influenced by the flesh.t For since there is still jealousy and dissension among you, are you not influenced by the flesh and behaving like unregenerate people?t
4 For whenever someone says, “I am with Paul,” or “I am with Apollos,” are you not merely human?t
5 What is Apollos, really? Or what is Paul? Servants through whom you came to believe, and each of us in the ministry the Lord gave us.t6 I planted,s Apollos watered, but God caused it to grow.7 So neither the one who plants counts for anything,t nor the one who waters, but God who causes the growth.8 The one who plants and the one who waters work as one,t but each will receive his reward according to his work.9 We are coworkers belonging to God.t You are God’s field, God’s building.10 According to the grace of God given to me, like a skilled master-builder I laid a foundation, but someone else builds on it. And each one must be careful how he builds.11 For no one can lay any foundation other than what is being laid, which is Jesus Christ.12 If anyone builds on the foundation with gold, silver, precious stones, wood, hay, or straw,s13 each builder’st work will be plainly seen, for the Dayts will make it clear, because it will be revealed by fire. And the firess will test what kind of work each has done.14 If what someone has built survives, he will receive a reward.
15 If someone’s work is burned up, he will suffer loss.t He himself will be saved, but only as through fire.
16 Do you not know that you are God’s temples and that God’s Spirit lives in you?
17 If someone destroys God’s temple, God will destroy him. For God’s temple is holy, which is what you are.
18 Guard against self-deception, each of you.t If someone among you thinks he is wise in this age, let him become foolish so that he can become wise.19 For the wisdom of this age is foolishness with God. As it is written, “He catches the wise in their craftiness.”s20 And again, “The Lord knows that the thoughts of the wise are futile.”s21 So then, no more boasting about mere mortals!t For everything belongs to you,22 whether Paul or Apollos or Cephas or the world or life or death or the present or the future. Everything belongs to you,
23 and you belong to Christ, and Christ belongs to God.