Numba 1 Fo Da Corint Peopo 3
All Us Guys Work Togedda fo God
1 But eh, bruddas an sistas! I no can talk to you guys jalike you stay tight wit Godʼs Spirit. Cuz you guys ony like do wat make yoa body feel good. You guys stay tight wit Christ ony litto bit, jalike one baby. 2 I gotta tell you guys easy stuff, jalike da baby ony stay drink milk. Cuz you guys not ready fo da hard kine stuff, jalike da baby no can eat meat. You guys suppose to be strong, jalike you stay eat da meat awready! An still yet, you guys ony stay drink da milk. 3 Cuz you guys stay tink jalike da peopo dat ony ack how dey like, dass why. Wen somebody do someting mo betta den you, you get mad, an you like argue wit each odda an bus up each odda! Kay den, wateva yoa body feel, dass how you guys tink an ack! You guys ony stay ack jalike all da peopo inside dis world.
4 Everytime wen you guys tell you stick wit Paul, o you stick wit Apollos, dat show dat you guys jalike all da odda peopo.You Guys Jalike One Garden
5 Apollos, who him? Paul, who me? Me an him, we jus helpas. We wen help you guys fo trus Christ. Apollos, he do wat da Boss like um fo do, an me, I do wat da Boss like me fo do. 6 Was me dat wen tell you guys bout Christ first time. Dass jalike I wen plant da seed. Den Apollos wen come teach you guys. Dass jalike he water da seed I wen plant. But God, he da One dat make um grow! 7 So den, dass why no matta who plant da seed, o who water um. Ony one ting matta, dass God, cuz he da One dat make um grow. 8 Da guy dat plant da seed an da guy dat water um, dey working togedda jalike one hui. Everybody goin get pay fo wat dey do.
9 Cuz us guys an God, we work togedda. An you guys, you jalike da groun wea God goin plant da seed.You Guys Jalike One Building
An same ting, you guys jalike da building God goin build. 10 Me, God do plenny good stuff fo me. Jalike I one good builda, God wen help me teach you guys solid stuff from da start, fo make shua you guys get one solid foundation fo yoa life. But da guy dat goin build on top dat foundation afta me, he gotta make shua he goin do um da right way. 11 No can make any kine foundation, cuz ony get one foundation fo life -- dass Jesus Christ. God awready wen put him dea. 12 Some peopo goin build on top dat foundation, wit good kine stuff, stuff jalike gold, o silva, o diamonds -- o dey goin build wit junk kine stuff, stuff jalike wood, o grass, o leaf. 13 Bumbye, everybody goin know wat kine stuff dem peopo wen do, if was good o bad. Dat time, God goin make one test, jalike he use fire fo show if wat everybody wen do was jalike good kine stuff o junk kine stuff. 14 If da stuff one guy wen do stay dea still yet afta da fire, God goin give dat guy plenny good kine stuff bumbye in da sky.
15 But if da fire burn up wat da guy wen do, God no goin give dat guy notting. Still yet, da guy goin be okay, but ony jalike da house burn down an da guy almos neva get out.
16 Eh! You know, you guys jalike one temple fo God, an his Spirit stay living inside you guys!
17 If anybody mess up Godʼs temple wea he stay, watch out, brah! Bumbye God goin mess you up too! Cuz Godʼs temple stay spesho fo him. An you guys, jalike dat temple!
18 No fool yoaself! If you tink you know an undastan everyting jalike all da peopo nowdays, dat mean, you donno notting. Wen you figga you donno notting, dass wen you goin start fo learn.
19 Da way da peopo inside da world tink, God say dat stuff stay stupid. Da Bible say:
“Da smart guys, dey sly buggas,
But God take wat dey do an jam um up!”
20 One nodda place da Bible say:
“Da Boss, he know how da smart guys stay tinking,
Da guys dat suppose to know wat fo do.
He know dey ony tinking junk kine stuff dat wase time.”
21 So den, no good talk big bout some guy. Cuz everyting stay fo you guys awready. 22 Me an Apollos an Peter, we stay fo you guys! An da whole world stay fo you guys, no matta you alive o mahke! Everyting dat stay happening right now, an everyting dat goin happen lata -- everyting stay fo you guys! 23 An you guys stay fo Christ, an Christ stay fo God!
1 Corinthians 3
1 And I, brethren, could not speak unto you as unto spiritual, but as unto carnal, as unto babes in Christ.2 I fed you with milk, not with meat; for ye were not yet able to bear it: nay, not even now are ye able;3 for ye are yet carnal: for whereas there is among you jealousy and strife, are ye not carnal, and do ye not walk after the manner of men?4 For when one saith, I am of Paul; and another, I am of Apollos; are ye not men?5 What then is Apollos? and what is Paul? Ministers through whom ye believed; and each as the Lord gave to him.6 I planted, Apollos watered; but God gave the increase.7 So then neither is he that planteth anything, neither he that watereth; but God that giveth the increase.8 Now he that planteth and he that watereth are one: but each shall receive his own reward according to his own labor.9 For we are God’s fellow-workers: ye are God’s husbandry, God’s building.10 According to the grace of God which was given unto me, as a wise masterbuilder I laid a foundation; and another buildeth thereon. But let each man take heed how he buildeth thereon.11 For other foundation can no man lay than that which is laid, which is Jesus Christ.12 But if any man buildeth on the foundation gold, silver, costly stones, wood, hay, stubble;13 each man’s work shall be made manifest: for the day shall declare it, because it is revealed in fire; and the fire itself shall prove each man’s work of what sort it is.14 If any man’s work shall abide which he built thereon, he shall receive a reward.15 If any man’s work shall be burned, he shall suffer loss: but he himself shall be saved; yet so as through fire.16 Know ye not that ye are a temple of God, and that the Spirit of God dwelleth in you?17 If any man destroyeth the temple of God, him shall God destroy; for the temple of God is holy, and such are ye.18 Let no man deceive himself. If any man thinketh that he is wise among you in this world, let him become a fool, that he may become wise.19 For the wisdom of this world is foolishness with God. For it is written, He that taketh the wise in their craftiness:20 and again, The Lord knoweth the reasonings of the wise that they are vain.21 Wherefore let no one glory in men. For all things are yours;22 whether Paul, or Apollos, or Cephas, or the world, or life, or death, or things present, or things to come; all are yours;23 and ye are Christ’s; and Christ is God’s.