Numba 1 Fo Da Corint Peopo 4

Da Guys Christ Send All Ova

1 So den, tink bout us guys lidis: We Christʼs helpas. God wen make us guys fo take care his stuff dat was secret befo time. 2 Da guy dat goin take care his bossʼs stuffs, he gotta be da kine guy dat goin do wat he suppose to. 3 No bodda me wat you guys tink bout da stuff I doing, o wat da odda peopo tink. I no even ack like one judge fo my own self. 4 My heart tell me I okay, but dat no mean I okay. Da Boss, he da Judge fo wat I do.

5 So, no make like you guys stay da judge fo odda peopo. Wait till da Boss come back. He da One goin bring out in da light, all da bad kine stuff da peopo try hide in da dark. He goin show all da tings dat dey tinking inside dea heart. Den God goin talk good bout da good tings everybody wen do.
6 Bruddas an sistas, I wen talk bout me an Apollos, jalike I draw picha fo help you guys learn dis one ting from us guys: Ony do wat da Bible tell. If you guys learn dat, den you guys no goin talk big cuz you stay tight wit one a us guys an you make like da odda guy notting.

7 So, wat? You guys tink you diffren from all da odda peopo? Everyting you guys get, God wen give um to you. So den, wen you guys get da stuffs, how come you guys ack all big head, jalike you guys wen get um by yoaself?

8 So! You guys tink you get everyting you need awready! Jalike you guys rich, aah? You guys ack big, jalike kings, an us guys not! Fo shua, I like you guys come kings fo real kine, so us guys can come kings wit you guys too!
9 Us guys dat God wen send all ova da place fo tell peopo bout Christ. I tink bout us guys lidis: God wen put us guys at da end a da line, jalike prisonas ready fo mahke. We jalike one show fo da peopo inside da world, an fo da angel messenja guys too. 10 Peopo tink we stupid cuz we Christʼs guys, but dey tink you guys mo smart cuz you stay tight wit him! Us guys no stay strong, but you guys stay plenny strong! Peopo get respeck fo you guys, but dey no mo respeck fo us guys. 11 Even now we stay hungry, but we still no mo food, an no mo notting fo drink. We ony get puka kine clotheses. Peopo beat us wit sticks. We no mo place fo stay. 12 Eh, we work hard wit our hands. Wen dey talk any kine to us, we tell um, “We like God do good tings fo you guys.” Wen dey bus us up an make us suffa plenny, we still hang in dea.

13 Wen dey talk stink bout us, we talk good to dem. Dey tink us guys pilau. We jalike da rubbish from da world dat dey like throw way.
14 Eh! I no write dis fo make you guys shame, but cuz I get love an aloha fo you guys jalike you my kids. Dass why I telling you guys dat you guys get problem. 15 Get uku plenny guys dat teach you guys cuz you stay tight wit Christ. But you guys get ony one fadda, dass me! I stay tight wit Jesus Christ, dass why I wen tell you guys da Good Kine Stuff From God first time, an you guys wen go trus um. Az why I jalike you guys fadda.

16 So I beg you guys fo make jalike me.

17 So az why I stay send Timoty fo help you guys. I love him jalike he my own boy. He one guy I trus, cuz he stay tight wit da Boss too. He goin help you guys fo rememba da way I do everyting cuz I stay tight wit Jesus, Godʼs Spesho Guy. Dass jalike how I stay teach da peopo dat come togedda fo church all ova da place.
18 But some a you guys ack big head, cuz you tink I no going ova dea by you guys. 19 But if da Boss like, I goin come Corint side soon. Den I goin find out if dese guys dat ack big head ony mout, o if fo real dey get power! 20 Cuz God stay King, an he not ony mout. He get da real kine power. 21 So, wat you guys like? I come ova dea scold an punish you? O come ova dea, an give you guys love an aloha an no make presha?

1 Corinthians 4

1 Let a man so account of us, as of ministers of Christ, and stewards of the mysteries of God.2 Here, moreover, it is required in stewards, that a man be found faithful.3 But with me it is a very small thing that I should be judged of you, or of man’s judgment: yea, I judge not mine own self.4 For I know nothing against myself; yet am I not hereby justified: but he that judgeth me is the Lord.5 Wherefore judge nothing before the time, until the Lord come, who will both bring to light the hidden things of darkness, and make manifest the counsels of the hearts; and then shall each man have his praise from God.6 Now these things, brethren, I have in a figure transferred to myself and Apollos for your sakes; that in us ye might learn not to go beyond the things which are written; that no one of you be puffed up for the one against the other.7 For who maketh thee to differ? and what hast thou that thou didst not receive? but if thou didst receive it, why dost thou glory as if thou hadst not received it?8 Already are ye filled, already ye are become rich, ye have come to reign without us: yea and I would that ye did reign, that we also might reign with you.9 For, I think, God hath set forth us the apostles last of all, as men doomed to death: for we are made a spectacle unto the world, both to angels and men.10 We are fools for Christ’s sake, but ye are wise in Christ; we are weak, but ye are strong; ye have glory, but we have dishonor.11 Even unto this present hour we both hunger, and thirst, and are naked, and are buffeted, and have no certain dwelling-place;12 and we toil, working with our own hands: being reviled, we bless; being persecuted, we endure;13 being defamed, we entreat: we are made as the filth of the world, the offscouring of all things, even until now.14 I write not these things to shame you, but to admonish you as my beloved children.15 For though ye have ten thousand tutors in Christ, yet have ye not many fathers; for in Christ Jesus I begat you through the gospel.16 I beseech you therefore, be ye imitators of me.17 For this cause have I sent unto you Timothy, who is my beloved and faithful child in the Lord, who shall put you in remembrance of my ways which are in Christ, even as I teach everywhere in every church.18 Now some are puffed up, as though I were not coming to you.19 But I will come to you shortly, if the Lord will; and I will know, not the word of them that are puffed up, but the power.20 For the kingdom of God is not in word, but in power.21 What will ye? shall I come unto you with a rod, or in love and a spirit of gentleness?