Numba 1 Fo Da Corint Peopo 6

One Brudda Take Anodda Brudda In Front Da Judge

1 Wot! If one a you guys get one beef agains anodda brudda, you guys no mo shame fo go stand in front one judge dat no get um right wit God? Mo betta you go in front da peopo dat stay spesho fo God, fo handle yoa beef! 2 You guys ack like you donno dat bumbye, da peopo dat stay spesho fo God goin be da judge fo all da peopo inside da whole world. So how come you guys no can figga out dis small kine stuff by yoaself? 3 You know, all us guys goin even be da judge fo da angel guys. So den, gotta be you guys can handle fo judge da small kine stuff inside dis world. 4 Plus, if you guys get one beef agains one nodda brudda bout small kine stuff, den, how come you guys go pick peopo fo be da judge dat get no mo respeck from da odda church guys? 5 An now, I like say someting dat goin make you guys shame: No even get one smart guy ova dea dat can figga out da small kine stuff dat da bruddas an sistas get wit each odda, o wat?

6 But one brudda go take anodda brudda in front da judge! Mo worse, da judge no even trus God!
7 Someting wrong, aah? Jam up, if you guys take each odda in front da judge. Mo betta, you let da odda guy go if he wen do wrong to you! If he steal from you, mo betta, jus let um take da stuff!

8 But you guys, you do bad kine stuff to each odda, an steal from each odda too, an dey yoa Christian bruddas an sistas, an den!
9 You guys ack jalike you donno dis: Da peopo dat no like do da right ting, no way dey goin get God fo dea King. No let nobody bulai you guys fo make you do wrong! Da guys dat fool aroun da wahines, da peopo dat go pray to da idol kine gods, da peopo dat sleep wit da odda guyʼs wife o husban, da guys dat go fool aroun da odda guys fo money, da mahu kine guys,

10 da steala guys, da greedy guys dat like hog everyting fo demself, da drunk guys, da peopo dat talk any kine to one nodda guyʼs face, da peopo dat con da odda guy -- fo all dese kine peopo, no way dey goin get God fo dea King!

11 Dass how some a you guys wen do befo time. But God, he wen make you guys clean from all da bad kine stuff you wen do. He wen make you guys come spesho fo him. He wen make you guys get um right wit him. All dat wen happen cuz you guys stay tight wit da Boss Jesus, Godʼs Spesho Guy, an wit our Godʼs Spirit too.

If You Show Respeck Fo Yoa Body, Dat Show You Get Respeck Fo God

(Da Start 2:24; 1 Corinthians 3:16; 10:23; 2 Corinthians 6:16)

14 God wen make da Boss Jesus come back alive afta he wen mahke, an he get da power fo make us guys come back alive too, afta we mahke.
15 You guys donno dat yoa body stay fo Christ, jalike you guys was da parts a Christʼs body. So now, wat? You guys tink I goin take da parts from Christʼs body, an make um part a one wahineʼs body dat take money fo fool aroun? No way! Not even! 16 You guys neva know dat wen one guy come togedda wit one wahine dat take money fo fool aroun, jalike togedda dey make one body. Da Bible say, “Dem two, togedda dey goin be one body.”

17 But da guy dat stick wit da Boss, jalike togedda dey come one spirit.
18 If you get chance fo fool aroun, run da odda way! All da odda bad kine stuff anybody do, no jam up dea body. But anybody dat go fool aroun, dey do bad kine stuff dat hurt dea own body. 19 How come you guys ack jalike you donno dat yoa body jalike one temple fo Godʼs Good an Spesho Spirit? Godʼs Spirit live inside you guys. God da One wen give his Spirit to you guys. Dass how come you guys not da boss fo yoa own body. 20 Christ wen pay high price fo you guys. So, show respeck fo yoa own body, da way you ack, an dass goin show dat you get respeck fo God.

1 Corinthians 6

1 Dare any of you, having a matter against his neighbor, go to law before the unrighteous, and not before the saints?2 Or know ye not that the saints shall judge the world? and if the world is judged by you, are ye unworthy to judge the smallest matters?3 Know ye not that we shall judge angels? how much more, things that pertain to this life?4 If then ye have to judge things pertaining to this life, do ye set them to judge who are of no account in the church?5 I say this to move you to shame. What, cannot there be found among you one wise man who shall be able to decide between his brethren,6 but brother goeth to law with brother, and that before unbelievers?7 Nay, already it is altogether a defect in you, that ye have lawsuits one with another. Why not rather take wrong? why not rather be defrauded?8 Nay, but ye yourselves do wrong, and defraud, and that your brethren.9 Or know ye not that the unrighteous shall not inherit the kingdom of God? Be not deceived: neither fornicators, nor idolaters, nor adulterers, nor effeminate, nor abusers of themselves with men,10 nor thieves, nor covetous, nor drunkards, nor revilers, nor extortioners, shall inherit the kingdom of God.11 And such were some of you: but ye were washed, but ye were sanctified, but ye were justified in the name of the Lord Jesus Christ, and in the Spirit of our God.12 All things are lawful for me; but not all things are expedient. All things are lawful for me; but I will not be brought under the power of any.13 Meats for the belly, and the belly for meats: but God shall bring to nought both it and them. But the body is not for fornication, but for the Lord; and the Lord for the body:14 and God both raised the Lord, and will raise up as through his power.15 Know ye not that your bodies are members of Christ? shall I then take away the members of Christ, and make them members of a harlot? God forbid.16 Or know ye not that he that is joined to a harlot is one body? for, The twain, saith he, shall become one flesh.17 But he that is joined unto the Lord is one spirit.18 Flee fornication. Every sin that a man doeth is without the body; but he that committeth fornication sinneth against his own body.19 Or know ye not that your body is a temple of the Holy Spirit which is in you, which ye have from God? and ye are not your own;20 for ye were bought with a price: glorify God therefore in your body.