1 KORINTUS 6

Kelunan éh pepadéé' dalem Tuhan mai réh tai besara'

1 Hun pu'un kelunan éh pepadéé' dalem Tuhan, éh tengéé' kenin ngan pepaneu', kineu' éh makang tai besara' tong jumen kelunan éh bé' ngelan tong Tuhan? Kineu' éh bé' kejeraa' irah éh ngelan tong Allah seruh tong kekat penusah néh inah? 2 Kineu', bé' keh jam irah éh anah Allah juk petuneng kekat kelunan tong tana' iteu'! Hun néh kenat, hun keh pu'un petuneng tana' iteu' kepéh vam, kineu', bé' keh omok petuneng tong kekat rungen éh si'ik awah éh pu'un hun iteu' kei? 3 Kineu', bé' keh jam uleu' péh juk petuneng meliket? Hun néh kenat makin péh tong kekat éh pu'un dalem pengurip lu' hun iteu'. 4 Hun néh kenat hun pu'un penusah belah ka'ah, kineu' keh, tekep keh mihin éh tai tong jumen kelunan éh bé' pu'un dalem sidang ke' réh omok seruh éh kei? 5 Tekep ka'ah menyaa'. Kineu', bé' pu'un jah usah belah ka'ah éh jam seruh éh omok memekat ha' belah irah padéé' inah kei?

6 Bang inah éh jah kelunan éh padéé' dalem Tuhan besara' maneu' jah padéé' néh kepéh, ngan inah kepéh, pu'un iah kejeraa' kelunan éh bé' ngelan tong Tuhan petuneng roh.
7 Sala' mu'un ka'ah, uban keh pu'un tusah éh juk mihin keh tai besara', inah éh pepoléng keh sala' mu'un. Pelapah jian hun keh kejeraa' réh ngerugii' keh awah. Pelapah jian keh kejeraa' réh nekau, jin keh pu'un tai besara' ngan irah éh bé' ngelan tong Tuhan. 8 Bang ka'ah tengéé' ngerugii' ka'ah ke', ngan nekau jin belah ka'ah ke', ngan inah éh jin irah éh pata padéé' dalem Tuhan. Béé kenin ké'. 9 Adang keh jam kelunan éh sa'at barék bé' omok tai tong nihau Allah. Mai keh tawang, kelunan éh sa'at barék ngan petuyang, ngan kelunan éh pakai butun, ngan lakei' éh petuyang ngan lakei', 10 ngan kelunan nekau, ngan kelunan éh magat juk alaa' mekum, ngan kelunan mavuk, ngan kelunan éh pesala' kelunan éh jah, ngan kelunan éh ngelapah sohoo', kekat irah éh maneu' kenat bé' omok alaa' Allah pengeja'au réh ngan tai lem nihau Néh.

11 Hun lepah rai pu'un jelua' ka'ah kenat, bang pu'un Tuhan mohéé' keh jin penyala' keh, ngan hun iteu' ka'ah anah Allah, ngan pu'un teneng tong jumen Néh neu' ngaran Tuhan Yésus Kristus ngan neu' Sahéé' Allah.

Jian keh mena' usah keh ngan Allah dokoo' peparen Iah

14 La'ah pu'un Allah pebetéé' Tuhan Yésus jin patai Néh ngan Iah omok pebetéé' uleu' kepéh naneu' penyukat Néh.
15 Ka'ah jam usah keh iteu' usah Kristus. Kineu', tekep ku' alaa' jebila' usah Kristus ngan maneu' éh usah redo éh petuyang? Bé'. Bé' omok. 16 t Kineu', bé' keh jam kelunan éh tai pemung ngan redo bavah, rawah seleket jah usah awah? Uban pu'un jah ha' lem surat Allah éh bara' lenaa' mu'un, Kelunan éh pemung, inah rawah seleket jah usah awah, ha' Néh.

17 Kenat péh kelunan éh pemung ngan Tuhan pu'un éh jah awah neu' Sahéé'.
18 Kelap keh jin petuyang. La'ah kekat arong penyala' éh jah éh naneu' kelunan, bé' éh ngesa'at usah néh mu'un, bang kelunan éh petuyang, pu'un éh maneu' penyala' ngan ngesa'at avéé' usah néh mu'un. 19 t Kineu', bé' keh jam usah keh iteu' lamin Sahéé' Allah éh pu'un dalem keh, éh nena' Allah ngan keh? Bé' ka'ah anah ka'ah ke', bang ka'ah anah Allah. 20 Pu'un Iah melih ka'ah palaa' éh ma'an. Uban néh kenat tekep ka'ah peparen Allah dalem usah keh.

1 CORINTHIANS 6

Taking Each Other to Court

1 When one of you has a complaint against another, do you take your complaint to a court of sinners? Or do you take it to God's people? 2 Don't you know that God's people will judge the world? And if you are going to judge the world, can't you settle small problems? 3 Don't you know we will judge angels? And if this is so, we can surely judge everyday matters. 4 Why do you take everyday complaints to judges who are not respected by the church? 5 I say this to your shame. Aren't any of you wise enough to act as a judge between one follower and another?

6 Why should one of you take another to be tried by unbelievers?
7 When one of you takes another to court, all of you lose. It would be better to let yourselves be cheated and robbed.

8 But instead, you cheat and rob other followers.
9 Don't you know that evil people won't have a share in the blessings of God's kingdom? Don't fool yourselves! No one who is immoral or worships idols or is unfaithful in marriage or is a pervert or behaves like a homosexual 10 will share in God's kingdom. Neither will any thief or greedy person or drunkard or anyone who curses and cheats others.

11 Some of you used to be like that. But now the name of our Lord Jesus Christ and the power of God's Spirit have washed you and made you holy and acceptable to God.

Honor God with Your Body

14 God will raise us from death by the same power he used when he raised our Lord to life.
15 Don't you know that your bodies are part of the body of Christ? Is it right for me to join part of the body of Christ to a prostitute? No, it isn't! 16 t Don't you know that a man who does that becomes part of her body? The Scriptures say, “The two of them will be like one person.”

17 But anyone who is joined to the Lord is one in spirit with him.
18 Don't be immoral in matters of sex. That is a sin against your own body in a way no other sin is. 19 t You surely know that your body is a temple where the Holy Spirit lives. The Spirit is in you and is a gift from God. You are no longer your own. 20 God paid a great price for you. So use your body to honor God.