previous next

1 Korint 6

Bechara Ngelaban Orang Ke Sama Kristian

1  t Enti kita bisi laya enggau pangan diri, kati kita berani mai pekara nya ngagai kot lalu minta diri diatur orang kapir, lalu enda minta diri diatur bala nembiak Tuhan? 2 Kati kita enda nemu, nembiak Tuhan deka ngakim dunya? Lalu enti kita deka ngakim dunya, nama kebuah kita enda ulih ngatur pekara ti mit? 3 Kati kita enda nemu kitai deka ngakim melikat? Anang kenang pasal ngakim utai ti dalam pengidup tu! 4 Nya alai, enti kita bisi pekara ti baka nya, indah orang ke baruh pangkat dalam eklisia deh tau diasuh kita ngakim pekara nya! 5 Aku nyebut tu kena aku ngemaluka kita. Nyangka meh kita nadai orang ke chukup bepenemu-dalam ngatur pekara entara kita ke diri menyadi dalam Tuhan,

6 ti ngujungka kita ke sama Kristian mansang ngagai kot, lalu minta diri diatur orang ke ukai orang Kristian?
7  t Enti kita nyara pangan diri, nya nunjukka kita endang udah alah. Nama kebuah enda nejuka orang ngereja utai ti salah ngagai kita? Nama kebuah enda nejuka sida ngakal kita? 8 Tang kita empu ngereja utai ti salah lalu nipu orang. Indah menyadi kita ke dalam Kristus deh ditipu kita! 9 t Kati kita enda nemu, orang ke jai enda ulih bempu Perintah Allah Taala? Anang nipu diri! Orang ke ngereja ulah ti kamah, tauka nyembah engkeramba, tauka butang, tauka lelaki beleman enggau lelaki,t 10 tauka ngenchuri, tauka amu, tauka pemabuk, tauka bejakuka orang, tauka perumpak, enda ulih bempu Perintah Allah Taala.

11 t Baka nya meh sekeda bala kita suba. Tang kita udah dituchi, udah dikuduska, udah digaga lurust dalam nama Tuhan Jesus Kristus enggau ulih Roh Allah Taala kitai.

Kena Meh Tubuh Ngemuliaka Allah Taala


12  t Nyangka orang bisi nyebut, “Aku tau ngereja semua utai.” Amat, tang ukai semua utai nya tau mai penguntung ngagai aku. “Aku tau ngereja semua utai.” Amat, tang aku enggai nyadi ulun utai. 13 Nyangka bisi mega orang deka nyebut, “Pemakai ke perut, lalu perut ke pemakai.” Tang Allah Taala deka ngerusak utai dua bengkah nya. Tubuh ukai dikena ngereja ulah ti kamah, tang dikena ngereja utai ke Tuhan, lalu Tuhan ngintu tubuh nya.

14 Lalu Allah Taala udah ngangkatka Tuhan ari mati, lalu Iya deka mega ngangkatka kitai ari mati ngena kuasa Iya.
15  t Kati kita enda nemu, tubuh kita nya perengka tubuh Kristus? Nya alai, patut tauka enda aku mai perengka tubuh Kristus, lalu ngaga iya nyadi perengka tubuh indu sundal? Enda tau sekali-kali! 16 t Kati kita enda nemu, barang sapa beleman enggau indu sundal, nyadi setubuh enggau indu sundal nya? Laban endang udah disebut, “Seduai iya deka nyadi setubuh.”

17 t Tang barang sapa begempung enggau Tuhan, nyadi setubuh dalam roh enggau Tuhan.
18 Seliahka ulah ti kamah. Genap dosa ti dikereja mensia, dikereja iya ari luar tubuh, tang orang ke ngereja ulah ti kamah, bedosa ngelaban tubuh diri empu. 19 t Kati kita enda nemu, tubuh kita nya rumah Roh Kudus, ke diau dalam kita, ke udah diberi Allah Taala ngagai kita? Kita ukai enggi kita empu.t 20 t Laban kita udah dibeli t ngena rega ti besai. Nya alai, kena meh tubuh kita ngemuliaka Allah Taala.t

1 CORINTHIANS 6

Taking Each Other to Court

1 When one of you has a complaint against another, do you take your complaint to a court of sinners? Or do you take it to God's people? 2 Don't you know that God's people will judge the world? And if you are going to judge the world, can't you settle small problems? 3 Don't you know we will judge angels? And if this is so, we can surely judge everyday matters. 4 Why do you take everyday complaints to judges who are not respected by the church? 5 I say this to your shame. Aren't any of you wise enough to act as a judge between one follower and another?

6 Why should one of you take another to be tried by unbelievers?
7 When one of you takes another to court, all of you lose. It would be better to let yourselves be cheated and robbed.

8 But instead, you cheat and rob other followers.
9 Don't you know that evil people won't have a share in the blessings of God's kingdom? Don't fool yourselves! No one who is immoral or worships idols or is unfaithful in marriage or is a pervert or behaves like a homosexual 10 will share in God's kingdom. Neither will any thief or greedy person or drunkard or anyone who curses and cheats others.

11 Some of you used to be like that. But now the name of our Lord Jesus Christ and the power of God's Spirit have washed you and made you holy and acceptable to God.

Honor God with Your Body


12  t Some of you say, “We can do anything we want to.” But I tell you not everything is good for us. So I refuse to let anything have power over me. 13 You also say, “Food is meant for our bodies, and our bodies are meant for food.” But I tell you that God will destroy them both. We are not supposed to do indecent things with our bodies. We are to use them for the Lord who is in charge of our bodies.

14 God will raise us from death by the same power he used when he raised our Lord to life.
15 Don't you know that your bodies are part of the body of Christ? Is it right for me to join part of the body of Christ to a prostitute? No, it isn't! 16 t Don't you know that a man who does that becomes part of her body? The Scriptures say, “The two of them will be like one person.”

17 But anyone who is joined to the Lord is one in spirit with him.
18 Don't be immoral in matters of sex. That is a sin against your own body in a way no other sin is. 19 t You surely know that your body is a temple where the Holy Spirit lives. The Spirit is in you and is a gift from God. You are no longer your own. 20 God paid a great price for you. So use your body to honor God.