1 KORINTUS 6

Mamadawa do Sompi' ko' Tulun do Kristian

1 Nokuro tu' haro ot id pogialatan dokoyu do kasaap kopio do mongoi dot id gompomutus dit a' kotutun do Kinorohingan, do mamadawa di tulun dit iso-iso' o kinotumbayaan, do tontok do haro o pigulatan dot id tulun diri? Nokuro tu' a' nogi' iyau monuhu' di dong Kinorohingan do tulun do manalasai do hal diri? 2 A' kou toi koilo dot iri indo i dong Kinorohingan do tulun o momutus diti tulun do hiti'd pomogunan? Om ondung iyokoyu o momutus diti tulun do hiti'd pomogunan, om nokuro tu' a' kou milo'd manalasai do hal dit angagaan? 3 A' kou toi koilo dot iyati' indo o momutus do moloikat? Om songkuro nogindo kopio iti pasal nod koposi-posion do monikid tadau! 4 Om ondung haro o hal do miagal diri, om ngoyon nogindo dokoyu pokisalasayai do tulun dit aiso' kopio o ngaran-ngaran dot id sidang? 5 Pointingayam no kopio! Atantu' nod haro i' o tongoiso'd tulun dot id pogialatan dokoyu di milo'd manalasai do pogisosongkiwalan dot id pogialatan di tulun dot oiyo ko' Kristian!

6 Nga' mongoi nogi' i tulun do Kristian solowot dit okon ko' Kristian do mokisalasai di hal dau dot id tulun dit oiyo ko' Kristian!
7 Om okuro-kuro nogindod mongoi pokisalasai'd tulun dit okon ko' Kristian; tu' iri nopo haro o pogisosongkiwalan dot id pogialatan dokoyu nga' iso' no o kinaalaan dokoyu. Okon toi ko' osonong nogi' dot iyokoyu o pasalaon dot a' piya otopot o kapasalaan? Om okon toi ko' osonong nogi' dot iyokoyu o rugion? 8 Nga' iyokoyu nogi' o papasala'd tulun do suwai dot a' otopot o kapasalaan. Om iyokoyu o momorugi' do tulun do suwai. Om wonsoyon i' dokoyu o miagal diri dot id tulun piya dit oiyo do notumbayaan! 9 A' kou toi koilo dot iri nopo tulun dit a' tumanud do korohian do Kinorohingan om a' no kasanganu di Pomorintaan do Kinorohingan? Kada' kou kapalid! Tu' tulun nopo di magampahu', om i tulun do tumuku' dot id tingolig, om i lumapau, om i magampahu' dot oiyo ko' kusai, 10 om i manakau, om i tamaha', om i magauk, om i mongindaraat do tulun do suwai, om i monipu'd tulun do suwai --- om a' ngai' nopo kasanganu do Pomorintaan do Kinorohingan.

11 Om haro i' o piro-piro dot id pogialatan dokoyu dot iyo'ddi o kowoyo-woyoon di gulu po. Nga' baino' nopoddi om nokoidu' kou no do mantad id dusa. Om nosiliu kou nod dong Kinorohingan do tulun. Nokoulud kou no kawagu dot id Kinorohingan, tu' minonongkuyaan kou i' do Tuhan Yesus Kristus do mikuwo di kuasa' di Rusod do mantad id Kinorohingan toko'.

Popomoroyoho' nod Kinorohingan o Tinan Dokoyu

14 Napasi nod Kinorohingan o Tuhan Yesus do mantad id kapatayon, om iyo nogiddi o Kinorohingan do mamasi dati' dot i kuasa' dau o pamasi.
15 Oilaan i' dokoyu, oi tobpinai-tobpinai, do pakakas do tinan do Kristus o tinan dokoyu. Om koino-ino oku toi do moniliu'd ongoiso' di pakakas do tinan do Kristus do pakakas do tinan do sundal? Atantu' nod amu'! 16 Omt a' kou po toi koilo do tulun nopo di mongoi dudun do sundal, om kopiiso' no di sundal diri? Tu' nokotulis no dot id suang do Buuk do Kinorohingan o poingkaa, “Osiliu nondo iyolo' goduwo dot iso-iso',” ka.

17 Nga' tulun nopo di popoiso' do tinan dau dot id Tuhan, om kopiiso' no i Rusod do Tuhan om i rusod do tulun diri.
18 Insodu' kou no do mantad id tampahu'. Tu' iri ngai' nopo dusa'd suwai di wonsoyon do tulun, om id soliwan i' do tinan di tulun diri. Nga' tulun nopo di magampahu', om momonsoi nod dusa dot id tinan dau. 19 Omt mositi' nod koilo kou do tinan nopo dokoyu om tiyonon di Rusod do Kinorohingan. Om poingiyon dot id suang dokoyu i Rusod diri. Om Kinorohingan no o pinapatahak di Rusod diri dot id dokoyu. Okon no ko' iyokoyu o sanganu'd tinan dokoyu, suwai ko' Kinorohingan o sanganu. 20 Noboli kou nod Kinorohingan om nabayaran ngai' no dau iri. Iyo nopoddi, om pakayon no dokoyu o tinan dokoyu do popoinggayo'd Kinorohingan.

1 Corinthians 6

1 Dare any of you, having a matter against his neighbor, go to law before the unrighteous, and not before the saints?2 Or know ye not that the saints shall judge the world? and if the world is judged by you, are ye unworthy to judge the smallest matters?3 Know ye not that we shall judge angels? how much more, things that pertain to this life?4 If then ye have to judge things pertaining to this life, do ye set them to judge who are of no account in the church?5 I say this to move you to shame. What, cannot there be found among you one wise man who shall be able to decide between his brethren,6 but brother goeth to law with brother, and that before unbelievers?7 Nay, already it is altogether a defect in you, that ye have lawsuits one with another. Why not rather take wrong? why not rather be defrauded?8 Nay, but ye yourselves do wrong, and defraud, and that your brethren.9 Or know ye not that the unrighteous shall not inherit the kingdom of God? Be not deceived: neither fornicators, nor idolaters, nor adulterers, nor effeminate, nor abusers of themselves with men,10 nor thieves, nor covetous, nor drunkards, nor revilers, nor extortioners, shall inherit the kingdom of God.11 And such were some of you: but ye were washed, but ye were sanctified, but ye were justified in the name of the Lord Jesus Christ, and in the Spirit of our God.12 All things are lawful for me; but not all things are expedient. All things are lawful for me; but I will not be brought under the power of any.13 Meats for the belly, and the belly for meats: but God shall bring to nought both it and them. But the body is not for fornication, but for the Lord; and the Lord for the body:14 and God both raised the Lord, and will raise up as through his power.15 Know ye not that your bodies are members of Christ? shall I then take away the members of Christ, and make them members of a harlot? God forbid.16 Or know ye not that he that is joined to a harlot is one body? for, The twain, saith he, shall become one flesh.17 But he that is joined unto the Lord is one spirit.18 Flee fornication. Every sin that a man doeth is without the body; but he that committeth fornication sinneth against his own body.19 Or know ye not that your body is a temple of the Holy Spirit which is in you, which ye have from God? and ye are not your own;20 for ye were bought with a price: glorify God therefore in your body.