1 Korint 8
Pasal Pemakai Ti Diberi Ngagai Engkeramba
1 t Ngenang pasal pemakai ti diberi ngagai engkeramba: kitai nemu, “Semua kitai bela bisi penemu.” Penemu ngasuh orang ngerigangka diri, tang pengerindu ngemansangka orang. 2 t Barang sapa ngumbai diri nemu utai, apin bisi penemu ti patut dikembuan iya;
3 t tang orang ke rinduka Allah Taala, dikelala Allah Taala.
4 t Nya alai, ba pasal pemakai ti udah diberi ngagai engkeramba, kitai sama nemu, “engkeramba endang ukai utai ti idup”,t lalu “Allah Taala endang siku aja.” 5 Laban enti sema utai ti dikumbai petara bisi di langit tauka di dunya--laban utai ti dikumbai “petara” enggau dikumbai “tuhan” endang amat mayuh--
6 t tang ba kitai, kitai semina bisi siku aja Allah Taala, Apai ke pun semua utai, lalu kitai idup ke Iya; lalu kitai semina bisi siku aja Tuhan, iya nya Jesus Kristus. Ulih Iya semua utai udah digaga, lalu ulih Iya kitai idup.
7 t Tang ukai semua orang ngembuan penemu tu. Laban sekeda orang udah teleba enggau engkeramba nyentuk ngagai diatu, nya alai sida agi ngumbai pemakai ti diempa sida nya pemakai ti udah diberi ngagai engkeramba, lalu laban ati sida agi lemi, sida lalu ngumbai diri bedosa lebuh sida makai pemakai nya.
8 t “Pemakai enda ulih mai kitai semak ngagai Allah Taala. Kitai enda rugi, enti kitai enda makai, lalu kitai enda mega untung, enti kitai makai.”
9 t Tang bejimat, enggai ke kita ke tau ngereja semua utai, ngasuh orang ke lemi, bedosa. 10 Laban enti orang ke lemi meda kita ke bisi penemu makai dalam rumah sembiang engkeramba, enda ka nya deka meransang iya makai pemakai ti dienjuk ngagai engkeramba, enti iya agi lemi? 11 t Nya alai, menyadi ke lemi nya, ke udah ditebus Kristus, deka rusak laban penemu kita. 12 t Tang lebuh kita bedosa ngelaban orang Kristian lalu nelihka ati sida ti agi lemi, kita bedosa ngelaban Kristus. 13 t Nya alai, enti pemakai ngasuh orang Kristian bedosa, aku enggai sekali-kali makai dagin, enggai ke aku ngasuh sida bedosa.
1 Corinthians 8
1 Now concerning things sacrificed to idols: We know that we all have knowledge. Knowledge puffeth up, but love edifieth.2 If any man thinketh that he knoweth anything, he knoweth not yet as he ought to know;3 but if any man loveth God, the same is known by him.4 Concerning therefore the eating of things sacrificed to idols, we know that no idol is anything in the world, and that there is no God but one.5 For though there be that are called gods, whether in heaven or on earth; as there are gods many, and lords many;6 yet to us there is one God, the Father, of whom are all things, and we unto him; and one Lord, Jesus Christ, through whom are all things, and we through him.7 Howbeit there is not in all men that knowledge: but some, being used until now to the idol, eat as of a thing sacrificed to an idol; and their conscience being weak is defiled.8 But food will not commend us to God: neither, if we eat not, are we the worse; nor, if we eat, are we the better.9 But take heed lest by any means this liberty of yours become a stumblingblock to the weak.10 For if a man see thee who hast knowledge sitting at meat in an idol’s temple, will not his conscience, if he is weak, be emboldened to eat things sacrificed to idols?11 For through thy knowledge he that is weak perisheth, the brother for whose sake Christ died.12 And thus, sinning against the brethren, and wounding their conscience when it is weak, ye sin against Christ.13 Wherefore, if meat causeth my brother to stumble, I will eat no flesh for evermore, that I cause not my brother to stumble.