1 Corinth-te 8
1 Tu-in milim thoihna an tawh kisai-in: Eite khempeuh in theihna i neih lam i thei tek hi. Theihna in mi kisatheisak a, itna in a khansuah hi.2 Ka thei hi ci-a a kingaihsun mi in ama theih ding zah a thei nai kei hi.3 Ahi hangin Pasian a it mi Pasian in a thei hi.4 Tua tak ciangin milim thoihna an nekna thu panin milim pen, leitung ah bangmah a hi lopi hi-a Pasian khat longal adang om lo cih i thei hi.5 Ahang in, vantung ahi-a leitung ahi zongin pasian a kicite om taleh zong (“pasiante” tampi le “topate” tampi om takpi hi.)6 eite adingin Pasian khat bek om a, amah Pa hi-in, na khempeuh amah panin pianga eite ama adingin i nungta hi; tua ciangin Topa khat bek om a, amah Jesu Christ ahi hi; ama tungtawnin na khempeuh pianga, ama tungtawnin eite i nungta hi.7 Ahi hangin mi khempeuh in hih thu a thei kim kei hi. Mi pawlkhatte milim biak zongsang khin lua uh ahi manin tua bang ante a nek uh ciangin milim thoihna-a kizangsa ci-a ngaihsunsa-in a ne uh hi. Amau kitheihna lungsim thanem ahi manin a buah a suak uh hi.8 Ahi hangin an in Pasian tawh hong kinaisak tuan kei hi. I nek loh hangin i siazaw tuan kei a, i nek hangin zong i hoihzaw tuan kei hi.9 Bangbang ahi zongin na suahtakna uh na zatna uhah a thanemte adingin kimuktukna a suah loh nadingin kidawm un.10 Ahang in a kitheihna lungsim thanem mi khatpeuh in theihna a nei nang milim biakna inn sungah an na nek hong mu leh milim thoihna-a kipiate a nek ding uh maingal kha lo ding uh ahi hiam?11 Tua ciangin ama adinga Christ a si, a thanem sanggampa nang theihna in a siasak ahi hi.12 Hih bangin na sanggamte uh tunga na mawh uh a, a thanem amau kitheihna lungsim na liamsak beh uh ciangin Christ tunga mawh na hi uh hi.13 Tua ahi manin ka annek in mawhna sungah ka sang gampa a puksak leh amah ka puksak loh nadingin sa ka ne nawn peuhmah kei ding hi.
1 Corinthians 8
Take Care with Your Liberty
1 Now concerning things sacrificed to idols, we know that we all have knowledge. Knowledge makes arrogant, but love edifies.2 If anyone supposes that he knows anything, he has not yet known as he ought to know;3 but if anyone loves God, he is known by Him.
4 Therefore concerning the eating of things sacrificed to idols, we know that tthere is no such thing as an idol in the world, and that there is no God but one.5 For even if there are so-called gods whether in heaven or on earth, as indeed there are many gods and many lords,6 yet for us there is but one God, the Father, from whom are all things and we exist for Him; and one Lord, Jesus Christ, by whom are all things, and we exist through Him.
7 However not all men have this knowledge; but some, being accustomed to the idol until now, eat food as if it were sacrificed to an idol; and their conscience being weak is defiled.8 But food will not commend us to God; we are neither the worse if we do not eat, nor the better if we do eat.9 But take care that this liberty of yours does not somehow become a stumbling block to the weak.10 For if someone sees you, who have knowledge, dining in an idol's temple, will not his conscience, if he is weak, be strengthened to eat things sacrificed to idols?11 For through your knowledge he who is weak is ruined, the brother for whose sake Christ died.12 And so, by sinning against the brethren and wounding their conscience when it is weak, you sin against Christ.13 Therefore, if food causes my brother to stumble, I will never eat meat again, so that I will not cause my brother to stumble.