previous next

Numba 1 From John 3

Godʼs Kids

1 Tink bout da kine love an aloha da Fadda wen show us! He even wen call us his kids! An we his kids fo real kine, you know. Az why da peopo inside da world donno wat kine peopo us, cuz dey donno wat kine God. 2 My good friends, we Godʼs kids awready. God neva show us yet wat kine we goin be bumbye. But we know dat wen Christ come back, we goin be jalike him, cuz we goin see him jalike he stay.

3 Everybody dat know dat, an stay trus Christ, an wait fo him, dat guy make his own heart clean inside, jalike Christ stay clean inside.
4 Whoeva do bad kine stuff wen broke Godʼs Rules, cuz wen you do bad kine stuff, dat mean you no listen to Godʼs Rules. 5 You guys know dat Christ wen come fo throw out da bad kine stuff we wen do. Christ, he no do bad kine stuff, eva.

6 Whoeva stay tight wit Christ no stay do bad kine stuff. Whoeva stay do bad kine stuff, jalike dey neva see Christ o know him fo real kine.
7 My good friends, no let nobody bulai you guys. Whoeva stay do da right kine tings, dey stay right, jalike Christ stay right.

8 Whoeva stay do bad kine stuff, dey da Devilʼs kid, cuz from da first time da Devil stay do bad kine stuff. Dass why Godʼs Boy wen come, fo bus up da bad kine stuff da Devil stay doing.
9 Whoeva Godʼs kids no stay do bad kine stuff, cuz jalike God stay live inside dem now. Dey no stay do bad kine stuff, cuz dey come from God.

10 Dis how we can know who Godʼs kids an who da Devilʼs kids. Whoeva no do da right kine tings, not Godʼs kids. Whoeva no mo love an aloha fo dea brudda an sista, dey not Godʼs kids too.

Get Love An Aloha Fo Each Odda

(Da Start 4:1-12)


11 Da ting you wen hear from da first time say dis: We gotta get love an aloha fo each odda.

12 Tink bout da story inside da Bible from befo time. No make like Cain. He wen stick wit da Bad Guy, da Devil, an kill his own brudda. How come he wen kill him? Cuz Cain wen do bad kine tings, an his brudda wen do da right kine tings.
13 My bruddas an sistas, wen da peopo inside dis world hate you guys, no let dat blow yoa mind. 14 Us guys not mahke inside no moa, but we wen come alive inside fo real kine. An how come we know dat? Cuz we get love an aloha fo our bruddas an sistas, az why. Whoeva no mo love an aloha, stay cut off from God, jalike dey stay mahke inside. 15 Whoeva hate dea brudda an sista, jalike dey one guy dat kill peopo. An you know dat one guy dat kill peopo no mo da real kine life dat stay to da max foeva. 16 Dis how we know wat real love stay like: cuz Christ wen give himself fo mahke fo us. So den, we gotta be ready fo do da same kine ting fo our bruddas an sistas. 17 If get somebody dat get plenny stuffs, an dey see dat dea brudda o sista no mo notting, but dey no mo pity fo dem, how dey can say dat dey get love an aloha fo God? No can.

18 My good friends, no can show love wit talk ony, but gotta show da kine love dass fo real, an do good kine tings fo everybody.

We No Need Come Scared In Front God


19 So, wen us guys get dat kine love an aloha, den we know dat we stick wit wass true. We tell our own heart dat everyting stay okay now, da way God see us. 20 But no matta inside our heart we tinking plenny bout da bad kine stuff we wen do, same time, we know dat God mo big den our heart, an he know everyting bout us guys. 21 My good friends, if our heart no tell us we wen do bad kine stuff, we know same time we no need be shame in front God. 22 An we get from God wateva we aks him fo do, cuz we do wat he tell us, an do wat he like. 23 Dis wat God wen tell us fo do: Trus his Boy Jesus Christ, da Spesho Guy God Wen Send, an get love an aloha fo each odda, jalike he wen tell us. 24 Everybody dat do wat God tell us, dey stay tight wit God, an God stay tight wit dem. Dis how we know dat God stay tight wit us, cuz God wen give us his Spirit.

1 John 3

1 Behold what manner of love the Father hath bestowed upon us, that we should be called children of God; and such we are. For this cause the world knoweth us not, because it knew him not.2 Beloved, now are we children of God, and it is not yet made manifest what we shall be. We know that, if he shall be manifested, we shall be like him; for we shall see him even as he is.3 And every one that hath this hope set on him purifieth himself, even as he is pure.4 Every one that doeth sin doeth also lawlessness; and sin is lawlessness.5 And ye know that he was manifested to take away sins; and in him is no sin.6 Whosoever abideth in him sinneth not: whosoever sinneth hath not seen him, neither knoweth him.7 My little children, let no man lead you astray: he that doeth righteousness is righteous, even as he is righteous:8 he that doeth sin is of the devil; for the devil sinneth from the beginning. To this end was the Son of God manifested, that he might destroy the works of the devil.9 Whosoever is begotten of God doeth no sin, because his seed abideth in him: and he cannot sin, because he is begotten of God.10 In this the children of God are manifest, and the children of the devil: whosoever doeth not righteousness is not of God, neither he that loveth not his brother.11 For this is the message which ye heard from the beginning, that we should love one another:12 not as Cain was of the evil one, and slew his brother. And wherefore slew he him? Because his works were evil, and his brother’s righteous.13 Marvel not, brethren, if the world hateth you.14 We know that we have passed out of death into life, because we love the brethren. He that loveth not abideth in death.15 Whosoever hateth his brother is a murderer: and ye know that no murderer hath eternal life abiding in him.16 Hereby know we love, because he laid down his life for us: and we ought to lay down our lives for the brethren.17 But whoso hath the world’s goods, and beholdeth his brother in need, and shutteth up his compassion from him, how doth the love of God abide in him?18 My Little children, let us not love in word, neither with the tongue; but in deed and truth.19 Hereby shall we know that we are of the truth, and shall assure our heart before him:20 because if our heart condemn us, God is greater than our heart, and knoweth all things.21 Beloved, if our heart condemn us not, we have boldness toward God;22 and whatsoever we ask we receive of him, because we keep his commandments and do the things that are pleasing in his sight.23 And this is his commandment, that we should believe in the name of his Son Jesus Christ, and love one another, even as he gave us commandment.24 And he that keepeth his commandments abideth in him, and he in him. And hereby we know that he abideth in us, by the Spirit which he gave us.