previous next

Numba 1 From John 5

We Can Stand Up Agains Da Bad Kine Stuff An Win

1 Whoeva stay shua dat Jesus da Spesho Guy God Wen Send, dey Godʼs kids. Everybody dat get love an aloha fo one fadda get love an aloha fo his kids too. 2 Dis how we know dat we get love an aloha fo Godʼs kids, cuz we get love an aloha fo God an do wat he tell us fo do. 3 If we get love an aloha fo God, dat mean we do wat he tell us fo do. An da stuff he tell us fo do, not too hard. 4 Cuz all Godʼs kids can stand up agains da bad kine stuff inside da world, an win. Dis how we can do dat: we trus God.

5 Da guy dat stay shua dat Jesus Godʼs Boy, az da ony guy dat can stand up agains da bad kine stuff inside da world, an win.

Three Tings Dat Tell Bout Jesus


6 Jesus, he da Guy dat wen come wit water, dat time John wen baptize him. He come wit blood, dat time dey wen kill him. He come, not wit water ony, but wit water an blood. Godʼs Spirit tell us dat dis stay true, cuz his Spirit tell da trut. 7 So, get three tings dat tell da trut bout Jesus, 8 da Spirit, da water, an da blood. An dey all say da same ting. 9 We listen wat da peopo tell us. But wat God say get mo power still yet, cuz come from God. An dass wat God awready tell bout his Boy. 10 Whoeva trus Godʼs Boy get wat God say bout him inside his heart. But whoeva no trus God, jalike dey stay say, “God, he one bulaia!” cuz dey no trus wat God wen say bout his Boy. 11 Dis wat God say: he wen give us da real kine life dat goin stay to da max foeva, an dat kine life come from his Boy.

12 Whoeva stick wit Godʼs Boy get dat kine life inside him. Whoeva no stick wit Godʼs Boy no mo dat kine life inside him.

Da Kine Life Dat Goin Stay To Da Max Foeva


13 I write dis to you guys dat stay trus Godʼs Boy so you guys can know dat you guys get da real kine life dat stay to da max foeva. 14 Everytime we aks God fo do da tings he like make happen, we know fo shua dat he hear us.

15 An if we know dat he stay listen fo wateva we aks him, den we know dat we goin get da tings we wen aks him fo do.
16 If you see yoa brudda doing bad kine stuff dat no make da brudda mahke, you gotta aks God fo help um, an God goin give da brudda life. I talking bout da bad kine tings dat peopo do, but dat no make um mahke. Get bad stuff dat make um mahke -- I no say dat you gotta pray bout dat kine.

17 Everyting dat stay wrong, dass bad kine stuff. An get bad kine stuff dat no make da guy mahke dat do um.

18 We know dat everybody dat stay Godʼs kid no stay doing bad kine stuff, cuz Godʼs Boy take care him, an da Bad Guy, da Devil, no can hurt him.

19 Us guys know dat we come from God, but da Bad Guy stay in charge a all da odda peopo inside da whole world.

20 We know dat Godʼs Boy wen come an help us fo undastan, so dat we can know da One dass God fo real kine. Us guys stay tight wit da One dass God fo real kine -- wit Godʼs Boy Jesus, da Spesho Guy God Wen Send. Dass da real God, an dass da real kine life dat stay to da max foeva.
21 Eh you guys! You jalike my own kids! So, stay away from da idol kine gods.

1 John 5

1 Whosoever believeth that Jesus is the Christ is begotten of God: and whosoever loveth him that begat loveth him also that is begotten of him.2 Hereby we know that we love the children of God, when we love God and do his commandments.3 For this is the love of God, that we keep his commandments: and his commandments are not grievous.4 For whatsoever is begotten of God overcometh the world: and this is the victory that hath overcome the world, even our faith.5 And who is he that overcometh the world, but he that believeth that Jesus is the Son of God?6 This is he that came by water and blood, even Jesus Christ; not with the water only, but with the water and with the blood.7 And it is the Spirit that beareth witness, because the Spirit is the truth.8 For there are three who bear witness, the Spirit, and the water, and the blood: and the three agree in one.9 If we receive the witness of men, the witness of God is greater: for the witness of God is this, that he hath borne witness concerning his Son.10 He that believeth on the Son of God hath the witness in him: he that believeth not God hath made him a liar; because he hath not believed in the witness that God hath borne concerning his Son.11 And the witness is this, that God gave unto us eternal life, and this life is in his Son.12 He that hath the Son hath the life; he that hath not the Son of God hath not the life.13 These things have I written unto you, that ye may know that ye have eternal life, even unto you that believe on the name of the Son of God.14 And this is the boldness which we have toward him, that, if we ask anything according to his will, he heareth us:15 and if we know that he heareth us whatsoever we ask, we know that we have the petitions which we have asked of him.16 If any man see his brother sinning a sin not unto death, he shall ask, and God will give him life for them that sin not unto death. There is a sin unto death: not concerning this do I say that he should make request.17 All unrighteousness is sin: and there is a sin not unto death.18 We know that whosoever is begotten of God sinneth not; but he that was begotten of God keepeth himself, and the evil one toucheth him not.19 We know that we are of God, and the whole world lieth in the evil one.20 And we know that the Son of God is come, and hath given us an understanding, that we know him that is true, and we are in him that is true, even in his Son Jesus Christ. This is the true God, and eternal life.21 My little children, guard yourselves from idols.