1 YOHANES 5
Pengemenang lu' bau kekat éh jin tana' iteu'
1 Séé'-séé' éh ngelan Kristus éh purip éh pejajii' Allah, kelunan inah éh anak Allah. Séé'-séé' éh pika Tamen Néh, pu'un éh pika Anak Néh kepéh. 2 Kenat péh jalan lu' jam lu' pu'un pika kekat irah éh anak Allah, inah éh hun lu' pika Allah ngan kivu kekat sohoo' Néh. 3 t Uban inah éh jalan lu' pika Allah, hun lu' kivu kekat sohoo' Néh. La'ah kekat sohoo' Néh bé' éh ma'an maneu'. 4 Uban siget-siget kelunan éh anak Allah, omok éh nyopéé' tana' iteu'. Uleu' omok nyopéé' tana' iteu', neu' pengelan lu'.
5 Séé' éh omok nyopéé' tana' iteu'? Kelunan éh ngelan tong Yésus Anak Allah awah.Ha' tosok tong Yésus Kristus
6 Yésus Kristus pu'un tuai tong tana' ngan baa' pengebatis Néh ngan dahaa' pengematai Néh. Iah tuai bé' éh ngan baa' awah bang iah tuai ngan baa' ngan dahaa'. Sahéé' Ni'ai bé' éh jam kenyo. 7 Teleu' telana' inah pekelenaa' adang Yésus Anak Allah. 8 Sahéé' Ni'ai, baa' ngan dahaa'; teleu' telana' iteu' bara' tong éh kua' awah. 9 Pu'un lu' ngelan éh benara' kelunan bang éh benara' Allah pelapah gahang kepéh. Inah néh éh benara' Allah tong Anak Néh. 10 Kelunan éh ngelan tong Anak Allah kejam néh éh benara' Allah tong Anak Néh nah lem kenin néh. Bang kelunan éh bé' ngelan tong Allah, seleket iah bara' Allah kenyo. Uban bé' iah ngelan tong éh benara' Allah tong Anak Néh. 11 t Iteu néh éh benara' inah: Allah lepah mena' urip mu'un ngan pelinguh ngan urip inah pu'un éh tuai jin Anak Néh.
12 Séé'-séé' éh alaa' Anak Allah, iah alaa' urip inah; ngan séé'-séé' éh bé' alaa' Anak Allah iah bé' alaa' urip inah.Urip mu'un ngan pelinguh
13 Akeu' nyurat surat iteu' ngan ka'ah éh ngelan tong Anak Allah, dokoo' ka'ah omok jam ka'ah lepah alaa' urip mu'un ngan pelinguh. 14 Uleu' makang kenin tavin Allah uban uleu' jam Iah mipa ha' sebayang lu', hun lu' menyat ineu'-ineu' éh lem pengeloo' Néh.
15 Uleu' jam iah menéng ha' lu'. Hun mah awah lu' nenyat ngan Néh. Uban néh kenat uleu' péh jam iah mena' ngan lu' ineu' éh menyat lu' jin Iah.
16 La'ah hun néh séé'-séé' éh na'at padéé' néh dalem Tuhan éh bé' ngepo'ong maneu' penyala', kelunan éh kenat tekep keh mihin éh lem sebayang keh bara' éh ngan Allah dokoo' Néh purip éh. La'ah kelunan éh lepah jam Tuhan bang ngepo'ong maneu' penyala' ngan mahéng kenin néh, bé' akeu' nyohoo' keh sebayang tong néh, uban penyala' néh inah mihin éh tawang ngan matai.
17 Kekat penganeu' éh sa'at, inah éh penyala', bang pu'un penyala' éh bé' makat mihin éh tawang mu'un ngan matai.
18 La'ah uleu' jam kelunan éh paléu anak Allah, bé' éh petem maneu' penyala', uban Anak Allah pu'un mihau éh, Sitan bé' omok maneu' éh.
19 La'ah uleu' jam uleu' iteu' anah Allah ngan kekat éh tong tana' iteu' pu'un ra' penyukat Sitan.
20 La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.
21 O kekat anak ké', jian keh ngejuu' usah keh jin butun.
1 JOHN 5
Victory over the World
1 If we believe Jesus is truly Christ, we are God's children. Everyone who loves the Father will also love his children. 2 If we love and obey God, we know we will love his children.
3 t We show our love for God by obeying his commandments, and they are not hard to follow.
4 Every child of God can defeat the world, and our faith is what gives us this victory.
5 No one can defeat the world without having faith in Jesus as the Son of God.Who Jesus Is
6 Water and blood came out from the side of Jesus Christ. It wasn't just water, but water and blood.t The Spirit tells about this, because the Spirit is truthful. 7 In fact, there are three who tell about it.
8 They are the Spirit, the water, and the blood, and they all agree.
9 We believe what people tell us. But we can trust what God says even more, and God is the one who has spoken about his Son. 10 If we have faith in God's Son, we have believed what God has said. But if we don't believe what God has said about his Son, it is the same as calling God a liar. 11 t God has also said he gave us eternal life and this life comes to us from his Son.
12 And so, if we have God's Son, we have this life. But if we don't have the Son, we don't have this life.Knowing about Eternal Life
13 All of you have faith in the Son of God, and I have written to let you know you have eternal life. 14 We are certain God will hear our prayers when we ask for what pleases him.
15 And if we know God listens when we pray, we are sure our prayers have already been answered.
16 Suppose you see one of our people commit a sin that isn't a deadly sin. You can pray, and this person will be given eternal life. But the sin must not be one that is deadly.
17 Everything that is wrong is sin, but not all sins are deadly.
18 We are sure God's children do not keep on sinning. God's own Son protects them, and the devil cannot harm them.
19 We are certain we come from God and the rest of the world is under the power of the devil.
20 We know that Jesus Christ the Son of God has come and has shown us the true God. And because of Jesus, we now belong to the true God who gives eternal life.
21 Children, you must stay away from idols.