Numba 1 From Peter 4
God Like Make Us Diffren
(Rome 8:5-6)
1 You know, Christ was one guy jalike us, an he wen suffa plenny. Same ting you guys, get yoa head ready fo suffa jalike Christ. Cuz whoeva suffa, dea body no stay doing da bad kine stuff no moa. 2 Den dey goin stay inside dis world, but dey no goin like do da bad kine stuff dey like do jus cuz dey peopo, but dey ony goin do wat God like. 3 Befo time you guys had plenny time fo do any kine bad kine stuff, jalike da peopos dat donno God. Dey make any kine, dey like fool aroun, dey get drunk, dey ack wild, dey ony like party too much. No matta dey not suppose to, dey go down an pray to da idol kine gods. 4 Dey talk stink bout you guys, cuz dey no undastan how come you guys no make like dem wen dey go all out fo make any kine. 5 Bumbye dey goin stand in front God da Judge an tell him how come dey wen make lidat. God stay ready fo dem. You know, everybody gotta stand in front him, da guys dat stay alive an da guys dat wen mahke.
6 God goin check out da guys dat stay mahke now, jalike all da odda peopo, how dey wen make wen dey was alive. Dass why Jesus wen teach da Good Kine Stuff From God to dem, so dey can come alive inside fo real kine an do wat God like.We Gotta Take Care Wat God Give Us
7 Da time wen everyting goin pau goin come pretty soon. So you guys, use yoa head, an watch out how you make, so you can pray good. 8 Da main ting, get plenny love an aloha fo each odda, cuz no matta how much plenny bad kine stuff da odda guy wen do, still yet you can be friends if you get love an aloha fo da guy. 9 Give da peopo from odda place one place fo stay, an no make grumble bout um. 10 Everybody get power dat God wen give um, so he gotta use dat power fo help da peopo. We gotta use um good, cuz God stay give us all kine good stuff.
11 If anybody teach, he gotta teach da same ting jalike God say. If anybody help anodda guy, he gotta help um wit da power dat God give um. Den everybody goin see dat you guys make like Jesus Christʼs guys, an dey goin talk good bout God. He awesome, an his power goin be foeva. Dass right!We Goin Suffa Fo Christ
(Smart Guys 11:31)
12 My friends, no bum out if you suffa plenny. Dass fo check you guys out how you stay inside. No tink you da ony one dat suffa plenny lidat. 13 But you can stay good inside, cuz you suffa togedda wit Christ. Den bumbye you goin come plenny good inside wen everybody see how awesome he stay. 14 Wen somebody talk any kine to you cuz you Christʼs guys, you can stay good inside, cuz Godʼs awesome Spesho Spirit stay wit you. 15 If you suffa, no good if you suffa cuz you wen go kill somebody, o cuz you steal someting, o cuz you one crook, o cuz you niele odda peopoʼs stuffs.
16 But whoeva suffa cuz dey Christʼs guy, dey no need come shame cuz a dat. Mo betta, cuz dey Christʼs guy, dey tell everytime dat God stay awesome.
17 Cuz da time stay awready fo da peopo fo stand in front God da Judge. God goin start wit his own ohana, an he goin check dem out. So den, wat you figga goin happen to da guys dat no like listen to da Good Kine Stuff From God?
18 Jalike da Bible say,
“If stay real hard fo da good guys
Fo come out okay,
Wat goin happen to da guys dat ack like God no matta,
Da guys dat stay doing bad kine stuff?”
19 So den, wen God let his peopo suffa, dey can trus him fo take care dem, cuz he wen make dem, an he do wat he say everytime. An dey still yet can do da good kine stuff, jalike befo.
1 Peter 4
1 Forasmuch then as Christ suffered in the flesh, arm ye yourselves also with the same mind; for he that hath suffered in the flesh hath ceased from sin;2 that ye no longer should live the rest of your time in flesh to the lusts of men, but to the will of God.3 For the time past may suffice to have wrought the desire of the Gentiles, and to have walked in lasciviousness, lusts, winebibbings, revellings, carousings, and abominable idolatries:4 wherein they think it strange that ye run not with them into the same excess of riot, speaking evil of you:5 who shall give account to him that is ready to judge the living and the dead.6 For unto this end was the gospel preached even to the dead, that they might be judged indeed according to men in the flesh, but live according to God in the spirit.7 But the end of all things is at hand: be ye therefore of sound mind, and be sober unto prayer:8 above all things being fervent in your love among yourselves; for love covereth a multitude of sins:9 using hospitality one to another without murmuring:10 according as each hath received a gift, ministering it among yourselves, as good stewards of the manifold grace of God;11 if any man speaketh, speaking as it were oracles of God; is any man ministereth, ministering as of the strength which God supplieth: that in all things God may be glorified through Jesus Christ, whose is the glory and the dominion for ever and ever. Amen.12 Beloved, think it not strange concerning the fiery trial among you, which cometh upon you to prove you, as though a strange thing happened unto you:13 but insomuch as ye are partakers of Christ’s sufferings, rejoice; that at the revelation of his glory also ye may rejoice with exceeding joy.14 If ye are reproached for the name of Christ, blessed are ye; because the Spirit of glory and the Spirit of God resteth upon you.15 For let none of you suffer as a murderer, or a thief, or an evil-doer, or as a meddler in other men’s matters:16 but if a man suffer as a Christian, let him not be ashamed; but let him glorify God in this name.17 For the time is come for judgment to begin at the house of God: and if it begin first at us, what shall be the end of them that obey not the gospel of God?18 And if the righteous is scarcely saved, where shall the ungodly and sinner appear?19 Wherefore let them also that suffer according to the will of God commit their souls in well-doing unto a faithful Creator.