Numba 1 From Peter 5

Wat Da Older Church Leadas Suppose To Do

(Smart Guys 3:34)

1 You know, I one older leada guy, so I telling dis to you older leada guys: I was dea wen Christ wen suffa, an I goin stay by God too bumbye wen everybody see how awesome he stay. 2 You guys, you jalike sheep farmas dat take care dea sheeps. So, take care da peopo God wen give you guys. Do wat stay good fo dem, not cuz you gotta do um, but cuz you like do um. Do um da way God like. No make shame fo get tings fo yoaself, but make yoa heart go all out fo help Godʼs peopo. 3 No try make like one big boss ova da peopo God wen give you, but show dem how fo make.

4 Wen Jesus, da Head Sheep Farma, come back, den God goin give you guys one awesome present fo doing one good job. An yoa present no goin go poho, foeva.

Wat Da Odda Christian Peopo Suppose To Do

5 Same ting, you younga guys, listen to yoa older leada guys. Tink lidis: No get big head, cuz da Bible say,
“God stay agains da guy dat get big head,
But he do plenny fo help da guy dat no mo big head.”
6 So den everybody, tink bout Godʼs power an no get big head wit each odda. Den bumbye, wen God like, he goin show dat he tink you guys stay importan.

7 Let God take care all da stuff you guys worry bout, cuz he get big heart fo you guys.
8 Watch out! Use yoa head! Da Devil stay agains you, an he like hemo you from God. Dass why he stay going all ova da place jalike one wild lion, looking fo somebody he can eat up.

9 No scared stand up agains da Devil an trus God real solid. You guys know dat yoa bruddas an sistas all ova da world stay suffa all da stuff dey gotta suffa, jalike you guys.
10 God, he like do plenny stuff fo all us guys. He wen tell you guys fo come, cuz you guys stay tight wit Christ, an cuz a dat you guys goin come awesome foeva jalike God. Afta you guys suffa litto wile, God goin fix you guys up mo betta den befo. He goin make you guys stand up mo strong an real solid.

11 God, he get all da power foeva. Dass right!

Aloha

12 Silas stay help me fo write dis small letta to you guys. He one brudda who everytime do wat he suppose to. I wen like tell you guys fo hang in dea an rememba dat God stay do plenny fo us. Dass true, you know.
13 Da peopo dat come togedda fo church inside Babylon, dey tell you guys “Aloha.” Jalike you guys, God wen pick dem too. My boy Mark tell you guys “Aloha” too.

14 Cuz you get love an aloha fo each odda, give each odda one hug an kiss.
I like all you guys stay rest inside yoa heart cuz you stay tight wit Christ.

1 Peter 5

1 The elders among you I exhort, who am a fellow-elder, and a witness of the sufferings of Christ, who am also a partaker of the glory that shall be revealed:2 Tend the flock of God which is among you, exercising the oversight, not of constraint, but willingly, according to the will of God; nor yet for filthy lucre, but of a ready mind;3 neither as lording it over the charge allotted to you, but making yourselves ensamples to the flock.4 And when the chief Shepherd shall be manifested, ye shall receive the crown of glory that fadeth not away.5 Likewise, ye younger, be subject unto the elder. Yea, all of you gird yourselves with humility, to serve one another: for God resisteth the proud, but giveth grace to the humble.6 Humble yourselves therefore under the mighty hand of God, that he may exalt you in due time;7 casting all your anxiety upon him, because he careth for you.8 Be sober, be watchful: your adversary the devil, as a roaring lion, walketh about, seeking whom he may devour,9 whom withstand stedfast in your faith, knowing that the same sufferings are accomplished in your brethren who are in the world.10 And the God of all grace, who called you unto his eternal glory in Christ, after that ye have suffered a little while, shall himself perfect, establish, strengthen you.11 To him be the dominion for ever and ever. Amen.12 By Silvanus, our faithful brother, as I account him, I have written unto you briefly, exhorting, and testifying that this is the true grace of God. Stand ye fast therein.13 She that is in Babylon, elect together with you, saluteth you; and so doth Mark my son.14 Salute one another with a kiss of love. Peace be unto you all that are in Christ.