Numba 1 Fo Da Tessalonika Peopo 5

Stay Ready fo Wen Da Boss Come Back

1 Now bruddas an sistas, you guys no need me fo write you guys bout da day o da time wen all dis stuff goin happen. 2 Cuz you guys know awready dat da time wen da Boss goin come back, goin be jalike wen one steala guy go sneak inside yoa house nite time, an you no expeck.

3 Everybody goin say, “Eh, everyting goin good! Notting goin happen to me!” Den auwe! Right den an dea dey goin get it! Goin be jalike wen da pain hit da hapai wahine. No way peopo can run away from da kine!
4 But bruddas an sistas, you guys no stay do bad kine stuff jalike da bad guys do, nite time. So, wen dat day come an da Boss come back, no goin blow yoa mind jalike if one steala guy was sneaking up on you guys.

5 Cuz you guys do good kine stuff dat you no shame fo do day time, so everybody can see. We no stay do da kine bad stuff dat da odda peopo like do nite time, so nobody know.
6 Kay den. Watch out! No be like da odda peopo dat stay sleeping. Mo betta we stay ready, an tink good. 7 You know, da peopo who sleep, dey sleep nite time. An da peopo who drink plenny, dey do um nite time.

8 But all us guys, we gotta stay in charge a ourself, an stay ready.
We gotta fight da bad kine stuff. So we trus God, an get love an aloha fo him an his peopo. Dass jalike one metal plate on top da army guyʼs chest, so da odda guy no can kill him. An we know fo shua dat God goin take us outa da bad kine stuff we stay in. Dass jalike one helmet fo da army guyʼs head. 9 Now God, he neva put us guys hea jus so he can punish us guys bumbye. He wen put us hea so he can take us outa da bad kine stuff.

10 He wen do dat cuz Jesus Christ our Boss wen go mahke fo us. So wen Jesus come back, no matta we alive o we mahke dat time, we goin live fo real kine wit him.

11 So den, give each odda good kine words, an help each odda come mo solid inside, jalike you guys stay doing awready.

Wat Dey Suppose to Do

13 Cuz dey do dat kine work, I like you guys go show dem all kine love an aloha, an make dem like dey importan guys fo you. Go live togedda wit aloha.
14 Bruddas an sistas, we beg you guys fo do dis: Da guys who no like work, tell um dey betta work. Da guys dat tink dey nobody, give um good kine words. Kokua da guys dat not strong inside. Hang in dea wit everybody, an no get huhu.

15 Make shua nobody go do bad kine stuff to da odda guy fo pay um back fo da bad kine stuff he wen do. But try everytime fo do good kine stuff to each odda, an to all da odda guys too.
16 Stay good inside everytime. 17 No matta wat happen, make time fo talk to God everytime. 18 No matta wat happen, tell God “Mahalo plenny!.” Dass wat God like you guys do, cuz you guys stay tight wit Godʼs Spesho Guy Jesus. 19 No go jam up wat Godʼs Good an Spesho Spirit like do. 20 Wen some guy go talk fo God, no tink, “Junk, dat!” 21 Mo betta, go check out everyting, den stick wit da good stuff.

22 Any kine bad kine stuff, stay real far away from dat.
23 Now den, God, he make us guys heart stay rest inside. I like God make you guys be good an spesho fo him; an make you guys stay clean inside -- spirit, heart, body, everyting! Den nobody can poin finga you, from now till our Boss Jesus Christ come back.

24 You can trus God, cuz he da One dat stay telling you guys “Come! Be my guys!” an he goin make um happen.

25 Eh, bruddas an sistas! Aks God fo help us guys.
26 Tell all da bruddas an sistas “Aloha!” fo us guys, an go give um one hug an kiss cuz dey stay spesho fo God.

27 I aks you guys dis, cuz I talking fo da Boss: Make shua you read dis letta to all da peopo dat stay spesho fo God, so dey can hear um.
28 Kay den. I like our Boss Jesus Christ do plenny good kine stuff fo you guys.

1 Thessalonians 5

1 But concerning the times and the seasons, brethren, ye have no need that aught be written unto you.2 For yourselves know perfectly that the day of the Lord so cometh as a thief in the night.3 When they are saying, Peace and safety, then sudden destruction cometh upon them, as travail upon a woman with child; and they shall in no wise escape.4 But ye, brethren, are not in darkness, that that day should overtake you as a thief:5 for ye are all sons of light, and sons of the day: we are not of the night, nor of darkness;6 so then let us not sleep, as do the rest, but let us watch and be sober.7 For they that sleep sleep in the night: and they that are drunken are drunken in the night.8 But let us, since we are of the day, be sober, putting on the breastplate of faith and love; and for a helmet, the hope of salvation.9 For God appointed us not into wrath, but unto the obtaining of salvation through our Lord Jesus Christ,10 who died for us, that, whether we wake or sleep, we should live together with him.11 Wherefore exhort one another, and build each other up, even as also ye do.12 But we beseech you, brethren, to know them that labor among you, and are over you in the Lord, and admonish you;13 and to esteem them exceeding highly in love for their work’s sake. Be at peace among yourselves.14 And we exhort you, brethren, admonish the disorderly, encourage the fainthearted, support the weak, be longsuffering toward all.15 See that none render unto any one evil for evil; but always follow after that which is good, one toward another, and toward all.16 Rejoice always;17 pray without ceasing;18 in everything give thanks: for this is the will of God in Christ Jesus to you-ward.19 Quench not the Spirit;20 despise not prophesyings;21 prove all things; hold fast that which is good;22 abstain from every form of evil.23 And the God of peace himself sanctify you wholly; and may your spirit and soul and body be preserved entire, without blame at the coming of our Lord Jesus Christ.24 Faithful is he that calleth you, who will also do it.25 Brethren, pray for us.26 Salute all the brethren with a holy kiss.27 I adjure you by the Lord that this epistle be read unto all the brethren.28 The grace of our Lord Jesus Christ be with you.