previous next

Numba 2 Fo Da Corint Peopo 1

“Aloha!”

1 Aloha! Dis letta from me, Paul. God wen send me all ova fo tell peopo da Good Stuff From Godʼs Spesho Guy, Jesus. Brudda Timoty, he stay hea an he say same ting.
I writing dis fo all da peopo dat come togedda fo church an stay spesho kine fo God, inside Corint town an all ova Akaia side.

2 I like God our Fadda an Jesus Christ our Boss do plenny good tings fo you guys an make everyting come okay fo you guys.

Paul Tell God “Mahalo Plenny”


3 We like everybody talk good bout God. He da God an Fadda fo our Boss Jesus Christ. He da Fadda dat pity us an give us plenny chance, an he da God dat everytime give us good kine words. 4 He give us good kine words weneva we get hard time, an cuz a dat, we can give good kine words to da odda peopo dat get any kine hard time. We give dem good kine words jalike God wen give us. 5 Christ, Godʼs Spesho Guy, wen suffa plenny fo us guys. So, cuz Christ wen do dat, his Fadda give us choke good kine words wen we suffa. 6 Weneva me an Timoty get hard time, God give us good kine words. Same time, good you guys figga God goin give you good kine words too, an take you outa da bad kine stuff you stay in. Weneva you guys suffa jalike us, God give you guys good kine words too, so den you guys know you can handle da whole ting.

7 Az why we stay shua you guys goin come out okay. We know dat wen you guys suffa jalike us, God goin kokua you guys jalike he kokua us.
8 Bruddas an sistas, we like you guys know da hard time we wen get ova hea Asia side. We had plenny presha, mo plenny den we can handle, dat we even wen give up an tink we goin mahke. 9 We wen bum out plenny, jalike one crook guy feeling wen da judge say he gotta mahke. But all dat wen happen so dat we can learn fo trus God an no trus ourself. God, he get power fo even make da peopo alive again dat wen mahke. 10 He wen take us outa da bad kine stuff, wen we almos wen mahke. An he goin take us outa da bad kine stuff nex time too. We still yet stay shua he goin take us outa da bad kine stuff ova an ova.

11 If you guys stay pray fo us too, den dat goin help us guys cuz God goin do plenny stuffs fo us. He goin do dat cuz plenny peopo wen pray. Den plenny peopo goin tell God “Mahalo plenny” wen dey tink bout us guys.

Paul Change His Plan


12 Dis how come we talk big. We know inside us dat da way we do stuff in dis world, we do wat God like us fo do, an we no move from dat, so everybody can see dat we fo real. We no do um wit da kine smarts da peopo inside dis world get, but wit da kine smarts dat God give us cuz he get good heart fo us. Az how we wen do um even mo plenny, dat time we wen stay wit you guys. 13 Da ony stuff we write to you guys, you guys can read an can undastan um. Den da stuff you guys undastan litto bit awready, I stay shua dat bumbye you guys goin undastan um mo betta.

14 Right now, you guys ony undastan litto bit bout us guys. But wen our Boss Jesus come back, I stay shua you guys goin undastan plenny. Den you guys goin talk big bout us, jalike we goin talk big bout you guys.
15 Cuz I wen know dat, da first ting I wen tink fo do was go back by you guys, so you guys can get someting good two times. 16 I wen tink I goin come see you guys wen I go Macedonia side, an one mo time wen I coming back, cuz I like you guys kokua me so I can go Judea side.

17 Wen I wen tink fo come by you guys, you guys tink I change mind everytime? Nah! Wen I tink fo do someting, you guys tink I like do um ony my way, jalike all da odda peopo inside da world? You guys tink I saying “Oh yeah” an “No way” same time?
18 Jalike we can trus God fo do wat he say, wat I tell you guys everytime not “Oh yeah” an “No way” same time. 19 Me an Silas an Timoty wen teach you guys bout Jesus Christ, Godʼs Boy. Jesus, he not one “Oh yeah” an “No way” same time kine guy. He everytime “Yeah!” 20 Da stuff God wen promise fo do, you guys tink he can do um? Jesus say, “Yeah!” An us guys can say, “Dass right!” cuz we know wat Jesus Christ wen do. We say dat fo show how awesome God stay. 21 God, he da One dat make us guys an you guys all be Christʼs peopo, an no mo notting goin change dat. God wen pick us fo be his guys.

22 God wen put his awesome Spirit in charge a us guys, fo show wat he goin do fo us bumbye. Dass jalike he wen put his mark on top us fo show he own us.
23 Wen I say dis, I aks God fo back me up, cuz he know me inside. He know how come I no going Corint still yet. I no like make you guys shame, dass why I no going dea still yet. 24 We no ack like boss an try fo tell you guys who you gotta trus. We work wit you guys so you can stay good inside. Cuz you know you guys can be strong wen you trus God.

2 Corinthians 1

1 Paul, an apostle of Christ Jesus through the will of God, and Timothy our brother, unto the church of God which is at Corinth, with all the saints that are in the whole of Achaia:2 Grace to you and peace from God our Father and the Lord Jesus Christ.3 Blessed be the God and Father of our Lord Jesus Christ, the Father of mercies and God of all comfort;4 who comforteth us in all our affliction, that we may be able to comfort them that are in any affliction, through the comfort wherewith we ourselves are comforted of God.5 For as the sufferings of Christ abound unto us, even so our comfort also aboundeth through Christ.6 But whether we are afflicted, it is for your comfort and salvation; or whether we are comforted, it is for your comfort, which worketh in the patient enduring of the same sufferings which we also suffer:7 and our hope for you is stedfast; knowing that, as ye are partakers of the sufferings, so also are ye of the comfort.8 For we would not have you ignorant, brethren, concerning our affliction which befell us in Asia, that we were weighed down exceedingly, beyond our power, insomuch that we despaired even of life:9 yea, we ourselves have had the sentence of death within ourselves, that we should not trust in ourselves, but in God who raiseth the dead:10 who delivered us out of so great a death, and will deliver: on whom we have set our hope that he will also still deliver us;11 ye also helping together on our behalf by your supplication; that, for the gift bestowed upon us by means of many, thanks may be given by many persons on our behalf.12 For our glorifying is this, the testimony of our conscience, that in holiness and sincerity of God, not in fleshly wisdom but in the grace of God, we behaved ourselves in the world, and more abundantly to you-ward.13 For we write no other things unto you, than what ye read or even acknowledge, and I hope ye will acknowledge unto the end:14 as also ye did acknowledge us in part, that we are your glorying, even as ye also are ours, in the day of our Lord Jesus.15 And in this confidence I was minded to come first unto you, that ye might have a second benefit;16 and by you to pass into Macedonia, and again from Macedonia to come unto you, and of you to be set forward on my journey unto Judaea.17 When I therefore was thus minded, did I show fickleness? or the things that I purpose, do I purpose according to the flesh, that with me there should be the yea yea and the nay nay?18 But as God is faithful, our word toward you is not yea and nay.19 For the Son of God, Jesus Christ, who was preached among you by us, even by me and Silvanus and Timothy, was not yea and nay, but in him is yea.20 For how many soever be the promises of God, in him is the yea: wherefore also through him is the Amen, unto the glory of God through us.21 Now he that establisheth us with you in Christ, and anointed us, is God;22 who also sealed us, and gave us the earnest of the Spirit in our hearts.23 But I call God for a witness upon my soul, that to spare you I forbare to come unto Corinth.24 Not that we have lordship over your faith, but are helpers of your joy: for in faith ye stand fast.