Numba 2 Fo Da Corint Peopo 10
Paul Talk Bout Wat He Do Fo God
(Jeremiah 9:24)
1 Dis yoa brudda Paul talking. You guys tink I shame fo talk strait out wen I stay wit you guys, but I no mo shame fo talk strait out wen I stay one far place? Eh, I telling you guys fo listen to me, cuz Christ get good heart fo you guys, an he give you guys chance. 2 Get guys ova dea dat say dat us guys stay ack jalike da odda peopo inside dis world ack. So wen I come ova dea, I tink I gotta talk strait to dem guys. I telling you guys fo try listen to wat I saying now, so den wen I come ova dea, I no need talk strong to dem guys. 3 Wen we get beef wit odda peopo, we no fight like da peopo inside da world dat donno God, no matta we live inside da world too. 4 We no use da same kine tings fo beef, jalike da peopo inside dis world use. Wen we beef agains da hard head kine peopo dat try fo make argue, we get Godʼs power fo show dat dea hard head tinking all hamajang. 5 Everyting dey do fo make demself mo importan, an fo stand agains anybody dat like know God, we goin teach um fo tink diffren kine, da way Christ like us tink.
6 Afta you guys start fo do everyting Christ say, we goin stay ready fo handle anybody dat still yet do wat Christ say no do.
7 You guys ony like look at da tings on da outside. If one guy tink he Christʼs guy, he gotta tink bout dis, dat we Christʼs guys too, jalike him. 8 I no mo shame fo tell everybody dat da Boss wen give us guys da right fo make you guys strong inside, an no wipe you guys out. 9 I no like make like I try fo scare you guys wit da lettas I write. 10 Some guys say, “Da lettas from dis Paul guy, dey talk strong an dey get plenny power, but wen he stay ova hea, he no ack lidat, an wat he say, good fo notting.”
11 Try let dem guys figga dis: Da lettas we write wen we no stay dea, an how we ack wen we come dea, same ting.
12 Get peopo dat tell everybody dat dey real good peopo. We no make ourself jalike dem. We no like say we jalike dem. Dose guys, dey ony look at odda guys jalike demself, an dey figga dey stay good jalike dem. Wen dey make lidat, dey no undastan notting. 13 We no goin talk big bout someting we neva do. We ony goin talk big bout da job God wen give us fo do. Wat we wen do fo you guys, God wen tell us fo do dat. 14 We no stay ova-do um wen we talk big bout you guys. Cuz we da guys wen come an tell you guys da Good Stuff From Christ, an you guys wen listen. If God neva send us by you guys, an we still yet wen talk big bout you guys, den dass not right. 15 We no talk big bout da stuff odda peopo wen do. You guys stay trus God mo an mo now, an we stay waiting an trus dat we goin help you guys mo an moa, jalike God wen tell us fo do. 16 Den we can tell da Good Stuff From Christ inside da places da odda side a you guys, wea nobody stay working. No good we talk big bout wat odda guys wen do inside dea kuleana like we was da guys wen do um. 17 You know, da Bible say, “Da guy who talk big, let um talk big bout God da Boss.” 18 Anybody talk good bout demself, dat no goin make da Boss say, “Dis guy okay.” So den, who okay? Da guy da Boss talk good bout, he okay.
2 Corinthians 10
1 Now I Paul myself entreat you by the meekness and gentleness of Christ, I who in your presence am lowly among you, but being absent am of good courage toward you:2 yea, I beseech you, that I may not when present show courage with the confidence wherewith I count to be bold against some, who count of us as if we walked according to the flesh.3 For though we walk in the flesh, we do not war according to the flesh4 (for the weapons of our warfare are not of the flesh, but mighty before God to the casting down of strongholds),5 casting down imaginations, and every high thing that is exalted against the knowledge of God, and bringing every thought into captivity to the obedience of Christ;6 and being in readiness to avenge all disobedience, when your obedience shall be made full.7 Ye look at the things that are before your face. If any man trusteth in himself that he is Christ’s, let him consider this again with himself, that, even as he is Christ’s, so also are we.8 For though I should glory somewhat abundantly concerning our authority (which the Lord gave for building you up, and not for casting you down), I shall not be put to shame:9 that I may not seem as if I would terrify you by my letters.10 For, His letters, they say, are weighty and strong; but his bodily presence is weak, and his speech of no account.11 Let such a one reckon this, that, what we are in word by letters when we are absent, such are we also in deed when we are present.12 For we are not bold to number or compare ourselves with certain of them that commend themselves: but they themselves, measuring themselves by themselves, and comparing themselves with themselves, are without understanding.13 But we will not glory beyond our measure, but according to the measure of the province which God apportioned to us as a measure, to reach even unto you.14 For we stretch not ourselves overmuch, as though we reached not unto you: for we came even as far as unto you in the gospel of Christ:15 not glorying beyond our measure, that is, in other men’s labors; but having hope that, as your faith groweth, we shall be magnified in you according to our province unto further abundance,16 so as to preach the gospel even unto the parts beyond you, and not to glory in another’s province in regard of things ready to our hand.17 But he that glorieth, let him glory in the Lord.18 For not he that commendeth himself is approved, but whom the Lord commendeth.