previous next

Numba 2 From Peter 2

Da Teachas Dat Bulai

1 Befo time, had some Israel peopo dat wen say dey talk fo God, but dey ony wen bulai. Same ting goin happen wit you guys -- goin get peopo dat say dey teach fo God, but dey goin bulai. Dey goin be sneaky an dey no goin like nobody know wat dey doing fo real kine. Dass how dey goin bring in dea own kine teaching. An if you guys listen to dem, you goin wipe out fo shua. Dey even goin say dat dey no need listen to God, dea owna, neva mind he wen pay high price fo dem. Cuz dey ack lidat, dey goin wipe out real fast. 2 Still yet, goin get plenny peopo dat goin follow dem, an make any kine how dey like an no shame. Da way dem guys ack, goin make peopo talk stink bout da true teaching.

3 Dey greedy guys, dem teachas dat bulai. Dey goin tell you guys any kine make up stories so dey can make choke money from you guys. But you know, God da Judge, he not sleeping. From long time, he stay ready fo punish dem. An he still stay waiting, den he goin wipe um out fo shua.

God Wen Punish Odda Peopo Like Dem Awready


4 You know, befo time had angel messenja guys dat wen do bad kine stuff, an God da Judge neva let dem go. He wen throw um down inside Hell, an wen tie um up wit chains fo make um stay inside da Deep Dark Hole till da time wen dey gotta stand in front him.

5 Same ting wit da whole world long time ago. Dat time, da peopo was acking jalike God, he notting. Same time, had da guy Noah dat was telling da odda peopo wass da right ting fo do. But dey neva listen. Dass why God wen make da rain come hard on top dem, an da flood wen wipe um out. But God wen take care Noah, plus seven odda peopo from Noahʼs ohana.
6 One nodda time, had da peopo from Sodom town an Gomorrah town. God wen punish dem cuz dey was so bad. He wen burn up everyting all aroun dea, so ony had ashes, an da peopo wen mahke. Den, da odda peopo dat come afta an like make jalike God notting, dat show dem da same ting goin happen to dem if dey make lidat. 7 Same time, had one guy name Lot ova dea dat wen like do da right ting. Wen bodda him plenny, how da odda guys wen go buckaloose da way dey neva listen to Godʼs Rules. So God wen take Lot outa dea.

8 Lot like do da right ting, but he wen live right dea by da peopo from Sodom town, so every day he hear an see dem broke Godʼs Rules. All dat wen make him suffa plenny inside.
9 All dis stuff show dat da Boss know how fo take peopo dat like listen to him outa trouble. Same time, he know how fo make da peopo dat no like do wass right, stay suffa till dey gotta stand in front God da Judge.

10 An da peopo dat ony like do all da pilau tings dey like do jus cuz dey peopo, God know how fo make dem suffa even moa. Dey like talk stink everybody dat get da right fo tell um wat dey gotta do.

Da Teacha Guys Dat Bulai, Dey Doing Bad Kine Stuff


Dem teacha guys dat bulai, dey get big head, an go all out. Dey no mo respeck, an dey no scared fo talk stink bout God an his awesome kine peopo inside da sky. 11 Da angel guys, dey mo strong den dem teacha guys. No matta da angel guys get mo plenny power, dey no talk stink bout da awesome guys in front da Boss, an dey no poin finga dem. 12 But dem teacha guys, dey like talk stink bout da kine stuff dey no undastan. Dey jalike da animals dat no can tink. Dey ony good fo take um an wipe um out. Fo shua dey goin be wipe out, cuz dey make any kine to odda peopo. 13 Dey make peopo suffa plenny, an God goin make dem suffa too cuz dey wen do wat no stay right. Dey tink good fun fo party up. Dey even do any kine dey like day time, wen everybody can see um! Wen dey eat wit you guys, dey ony stay dea fo party up an do any kine shame kine stuff.

14 Dey ony like check out da wahines an try make um fool aroun behind dea husbanʼs back. Dey no stop doing mo an mo bad kine stuff, eva. Dey stay looking fo peopo dat ony trus God litto bit, so dey can try make um do bad kine stuff. Dey work hard fo make demself mo an mo greedy. God goin punish dem fo shua!

Da Time God Wen Make One Donkey Talk

(Numbers 22:21-35)


15-16 Befo time, dem guys was going da right way, but den, dey wen bag an go da wrong way. Dey wen go do jalike da guy Balaam, Beorʼs boy. He was one talka fo God, but he wen like make money so bad, he wen go do tings dat no stay right. Dat time, Balaam wen stay riding on top one donkey. Da donkey, he no can talk. But God wen make da donkey talk jalike one guy! Da donkey wen scold Balaam fo da bad kine stuff he wen do. Da donkey wen try stop him, so he no do da kine crazy stuff he like do.

God Goin Punish Da Teacha Guys Dat Bulai

(Smart Guys 26:11)


17 Dose teacha guys dat bulai, dey jalike one puka wea da water suppose to come out, but no mo water. Dey jalike da low clouds dat da hard wind blow away. God wen make one real dark place fo put dem guys. 18 I mean dis. Dey talk big, but dey no say notting. Dey talk lidat cuz dey like bulai peopo fo do any kine how dey like do an no shame. Get peopo dat wen go da wrong way, but now dey starting fo come back da right way litto bit. Dey da peopo dat dem teacha guys like bulai. 19 Dose buggas, dey promise peopo, “If you listen to us guys, you can go do any kine how you like!” But da teacha guys dat saying dat, dey jalike slaves dat no can hemo demself from da pilau kine stuff dey doing. Wateva take ova you an make you do um, jalike you one slave fo do dat kine stuff, you know. 20 Gotta know our Boss Jesus Christ fo get outa da pilau kine stuff hea inside da world. But if peopo change dea mind, an get all tie up inside da pilau stuff jalike befo time, dat stuff goin take ova dem. Dey goin come mo worse den befo time. 21 No good if you know da right way fo live, an den you change yoa mind, an no do da good an spesho tings God wen tell you fo do. Mo betta fo you, if you neva know da right way first time. 22 But dose teacha guys dat bulai, dey jalike da true ting da Bible wen say inside da Proverbs book: “Da dog throw up, an den he go back to um.” An same ting, “Da pig, you clean um up, an den awready he go back lay down inside da mud.”

2 Peter 2

1 But there arose false prophets also among the people, as among you also there shall be false teachers, who shall privily bring in destructive heresies, denying even the Master that bought them, bringing upon themselves swift destruction.2 And many shall follow their lascivious doings; by reason of whom the way of the truth shall be evil spoken of.3 And in covetousness shall they with feigned words make merchandise of you: whose sentence now from of old lingereth not, and their destruction slumbereth not.4 For if God spared not angels when they sinned, but cast them down to hell, and committed them to pits of darkness, to be reserved unto judgment;5 and spared not the ancient world, but preserved Noah with seven others, a preacher of righteousness, when he brought a flood upon the world of the ungodly;6 and turning the cities of Sodom and Gomorrah into ashes condemned them with an overthrow, having made them an example unto those that should live ungodly;7 and delivered righteous Lot, sore distressed by the lascivious life of the wicked8 (for that righteous man dwelling among them, in seeing and hearing, vexed his righteous soul from day to day with their lawless deeds):9 the Lord knoweth how to deliver the godly out of temptation, and to keep the unrighteous under punishment unto the day of judgment;10 but chiefly them that walk after the flesh in the lust of defilement, and despise dominion. Daring, self-willed, they tremble not to rail at dignities:11 whereas angels, though greater in might and power, bring not a railing judgment against them before the Lord.12 But these, as creatures without reason, born mere animals to be taken and destroyed, railing in matters whereof they are ignorant, shall in their destroying surely be destroyed,13 suffering wrong as the hire of wrong-doing; men that count it pleasure to revel in the day-time, spots and blemishes, revelling in their deceivings while they feast with you;14 having eyes full of adultery, and that cannot cease from sin; enticing unstedfast souls; having a heart exercised in covetousness; children of cursing;15 forsaking the right way, they went astray, having followed the way of Balaam the son of Beor, who loved the hire of wrong-doing;16 but he was rebuked for his own transgression: a dumb ass spake with man’s voice and stayed the madness of the prophet.17 These are springs without water, and mists driven by a storm; for whom the blackness of darkness hath been reserved.18 For, uttering great swelling words of vanity, they entice in the lusts of the flesh, by lasciviousness, those who are just escaping from them that live in error;19 promising them liberty, while they themselves are bondservants of corruption; for of whom a man is overcome, of the same is he also brought into bondage.20 For if, after they have escaped the defilements of the world through the knowledge of the Lord and Saviour Jesus Christ, they are again entangled therein and overcome, the last state is become worse with them than the first.21 For it were better for them not to have known the way of righteousness, than, after knowing it, to turn back from the holy commandment delivered unto them.22 It has happened unto them according to the true proverb, The dog turning to his own vomit again, and the sow that had washed to wallowing in the mire.