previous next

2 Timoti 3

Hari Ti Penudi

1 Tang nuan enda tau enda nemu tu: ba hari ti penudi mayuh macham penusah deka nyadi. 2 Laban orang deka semina berundingka diri empu aja, angkunka duit, temegah, sumbung, bejai orang, enda ngasika apai indai, enda nemu meri terima kasih, enda kudus, 3 kasar enggau orang, nadai nemu siruka orang, bejakuka orang, enda nemu nagang diri, mangah, begedika utai ti badas, 4 aum-juak, enda berunding ngereja utai, ngerigangka diri laban sumbung, semina deka ngelantangka diri lalu enda rinduka Allah Taala, 5 baka ke bepegai ba agama, tang sida besangkalka kuasa agama nya. Anang begulai enggau sida! 6 Laban sekeda bala sida tama ngagai rumah orang, lalu bekuasa atas indu ke beli, ke alah ditating dosa sereta alah laban semua macham pengingin, 7 ke seruran diajar tang nadai tetemuka penemu pasal pemendar. 8 t Baka Jannes seduai Jambres ke ngelaban Moses, baka nya meh orang tu nyakal pemendar. Runding sida jai, lalu pengarap sida pelesu.

9 Tang sida enda ulih majakka pengawa nya laban, baka ti nyadi ba Jannes seduai Jambres, semua orang deka meda pemeli sida.

Atur Ti Penudi


10 Tang nuan udah nemu ajar aku, ulah aku, tuju pengidup aku, pengarap aku, pengeliat ati aku, pengerindu aku, penegap aku, 11 t pemerinsa aku, penusah aku, utai ti nyadi ba aku di Antiok, di Ikonium, enggau di Listra, pasal pemalat pemerinsa ti ditatka aku! Tang Tuhan udah ngelepaska aku ari semua utai nya. 12 Iya ti bendar, semua orang ke keran deka diau kudus dalam Jesus Kristus, deka kena perinsaka magang. 13 Tang orang ke jai, enggau orang ke pura-pura ngapa,t deka majak jai se-jai, nipu orang, lalu sida empu deka kena tipu. 14 Tang nuan enda tau enda majak bepegai ba utai ti udah dipelajar sereta dikarapka nuan laban nuan nemu sapa ke udah ngajar nuan utai nya, 15 lalu nuan, kenyau ari nuan agi mit, endang udah nemu Bup Kudus ulih ngajar nuan ngulihka pengelepas ulih pengarap ke Jesus Kristus. 16 Semua Bup Kudus endang bepun arit Allah Taala magang, lalu beguna kena ngajar, kena ngerara, kena ngaduka utai ti salah, enggau kena matihka orang diau lurus, 17 ngambika semua nembiak Allah Taala chukup disikap ngereja genap macham pengawa ti badas.

2 Timothy 3

1 But know this, that in the last days grievous times shall come.2 For men shall be lovers of self, lovers of money, boastful, haughty, railers, disobedient to parents, unthankful, unholy,3 without natural affection, implacable, slanderers, without self-control, fierce, no lovers of good,4 traitors, headstrong, puffed up, lovers of pleasure rather than lovers of God;5 holding a form of godliness, but having denied the power therefore. From these also turn away.6 For of these are they that creep into houses, and take captive silly women laden with sins, led away by divers lusts,7 ever learning, and never able to come to the knowledge of the truth.8 And even as Jannes and Jambres withstood Moses, so do these also withstand the truth. Men corrupted in mind, reprobate concerning the faith.9 But they shall proceed no further. For their folly shall be evident unto all men, as theirs also came to be.10 But thou didst follow my teaching, conduct, purpose, faith, longsuffering, love, patience,11 persecutions, sufferings. What things befell me at Antioch, at Iconium, at Lystra; what persecutions I endured. And out of them all the Lord delivered me.12 Yea, and all that would live godly in Christ Jesus shall suffer persecution.13 But evil men and impostors shall wax worse and worse, deceiving and being deceived.14 But abide thou in the things which thou hast learned and hast been assured of, knowing of whom thou hast learned them.15 And that from a babe thou hast known the sacred writings which are able to make thee wise unto salvation through faith which is in Christ Jesus.16 Every scripture inspired of God is also profitable for teaching, for reproof, for correction, for instruction which is in righteousness.17 That the man of God may be complete, furnished completely unto every good work.