Jesus Guys 18
Inside Corint
1 Afta dat Paul wen go way from Athens an wen go Corint. 2 Ova dea he wen come by one Jewish guy name Aquila. He from Pontus, an he jus wen come from Italy wit his wife Priscilla. Cesar Claudius da Big King wen tell all da Jewish peopo fo get outa Rome town, az why. Paul wen go an talk wit dem. 3 Paul make tents, an Aquila an Priscilla wen make um too, so he wen stay wit dem an work wit dem.
4 Every Rest Day he talk plenny wit da Jewish peopo an da peopo dat not Jewish inside da Jewish church fo try help um trus da Good Stuff Bout Jesus.
5 Silas an Timoty wen come from Macedonia. An den Paul wen ony talk to da Jewish peopo everytime. He tell um da Good Stuff Bout Jesus, dat he da Spesho Guy God Wen Send. 6 But wen da Jewish guys wen stand up agains Paul an wen talk bad to him, he wen shake out his clotheses fo show he wen had it wit dem, an wen tell um, “You guys get da blame if you guys goin be cut off from God! I no mo da blame fo dat. Now I goin go talk wit da peopo dat not Jews.” 7 Den he wen go way from da Jewish church, an wen go nex door, da house wea one guy name Titius Justus live. Dat guy, he get plenny respeck fo God.
8 Crispus, he da leada guy fo da Jewish church. Him an all his ohana wen trus da Boss Jesus. An had plenny peopo from Corint dat wen hear Paul an trus Jesus too, an wen get baptize.
9 One nite Paul wen see someting jalike one dream. Da Boss Jesus wen tell him, “No need be scared. No give up telling da Good Stuff. 10 Cuz I stay wit you, an nobody goin hurt you. Plenny peopo from dis town, dey stay mines.”
11 So Paul wen stay ova dea an wen teach um wat God wen say fo one year an a half.
12 Wen Gallio stay governa fo Akaia, da Jews wen gang up on Paul an wen take him in front da governa.
13 Da Jews wen tell da governa, “Dis guy, he stay make da peopo go down an pray to God da way dat stay agains our Rules.”
14 Paul wen start fo talk, but Governa Gallio wen tell da Jews, “If you Jewish guys wen squawk bout someting dat stay wrong o some crime, den dass good fo me fo listen to you guys. 15 But you guys squawk bout how da guy talk, an names, an yoa own rules. So you guys make um right yoaself. I no goin judge dat kine stuff.” 16 An he wen tell his guys fo throw um outside da place.
17 Den da Jewish guys wen grab Sostenes, da Jewish church leada guy, an wen bus um up in front da governa. But Gallio neva care bout dat.Paul Go Back To Antiok
18 Paul wen stay Corint long time. Den he wen go way from da bruddas an wen sail Syria side. Priscilla an Aquila wen go wit him. Befo Paul wen sail, he cut off his hair inside Kenkrea, cuz he wen make one promise fo do someting. 19 Dey wen come Efesus, an Paul wen go way from Priscilla an Aquila. Paul wen go inside da Jewish church, an wen talk to da Jewish peopo fo help um trus da Good Stuff Bout Jesus. 20 Dey wen tell him fo stay ova dea some moa, but he neva like.
21 Wen he stay going, he wen promise dem, “I goin come back if az wat God like.” Den he wen sail from Efesus.
22 Wen Paul wen come Cesarea, he wen go show face to da church guys. Den he wen go Antiok.
23 He wen stay Antiok long time. Den he wen go all ova Galatia an Frygia, an wen kokua da peopo dat stay tight wit Jesus.Apollos Stay Inside Efesus An Corint
24 One Jewish guy name Apollos wen come to Efesus. He from Alexandria. He one guy dat wen go school long time, an he know plenny stuff from da Bible. 25 Befo time odda bruddas wen teach him bout da Boss Jesus, an da way he wen talk, everybody know he tink dass importan. He wen teach da right way bout Jesus. But he ony know bout da guy Johnʼs baptism. 26 He wen start fo talk wit power inside da Jewish church. Wen Priscilla an Aquila hear him, dey tell him fo come dea house. An dey teach him bout Jesus way mo betta. 27 Apollos wen like go Akaia, an da bruddas wen kokua him. Dey wen write one letta fo da bruddas an sistas ova dea, so dey goin give Apollos dea aloha. Wen he go ova dea, he wen help da peopo dat wen trus God cuz God wen do plenny good tings fo dem. 28 An he wen talk wit plenny power to da Jewish guys in front all da peopo. He show um proof from da Bible dat Jesus, he da Spesho Guy God Wen Send.
Acts 18
1 After these things he departed from Athens, and came to Corinth.2 And he found a certain Jew named Aquila, a man of Pontus by race, lately come from Italy, with his wife Priscilla, because Claudius had commanded all the Jews to depart from Rome: and he came unto them;3 and because he was of the same trade, he abode with them, and they wrought, for by their trade they were tentmakers.4 And he reasoned in the synagogue every sabbath, and persuaded Jews and Greeks.5 But when Silas and Timothy came down from Macedonia, Paul was constrained by the word, testifying to the Jews that Jesus was the Christ.6 And when they opposed themselves and blasphemed, he shook out his raiment and said unto them, Your blood be upon your own heads; I am clean: from henceforth I will go unto the Gentiles.7 And he departed thence, and went into the house of a certain man named Titus Justus, one that worshipped God, whose house joined hard to the synagogue.8 And Crispus, the ruler of the synagogue, believed in the Lord with all his house; and many of the Corinthians hearing believed, and were baptized.9 And the Lord said unto Paul in the night by a vision, Be not afraid, but speak and hold not thy peace:10 for I am with thee, and no man shall set on thee to harm thee: for I have much people in this city.11 And he dwelt there a year and six months, teaching the word of God among them.12 But when Gallio was proconsul of Achaia, the Jews with one accord rose up against Paul and brought him before the judgment-seat,13 saying, This man persuadeth men to worship God contrary to the law.14 But when Paul was about to open his mouth, Gallio said unto the Jews, If indeed it were a matter of wrong or of wicked villany, O ye Jews, reason would that I should bear with you:15 but if they are questions about words and names and your own law, look to it yourselves; I am not minded to be a judge of these matters.16 And he drove them from the judgment-seat.17 And they all laid hold on Sosthenes, the ruler of the synagogue, and beat him before the judgment-seat. And Gallio cared for none of these things.18 And Paul, having tarried after this yet many days, took his leave of the brethren, and sailed thence for Syria, and with him Priscilla and Aquila: having shorn his head in Cenchreae; for he had a vow.19 And they came to Ephesus, and he left them there: but he himself entered into the synagogue, and reasoned with the Jews.20 And when they asked him to abide a longer time, he consented not;21 but taking his leave of them, and saying, I will return again unto you if God will, he set sail from Ephesus.22 And when he had landed at Caesarea, he went up and saluted the church, and went down to Antioch.23 And having spent some time there, he departed, and went through the region of Galatia, and Phrygia, in order, establishing all the disciples.24 Now a certain Jew named Apollos, an Alexandrian by race, an eloquent man, came to Ephesus; and he was mighty in the scriptures.25 This man had been instructed in the way of the Lord; and being fervent in spirit, he spake and taught accurately the things concerning Jesus, knowing only the baptism of John:26 and he began to speak boldly in the synagogue. But when Priscilla and Aquila heard him, they took him unto them, and expounded unto him the way of God more accurately.27 And when he was minded to pass over into Achaia, the brethren encouraged him, and wrote to the disciples to receive him: and when he was come, he helped them much that had believed through grace;28 for he powerfully confuted the Jews, and that publicly, showing by the scriptures that Jesus was the Christ.