Jesus Guys 19
Paul Stay Inside Efesus
1 Apollos wen stay inside Corint. Paul wen go da back road, an come Efesus. He find some guys dat trus God ova dea.
2 He aks um, “You wen get Godʼs Spesho Spirit fo take charge you wen you wen trus God, o wat?”
Dey say, “We neva even hear bout Godʼs Spesho Spirit befo dis.”
3 Paul say, “Wat kine baptism you wen get?”
Dey say, “Da kine baptism John wen make.”
4 Paul say, “Johnʼs baptism stay fo da peopo dat come sorry fo all da bad kine stuff dey wen do, an pau do um. He tell dem fo trus da Guy dat goin come bumbye, Jesus.” 5 Wen dey hear dat, dey wen get baptize fo show dey wen trus da Boss Jesus. 6 Wen Paul wen put his hands on top dem, Godʼs Spesho Spirit wen take charge a dem. So den dey wen talk odda kine talk, an wen tell wat God wen say.
7 Had bout twelve guys ova dea dat time.
8 Paul wen go inside da Jewish church. Fo three months he not scared fo tell da Good Stuff Bout Jesus. He teach um real good bout how dey can get God fo dea King, so dey can trus him. 9 But some a dem wen get all hard head. Dey neva like trus da Good Stuff, an dey wen talk any kine in front everybody bout da Boss Jesus way. So den Paul wen go way from dem. He wen take da guys dat stay tight wit Jesus wit him, an dey wen talk togedda every day inside da big room at Hale O Tyrannus.
10 Dey wen do dat fo two years, an all da Jewish peopo an da peopo inside Asia dat talk Greek wen hear wat da Boss Jesus wen say.Scevaʼs Boys
11 God wen help Paul do real awesome stuff wit power. 12 Dey wen take handkerchiefs an aprons dat he wen touch, an bring um by da sick peopo, an dey wen come good. An da bad kine spirits wen let da peopo go. 13 Had some Jewish guys dat wen go all ova an make da bad kine spirits let go da peopo. Dey wen try use da Boss Jesus name fo make da bad kine spirits let um go. Dey say, “Wit Jesus power, da guy Paul talk bout, I tell you bad kine spirits fo let go da guy.” 14 Had one a da Jewish main priest ohana guys name Sceva dat get seven boys. Dey wen make lidat. 15 But da bad kine spirit wen tell dem, “I know who Jesus, an I know who Paul, but who you guys?” 16 Den da guy dat get da bad kine spirit wen jump um, an hold um down. Den he wen bus um all up. So den dey wen all run outside da house naked an all bleeding. 17 Da Jewish peopo an da Greek peopo dat stay inside Efesus wen hear bout dat, an dey wen all come real scared. An dey wen get plenny respeck fo da Boss Jesus. 18 Plenny peopo dat trus da Boss now, wen come fo tell everybody all da bad kine stuff dey wen do. 19 Befo time, plenny a dem guys wen make da kahuna. So dey wen come an pile up all dea kahuna books, an burn um in front everybody. Wen dey wen figga how plenny da books cost, wen cost um fifty tousand silva piece.
20 Dass how plenny peopo wen hear wat da Boss Up Dea wen say, an trus him, an wen do wat he say.Da Big Beef Inside Efesus
21 Afta all dat wen happen, Paul wen tink fo go Jerusalem, an go thru Macedonia an Akaia. He say, “Afta I go ova dea, den I gotta go Rome too.”
22 He wen send two a his helpa guys Macedonia side, Timoty an Erastus. But he wen stay Asia side litto wile moa.
23 Dat time some guys wen make big trouble bout Jesus way. 24 Had one guy name Demetrius dat wen make stuff from silva. He make silva tings dat look jalike da temple fo da idol kine wahine god Artemis. Da guys dat work fo him wen make plenny money. 25 He tell um all fo come, an da worka guys dat wen make odda stuff fo dem. An he wen say, “Eh, you guys, you know us guys get plenny money cuz a all da stuff we make. 26 An you guys see an hear dat dis guy Paul wen make plenny peopo trus dis odda stuff, an wen turn away plenny peopo hea inside Efesus, an all ova Asia. He say da idol kine gods da peopo make no stay gods fo real.
27 Cuz a dat da peopo goin talk stink bout da stuff us guys make, an mo worse, dey goin tink da temple fo da big wahine god Artemis no good. She stay awesome, an da peopo all ova Asia an da world go down an pray to her. But dese guys, bumbye dey goin wipe her out!”
28 Wen da peopo wen hear dat, dey wen come plenny huhu, an wen start fo yell, “Artemis from Efesus, she get plenny power!” 29 Right den an dea, all da peopo inside Efesus wen come all mix up an wen make big noise. Da peopo wen grab Gaius an Aristarkus, two guys from Macedonia dat wen stay wit Paul, an dey all wen run togedda inside da stadium. 30 Paul wen like go in front da peopo, but Jesus guys neva let him. 31 Even some a da leada guys fo Asia, dey Paulʼs friends, an dey wen send him one letta dat say, “No go inside da stadium!” 32 Everybody wen stay all mix up. Some guys wen yell one ting, an odda guys one nodda ting. Plenny peopo neva know how come dey wen go ova dea. 33 Da Jewish peopo wen push one guy name Alexander in front, an some a da peopo wen yell at him wat fo do. He wen wave his arms fo tell dem fo no make noise so he can talk.
34 But wen da peopo wen figga dat he one Jewish guy, dey all yell togedda fo two hours, “Artemis from Efesus, she get plenny power!”
35 Den da town secretary fo Efesus wen make da peopo shut dea mouts, an say, “You peopo from Efesus! Everybody know dat Efesus town take care a da temple fo da importan wahine god Artemis, an her idol dat drop down from da sky, yeah? 36 Nobody can say dass not true! Dass why you guys betta shut yoa mouts an no do someting stupid. 37 You guys bring dese guys ova hea, an dey neva steal notting from da temple, an dey neva talk stink bout our wahine god. 38 So den, if Demetrius an his worka guys get anyting fo say agains somebody, dey can go in front da judge an da governas. Dey can make one squawk agains um ova dea. 39 If you get mo tings you like fo say agains dem, you gotta come togedda an do um jalike da rules say. 40 Cuz dis way, da army guys can bus us fo make big beef, cuz we no can tell um stay good we wen make lidis.” 41 Wen he wen pau say dat, den he wen tell everybody fo go home.
Acts 19
1 And it came to pass, that, while Apollos was at Corinth, Paul having passed through the upper country came to Ephesus, and found certain disciples:2 and he said unto them, Did ye receive the Holy Spirit when ye believed? And they said unto him, Nay, we did not so much as hear whether the Holy Spirit was given.3 And he said, Into what then were ye baptized? And they said, Into John’s baptism.4 And Paul said, John baptized with the baptism of repentance, saying unto the people that they should believe on him that should come after him, that is, on Jesus.5 And when they heard this, they were baptized into the name of the Lord Jesus.6 And when Paul had laid his hands upon them, the Holy Spirit came on them; and they spake with tongues, and prophesied.7 And they were in all about twelve men.8 And he entered into the synagogue, and spake boldly for the space of three months, reasoning and persuading as to the things concerning the kingdom of God.9 But when some were hardened and disobedient, speaking evil of the Way before the multitude, he departed from them, and separated the disciples, reasoning daily in the school of Tyrannus.10 And this continued for the space of two years; so that all they that dwelt in Asia heard the word of the Lord, both Jews and Greeks.11 And God wrought special miracles by the hands of Paul:12 insomuch that unto the sick were carried away from his body handkerchiefs or aprons, and the evil spirits went out.13 But certain also of the strolling Jews, exorcists, took upon them to name over them that had the evil spirits the name of the Lord Jesus, saying, I adjure you by Jesus whom Paul preacheth.14 And there were seven sons of one Sceva, a Jew, a chief priest, who did this.15 And the evil spirit answered and said unto them, Jesus I know, and Paul I know, but who are ye?16 And the man in whom the evil spirit was leaped on them, and mastered both of them, and prevailed against them, so that they fled out of that house naked and wounded.17 And this became known to all, both Jews and Greeks, that dwelt at Ephesus; and fear fell upon them all, and the name of the Lord Jesus was magnified.18 Many also of them that had believed came, confessing, and declaring their deeds.19 And not a few of them that practised magical arts brought their books together and burned them in the sight of all; and they counted the price of them, and found it fifty thousand pieces of silver.20 So mightily grew the word of the Lord and prevailed.21 Now after these things were ended, Paul purposed in the spirit, when he had passed through Macedonia and Achaia, to go to Jerusalem, saying, After I have been there, I must also see Rome.22 And having sent into Macedonia two of them that ministered unto him, Timothy and Erastus, he himself stayed in Asia for a while.23 And about that time there arose no small stir concerning the Way.24 For a certain man named Demetrius, a silversmith, who made silver shrines of Diana, brought no little business unto the craftsmen;25 whom he gathered together, with the workmen of like occupation, and said, Sirs, ye know that by this business we have our wealth.26 And ye see and hear, that not alone at Ephesus, but almost throughout all Asia, this Paul hath persuaded and turned away much people, saying that they are no gods, that are made with hands:27 and not only is there danger that this our trade come into disrepute; but also that the temple of the great goddess Diana be made of no account, and that she should even be deposed from her magnificence whom all Asia and the world worshippeth.28 And when they heard this they were filled with wrath, and cried out, saying, Great is Diana of the Ephesus.29 And the city was filled with the confusion: and they rushed with one accord into the theatre, having seized Gaius and Aristarchus, men of Macedonia, Paul’s companions in travel.30 And when Paul was minded to enter in unto the people, the disciples suffered him not.31 And certain also of the Asiarchs, being his friends, sent unto him and besought him not to adventure himself into the theatre.32 Some therefore cried one thing, and some another: for the assembly was in confusion; and the more part knew not wherefore they were come together.33 And they brought Alexander out of the multitude, the Jews putting him forward. And Alexander beckoned with the hand, and would have made a defense unto the people.34 But when they perceived that he was a Jew, all with one voice about the space of two hours cried out, Great is Diana of the Ephesians.35 And when the townclerk had quieted the multitude, he saith, Ye men of Ephesus, what man is there who knoweth not that the city of the Ephesians is temple-keeper of the great Diana, and of the image which fell down from Jupiter?36 Seeing then that these things cannot be gainsaid, ye ought to be quiet, and to do nothing rash.37 For ye have brought hither these men, who are neither robbers of temples nor blasphemers of our goddess.38 If therefore Demetrius, and the craftsmen that are with him, have a matter against any man, the courts are open, and there are proconsuls: let them accuse one another.39 But if ye seek anything about other matters, it shall be settled in the regular assembly.40 For indeed we are in danger to be accused concerning this day’s riot, there being no cause for it: and as touching it we shall not be able to give account of this concourse.41 And when he had thus spoken, he dismissed the assembly.