previous next

GALATIA 3

Sohoo' lem Surat Musa ngan pengelan tong Kristus

1 Palui ka'ah kelunan Galatia. Séé' lepah ngaboo' ngan ngepaléu kenin ka'ah? Hun lepah rai pu'un keh menéng ngan lenaa' mu'un tong jalan Kristus Yésus pu'un matai tong kayeu' salib rai. 2 Akeu' juk neteng keh, kineu' jalan keh pu'un alaa' Sahéé' Tuhan. Kineu', neu' keh kivu kekat sohoo' lem Surat Musa? Adang bé'. Pu'un keh alaa' Sahéé' Ni'ai uban keh menéng Rengah Jian ngan ngelan éh nenéng keh. 3 Uban ineu' keh bé' jam seruh. Pengelan keh rai, pu'un éh neu' Sahéé' Tuhan, kineu' keh juk kivu kekat jin tana' iteu' hun iteu' kepéh. 4 Kineu', tuyah-tuyah awah kekat pengeketa keh hun keh ngelan rai? Kioo' ké' bé' éh tuyah-tuyah awah.

5 Hun Allah pu'un mena' Sahéé' Néh ngan keh ngan maneu' kuraa' telana' belah keh rai, bé' éh mena' éh neu' keh kivu adet sebayang Yahudi. Nena' Néh Sahéé' uban keh menéng ngan ngelan tong Rengah Jian nah.
6  t La'ah barei' ha Surat Allah bara' tong Abraham, ka' ha' Néh, Pu'un Abraham ngelan tong Allah, ngan neu' pengelan néh, inah jalan Allah alaa' iah seleket kelunan éh lepah jian kepéh. 7 t Uban néh kenat jian keh nesen, kelunan éh ngelan, inah éh puku' Abraham mu'un. 8 t Lem surat Allah lepah bara' éh tenéh, Allah juk alaa' irah éh tengéé' pohoo' jin irah Yahudi neu' pengelan réh tong Iah. Kenat péh Allah bara' Rengah Jian iteu' ngan Abraham, bé' jak éh pu'un kenat. Jin ka'au' kekat arong kelunan pah tipo tana' omok alaa' pengejian ké'.

9 Pu'un Abraham ngelan ha' Tuhan inah, kenat iah pu'un alaa' pengejian jin Allah. Kenat péh kepéh kekat kelunan éh ngelan, omok réh alaa' pengejian jin Allah pekua' Abraham nah.
10  t Kelunan éh seruh iah omok ngepayoo' kenin Allah neu' néh kivu sohoo' lem Surat Musa, ukum Tuhan teneng tong iah. Uban pu'un jah ha' lem Surat Allah bara' ka', séé'-séé' éh bé' ngelayau kivu kekat éh lepah senurat dalem Surat Musa, pu'un Allah ngukum éh, ha' Néh. 11 t La'ah bé' pu'un jah usah péh éh omok ngepayoo' kenin Allah neu' néh kivu sohoo' lem Surat Musa. Uban pu'un jah ha' lem Surat Allah éh bara' ka', kelunan éh pu'un kenin éh jian kepéh tong Allah neu' pengelan néh tong Iah, omok éh murip.

12 t Bang Surat Musa nah, bé' éh bara' ineu'-ineu' tong pengelan bang pu'un éh bara' tong penganeu' kelunan awah, barei' jah ha' lem Surat Allah kepéh, éh bara' kelunan éh kivu kekat sohoo' lem Surat Musa, omok éh murip, ha' Néh.
13  t La'ah Kristus lepah ngelepu uleu' jin ukum inah, uban kelunan bé' omok kivu kekat ha' ngan sohoo' lem Surat Musa. Jalan Kristus ngelepu uleu', Iah tagong ukum uleu', usah Néh tengéé' kenukum Tuhan ngeliwah uleu'. Uban pu'un jah ha' lem Surat Allah bara' ka', siget-siget kelunan éh matai tong kayeu' salib pu'un éh kenukum Tuhan, ha' Néh.

14 Uban Yésus Kristus matai kenat, kekat pengejian éh pejajii' Allah ngan Abraham, omok éh avéé' tong kelunan éh tengéé' pohoo'. Pu'un éh kenat dokoo' neu' pengelan lu' tong Yésus Kristus, uleu' péh omok alaa' Sahéé' Ni'ai éh pejajii' Néh.

Tong jajii' Tuhan ngan Abraham ngan sohoo' lem Surat Musa

15 O Kekat padéé' ké', akeu' juk bara' ngan keh tong jalan éh kemalai keh. Hun pu'un duah usah maneu' jajii' ngan peséréé' bé' pu'un jah usah péh omok memata' éh kenat péh pepit ineu'-ineu' tong néh. 16 t La'ah pu'un Allah maneu' jajii' Néh ngan Abraham ngan jah panak néh kepéh. La'ah bé' iah maneu' jajii' ngan kekat panak Abraham, barei' okoo' ngan kelunan pinaa' nah, bang tong jah usah jin panak néh uban ka' ha' Tuhan rai, Jajii' Ké' iteu' pu'un avéé' tong jah usah panak ko', ha' Néh. La'ah panak néh nah, inah éh Kristus. 17 t Iteu sin tong éh benara' ké' nah. pu'un Allah lepah maneu' jah jajii' ngan Abraham, adang jajii' Néh inah pu'un petem, kekat sohoo' lem Surat Musa éh nena' Néh pat ato-teleu' poloo' ta'un la'o inah, bé' éh omok memata' jajii' Allah.

18 t Uban hun lu' omok alaa' kenin éh jian kepéh ngan Allah neu' lu' kivu sohoo' lem Surat Musa nah awah, bé' lu' tusah ngelan tong Tuhan, ngan jajii' Tuhan inah, seleket bé' pu'un. Bang pu'un Allah mena' éh pejajii' Néh ngan Abraham kivu ha' jajii' Néh lepah nah.
19 Uban ineu' Tuhan mena' kekat sohoo' lem Surat Musa? Ineu' gunah néh? Lebéé' tenéh la'o ha' jajii' Néh ngan Abraham nah, nena' Néh sohoo' inah dokoo' néh pepoléng kekat sala' lu'. Sohoo' Néh inah pu'un pah avéé' tong savéé' panak Abraham nah, inah éh Kristus, éh panak Abraham nah uban jajii' inah rai pu'un éh ngan néh. La'ah kekat sohoo' lem Surat Musa, nena' Tuhan neu' meliket Néh ngan Musa, éh mena' éh ngan kelunan kepéh.

20 Bang hun Allah mena' jajii' Néh ngan Abraham rai, bé' pu'un pebelah, la'ah Allah Iah péh jah awah.

Tong jalan Allah mena' sohoo' Néh ngan Musa

21 Hun néh kenat, kineu', Surat Musa nah pekelawan ngan jajii' Allah éh? Bé' éh kenat. Uban hun néh pu'un jah sohoo' éh omok pepurip kelunan, boh irah pu'un jian kepéh ngan Allah neu' sohoo' inah.

22 Surat Allah lepah bara', kekat kelunan béé pu'un lem penyukat penyala'. Hun néh kenat kineu' jalan néh omok pelepu. Inah éh neu' pengelan néh tong Yésus Kristus. Séé'-séé' éh ngelan kenat adang néh pelepu.
23 Bang kelebéé' Kristus bé' jak tuai rai uleu' pu'un lem kamit sohoo' lem Surat Musa, bang hun Kristus avéé' boh pu'un pengelan tong Iah kepéh. 24 La'ah kenat péh Surat Musa iteu', barei' jah guru éh mihin uleu' tavin Kristus, dokoo' uleu' pu'un jian kepéh tong jumen Allah neu' pengelan lu' tong Iah.

25 Bang hun iteu' uleu' pu'un ngelan tong Kristus, ngan bé' uleu' pu'un lem kamit sohoo' lem Surat Musa iteu' éh barei' jah guru nah.
26 Uban neu' pengelan keh tong Kristus, ka'ah béé péh anak Allah, uban keh pu'un pemung ngan Kristus Yésus. 27 Uban kekat ka'ah éh lepah benatis dalem Kristus, pu'un keh lepah alaa' kekat pengejian pekua' barei' Kristus kepéh. 28 Kenat péh hun iteu', ka'ah béé-béé pu'un jah awah dalem Kristus Yésus. Bé' pu'un kelunan Yahudi ngan irah éh tengéé' pohoo' kepéh, kenat péh bé' pu'un kelunan ripen ngan kelunan éh bé' ripen, bé' éh tengéé' irah lakei' ngan tengéé' irah redo, ka'ah béé jah awah neu' pengelan keh tong Kristus Yésus. 29 t Hun ka'ah anah Kristus boh ka'ah péh panak Abraham kepéh, ngan ka'ah omok alaa' kekat éh pejajii' Allah ngan Abraham kepéh.

GALATIANS 3

Faith Is the Only Way

1 You stupid Galatians! I told you exactly how Jesus Christ was nailed to a cross. Has someone now put an evil spell on you? 2 I want to know only one thing. How were you given God's Spirit? Was it by obeying the Law of Moses or by hearing about Christ and having faith in him? 3 How can you be so stupid? Do you think that by yourself you can complete what God's Spirit started in you? 4 Have you gone through all of this for nothing? Is it all really for nothing?

5 God gives you his Spirit and works miracles in you. But does he do this because you obey the Law of Moses or because you have heard about Christ and have faith in him?
6  t The Scriptures say that God accepted Abraham because Abraham had faith. 7 t And so, you should understand that everyone who has faith is a child of Abraham.t 8 t Long ago the Scriptures said God would accept the Gentiles because of their faith. This is why God told Abraham the good news that all nations would be blessed because of him.

9 This means everyone who has faith will share in the blessings given to Abraham because of his faith.
10  t Anyone who tries to please God by obeying the Law is under a curse. The Scriptures say, “Everyone who doesn't obey everything in the Law is under a curse.”

11 t No one can please God by obeying the Law. The Scriptures also say, “The people God accepts because of their faith will live.”t
12  t The Law isn't based on faith. It promises life only to people who obey its commands. 13 t But Christ rescued us from the Law's curse, when he became a curse in our place. This is because the Scriptures say that anyone who is nailed to a tree is under a curse.

14 And because of what Jesus Christ has done, the blessing promised to Abraham was taken to the Gentiles. This happened so that by faith we would be given the promised Holy Spirit.

The Law and the Promise

15 My friends, I will use an everyday example to explain what I mean. Once someone agrees to something, no one else can change or cancel the agreement.t 16 That is how it is with the promises God made to Abraham and his descendant.t The promises were not made to many descendants, but only to one, and that one is Christ. 17 t What I am saying is that the Law cannot change or cancel God's promise made 430 years before the Law was given.

18 t If we have to obey the Law in order to receive God's blessings, those blessings don't really come to us because of God's promise. But God was kind to Abraham and made him a promise.
19 What is the use of the Law? It was given later to show that we sin. But it was only supposed to last until the coming of that descendantt who was given the promise. In fact, angels gave the Law to Moses, and he gave it to the people.

20 There is only one God, and the Law did not come directly from him.

Slaves and Children

21 Does the Law disagree with God's promises? No, it doesn't! If any law could give life to us, we could become acceptable to God by obeying that law.

22 But the Scriptures say that sin controls everyone, so that God's promises will be for anyone who has faith in Jesus Christ.
23 The Law controlled us and kept us under its power until the time came when we would have faith. 24 In fact, the Law was to be our teacher until Christ came. Then we could have faith and be acceptable to God.

25 But once a person has learned to have faith, there is no more need to have the Law as a teacher.
26 All of you are God's children because of your faith in Christ Jesus. 27 And when you were baptized, it was as though you had put on Christ in the same way you put on new clothes. 28 Faith in Christ Jesus is what makes each of you equal with each other, whether you are a Jew or a Greek, a slave or a free person, a man or a woman. 29 t So if you belong to Christ, you are now part of Abraham's family, t and you will be given what God has promised.