previous next

GALATIA 5

Hun Kristus ngelepu lu' mai lu' keripen kepéh

1 La'ah uleu' lepah piso jin kekat sohoo' lem Surat Musa uban Kristus éh pepiso lu'. Uban néh kenat, jian keh nekedéng petem, mai keh moléé' kivu inah kepéh. 2 Jian keh menéng ha' ké', akeu' iteu' Paulus éh bara' ngan keh, hun keh kejeraa' réh pesunat keh, adang Kristus bé' pu'un gunah ngan keh. 3 Akeu' bara' kepéh, siget-siget usah éh kejeraa' réh pesunat éh, adang iah tekep kivu kekat sohoo' lem Surat Musa kepéh. 4 La'ah hun keh keloo' jian kepéh tong jumen Allah neu' keh kivu sohoo' lem Surat Musa, inah ka'ah petengéé' usah keh jin Kristus, ka'ah lepah piso jin penika Allah. 5 Bang améé' pu'un améé' ngelan Allah omok maneu' améé' jian kepéh tong jumen Néh, kenat améé' mena ngan kebit kenin, neu' penyukat Sahéé' Ni'ai éh kereja' pemung ngan pengelan mé'.

6 Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.
7 La'ah jian ka'ah hun lepah rai. Séé' éh meta' keh dokoo' keh bé' kivu ha' tebaraa' éh teneng. Séé' ngaboo' ngan ngepaléu kenin keh? 8 Tuhan éh tebai keh, bé' Iah maneu' kenat. 9 t Pu'un éh barei' éh benara' kelunan, si'ik awah tawan pekevat omok éh pekevat tepong béé.

10 Bang akeu' ngelan adang ka'ah omok ngelan Tuhan kepéh, barei' keh ngelan hun kekat penusah iteu' bé' pu'un rai. Uban lu' pu'un petem lem Tuhan, inah éh maneu' akeu' omok ngelan ka'ah bé' pu'un tengéé' kenin ngan bé' kivu ha' tebaraa' éh tengéé'. Ngan inah kepéh kejam ké', kelunan séé'-séé' éh petusah kenin keh nah, adang néh kenukum Allah.
11 O kekat padéé' ké', hun ké' to nebaraa' kelunan nyohoo' réh pesunat, barei' ha' irah jelua' maneu' akeu' nah, uban ineu' réh peketa akeu'? Hun akeu' nyohoo' réh pesunat, adang kekat ha' tebaraa' éh benara' ké' tong salib Kristus bé' éh petusah kenin kelunan. Bang bé' akeu' nyohoo' réh kenat.

12 Akeu' ngelan dokoo' kekat kelunan éh petusah kenin keh pepiso usah réh jin sidang Tuhan.
13 O kekat padéé' ké', ka'ah pu'un tenebai Tuhan dokoo' keh omok pelepu jin kekat ukum tong adet kelunan. Bang mai keh seruh, pelepu mé' hun iteu' bé' pu'un ukum kepéh, omok mé' kivu kenin mé' tengéé' tong kekat pengagat usah mé'. Bé' éh kenat. Bang neu' penika keh ngan Tuhan jian keh nolong ngan petolong pesiget usah keh béé. 14 t Uban kekat sohoo' lem Surat Musa lepah sukup lem jah ha', inah éh, Tekep ke' murung padéé' ko' pekua' ke' murung usah ko' tengéé', ha' nah.

15 Bang hun ka'ah barei' barék ka'an awah, pu'un keh barei' nyuhat ngan ngesakit saa' belah ka'ah ke', mavaa' keh dai keh pu'un ngebéé ketem lo'ong ka'ah ke'.

Tong Sahéé' Ni'ai ngan tong kenin kelunan

16 Bang iteu' ha' ké' ngan keh, kejeraa' Sahéé' Ni'ai majak keh, mai keh kivu pengagat dalem usah keh. 17 t Uban pengagat dalem usah keh pekelawan ngan pengeloo' Sahéé', ngan pengeloo' Sahéé' pekelawan ngan pengagat dalem usah keh. Rawah inah kua' pekelawan inah éh maneu' keh bé' omok kivu kekat éh pengeloo' keh.

18 Bang hun Sahéé' Ni'ai majak keh, bé' keh pu'un dalem penyukat sohoo' lem Surat Musa kepéh.
19 La'ah poléng mu'un kelunan éh kivu pengagat lem kenin néh, uban barék néh, inah éh, petuyang ngan kekat barék éh segit mu'un éh bé' tekep néh maneu' éh. 20 Pu'un réh maneu' butun ngan ngelimu', pepaneu' péh, tengéé' kenin ngan sa'at kenin ngan kelunan éh jah, pepihet, merek ngan bau-bau kenin. Pu'un réh petengéé' usah réh jin kelunan éh jah,

21 pu'un réh magat livah irah éh jah, mavuk, kuman nyahan, ngan pinaa' arong éh barei' inah kepéh. La'ah akeu' bara' ngan keh, pekua' éh benara' ké' ngan keh lepah rai, kelunan éh maneu' kenat bé' réh omok tai lem nihau Allah.
22 Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh, 23 diva' kenin, jam mihau kenin. La'ah bé' pu'un séé' éh meta' éh kenat. 24 La'ah kekat kelunan éh anah Yésus Kristus pu'un éh lepah mematai pengagat dalem usah néh pemung ngan kekat kesa'at ngan pengeloo' néh tengéé'. 25 Pu'un lu' alaa' urip maréng neu' Sahéé' Ni'ai, hun néh kenat tekep Sahéé' inah majak lu' lem kekat urip lu' kepéh. 26 Mai lu' bau kenin, mai lu' maneu' ineu'-ineu' éh omok ngesakit kenin kelunan éh jah, ngan mai lu' ngeleko jah usah ngan jah usah.

GALATIANS 5

Christ Gives Freedom

1 Christ has set us free! This means we are really free. Now hold on to your freedom and don't ever become slaves of the Law again.
2 I, Paul, promise you that Christ won't do you any good if you get circumcised. 3 If you do, you must obey the whole Law. 4 And if you try to please God by obeying the Law, you have cut yourself off from Christ and his gift of undeserved grace. 5 But the Spirit makes us sure God will accept us because of our faith in Christ.

6 If you are a follower of Christ Jesus, it makes no difference whether you are circumcised or not. All that matters is your faith that makes you love others.
7 You were doing so well until someone made you turn from the truth. 8 And that person was certainly not sent by the one who chose you. 9 t A little yeast can change a whole batch of dough,

10 but you belong to the Lord. This makes me certain you will do what I say, instead of what someone else tells you to do. Whoever is causing trouble for you will be punished.
11 My friends, if I still preach that people need to be circumcised, why am I in so much trouble? The message about the cross would no longer be a problem, if I told people to be circumcised.

12 I wish everyone who is upsetting you would not only get circumcised, but would cut off much more!
13 My friends, you were chosen to be free. So don't use your freedom as an excuse to do anything you want. Use it as an opportunity to serve each other with love. 14 t All the Law says can be summed up in the command to love others as much as you love yourself.

15 But if you keep attacking each other like wild animals, you had better watch out or you will destroy yourselves.

God's Spirit //and Our Own Desires

16 If you are guided by the Spirit, you won't obey your selfish desires. 17 t The Spirit and your desires are enemies of each other. They are always fighting each other and keeping you from doing what you feel you should.

18 But if you obey the Spirit, the Law of Moses has no control over you.
19 People's desires make them give in to immoral ways, filthy thoughts, and shameful deeds. 20 They worship idols, practice witchcraft, hate others, and are hard to get along with. People become jealous, angry, and selfish. They not only argue and cause trouble, but they are

21 envious. They get drunk, carry on at wild parties, and do other evil things as well. I told you before, and I am telling you again: No one who does these things will share in the blessings of God's kingdom.
22 God's Spirit makes us loving, happy, peaceful, patient, kind, good, faithful, 23 gentle, and self-controlled. There is no law against behaving in any of these ways. 24 And because we belong to Christ Jesus, we have killed our selfish feelings and desires. 25 God's Spirit has given us life, and so we should follow the Spirit. 26 But don't be conceited or make others jealous by claiming to be better than they are.