Fo Da Hebrew Peopo 1

God Wen Send His Boy Fo Tell Us Da Good Kine Stuff

(Da Rules Second Time 32:43; 2 Samuel 7:14; Songs fo God 2:7; 45:6-7; 97:7; 102:25-27; 104:4)

1 Long time ago, plenny times God wen send his talka guys fo talk to our Hebrew ancesta guys. An dey wen tell um plenny tings plenny diffren ways.

2 But now, wen everyting stay coming pau, God wen send his Boy fo talk to us guys. His Boy, he da One dat get everyting from his Fadda. Wen God wen make da world an da sky, was his Boy dat wen do da work.

3 Godʼs Boy, he show how awesome God stay,
Jalike wen da sun shining in da mirror.
He stay same same jalike his Fadda,
Same same jalike one picha
Fo show how da Fadda stay fo real kine.
Da tings Godʼs Boy say, get choke power
Fo make everyting hang togedda.
Afta he wen pau throw out da bad kine stuff da peopo wen do,
So dey can come clean inside,
He wen go sit down up ova dea in da sky,
On da right side nex to God Da Awesome King.
Dass da spesho place fo show how importan he stay.

4 All da angel messenja guys up dea in da sky, dey importan.
But Godʼs Boy mo importan den dem.
God wen give his Boy everyting dat God get.
God wen even give his Boy his own name.
Dass someting he neva give da angel guys.

Godʼs Boy Mo Importan Den Da Angel Messenja Guys

(Da Rules Second Time 32:43; Songs fo God 2:7; 45:6-7; 102:25-27; 104:4; 110:1; 1 Chronicles 17:13; 2 Samuel 7:14)

5 You know, God no talk to da angel guys how he talk to his Boy. He tell his Boy,
“Today I tell
Dat you my Boy!”
An anodda place inside da Bible God tell,
“I his Fadda,
An he my Boy.”

6 Wen God wen go bring his Numba One Boy inside da world, he say,
“I like all my angel messenja guys
Fo go down an give my Boy plenny love an respeck.”

7 Dis wat God say bout da angel guys:
“I make my angel messenja guys jalike da winds.
I make da angel guys dat work fo me jalike da fire.”

8 But God talk to his Boy lidis:
“My Boy, you God. Yoa throne goin stay foeva.
Da spesho stick you hold in yoa hand fo show dat you da King,
Dat mean you da King dat everytime do da right ting.

9 You stay plenny good inside wen peopo do da right ting,
An wen peopo broke da Rules, you no take dat.
Az why you da one I wen pick from all da guys dat stay by you.
Az why I wen put olive oil on top yoa head fo show dat you da King,
An you feel good inside.”

10 An God say dis too:
“My Boy, you stay da Boss.
From da start,
You wen make da earth an da sky,
Wit yoa own hands.

11 Da earth an da sky goin get wipe out.
But you, you goin stay foeva!
Da earth an da sky goin come old,
Jalike da kine old clotheses.

12 You goin throw out da earth an da sky,
Jalike puka kine clotheses.
An you goin change um,
Jalike wen peopo put on da odda kine clotheses.
My Boy, you still stay da same jalike befo.
You neva goin mahke!”

13 God neva say dis to da angel guys, but den he wen tell dis to his Boy:
“Come ova hea, sit down!
Dis da importan place by my right side.
Bumbye I goin make da peopo dat go agains you
Go down in front you,
Fo show dat you da winna ova dem.”
14 All da angel guys, dey da good spirits dat work fo God. He send um all ova fo help da peopo come outa da bad kine stuff dey stay doing, cuz dose peopo his kids.

Hebrews 1

1 God, having of old time spoken unto the fathers in the prophets by divers portions and in divers manners,2 hath at the end of these days spoken unto us in his Son, whom he appointed heir of all things, through whom also he made the worlds;3 who being the effulgence of his glory, and the very image of his substance, and upholding all things by the word of his power, when he had made purification of sins, sat down on the right hand of the Majesty on high;4 having become by so much better than the angels, as he hath inherited a more excellent name than they.5 For unto which of the angels said he at any time, Thou art my Son, This day have I begotten thee? and again, I will be to him a Father, And he shall be to me a Son?

6 And when he again bringeth in the firstborn into the world he saith, And let all the angels of God worship him.7 And of the angels he saith, Who maketh his angels winds, And his ministers a flame a fire:

8 but of the Son he saith, Thy throne, O God, is for ever and ever; And the sceptre of uprightness is the sceptre of thy kingdom.

9 Thou hast loved righteousness, and hated iniquity; Therefore God, thy God, hath anointed thee With the oil of gladness above thy fellows.

10 And, Thou, Lord, in the beginning didst lay the foundation of the earth, And the heavens are the works of thy hands:

11 They shall perish; but thou continuest: And they all shall wax old as doth a garment;

12 And as a mantle shalt thou roll them up, As a garment, and they shall be changed: But thou art the same, And thy years shall not fail.

13 But of which of the angels hath he said at any time, Sit thou on my right hand, Till I make thine enemies the footstool of thy feet?

14 Are they not all ministering spirits, sent forth to do service for the sake of them that shall inherit salvation?