Fo Da Hebrew Peopo 13

Love An Aloha Fo Da Bruddas An Sistas

(Da Rules Second Time 31:6; Songs fo God 118:6)

1 Kay den. Make shua all you brudda an sista guys stay showing love an aloha fo each odda. 2 No foget fo show aloha to peopo from odda place so dey can make house yoa place. Cuz some bruddas an sistas wen do dat, an dey neva know was angel guys dat wen stay dea place.

3 Tink plenny bout da prisona guys, an make jalike you wen stay dea wit dem. An tink plenny bout da peopo dat oddas make any kine to, cuz you guys get body too, you know, jalike dem.

4 An everybody gotta show plenny respeck fo da guy an wahine dat stay marry an sleep togedda, cuz dass good. So, da husban o da wife betta not fool aroun behind each oddaʼs back. Cuz God goin punish da peopo dat fool aroun behind da oddaʼs back, an everybody dat fool aroun anybody dey not married to.
5 Stay live lidis: No get love fo money. Stay good inside bout da stuff you get awready. Cuz God da One wen say, “No way I eva goin leave you! No way I eva goin hemo myself from you!”

6 So us guys can make strong, jalike da Bible wen say:
“Da Boss, he da One dat help me wen I need him.
So I no goin be scared.
Da peopo, dey no can do notting fo hurt me!”

Da Leada Guys

(Da Prieses 16:27)

9 Get all kine diffren kine stuff dat peopo teach, you know. No let dat kine stuff pull you guys away, an no take um in!
Wen we let God do good tings fo us, our hearts come mo strong inside. But if we tink we gotta stick wit da rules bout spesho kine food, dat no goin make us come mo strong inside. Get peopo dat tink lidat. But dat no help dem, notting!
10 Befo time, had one altar place wea da priest guys wen work inside Godʼs Spesho Tent. Dey get da right fo eat da sacrifice meat from dat altar. But us guys, we get one nodda altar place. An dose priest guys no mo da right fo eat from dea. 11 You know, da Jewish head priest guys take da blood from da sacrifice animals inside da Real, Real Spesho Place Fo God, fo make sacrifice fo da bad kine stuff da peopo wen do. An den fo burn da animal body, dey take um outside da place wea da peopo stay. 12 Same ting wit Jesus. Was outside Jerusalem gate dat he wen go suffa, fo make his peopo come spesho fo God, wit his own blood. 13 Eh! We go make same same jalike Jesus. We let da peopo make any kine to us, jalike dey wen make any kine to Jesus fo make him shame.

14 Cuz ova hea, us guys no mo town dat goin stay foeva. But we like wait fo see da big town dat goin get bumbye.
15 Us guys, our ancesta guys wen make sacrifice fo show dey like say plenny good tings bout God. So, same ting, we goin tell everybody dat we Godʼs guys, cuz we know who him! Dass why us guys can say plenny good tings all da time bout how God stay. An we can do all dat cuz a Jesus.

16 No foget fo do good tings fo odda peopo. Give dem wat dey need from yoa stuffs. Cuz dass jalike you making one sacrifice dat make God stay good inside.

17 Wen yoa leada guys tell you guys fo do someting, listen dem, an do wat dey tell you guys. Dey everytime trying fo take care you guys, day time an nite time, cuz dey know dat dey gotta show God dat dey doing good job lidat. Listen dem, so den dey goin stay good inside, an no bum out. Cuz if dey bum out, dat no goin help you guys notting.

He Pray fo Dem

19 So I aksing you guys dis, serious kine: Try aks God fo let me go back by you guys real quick.
20 God, he da One dat make our hearts stay rest inside. An he da One dat wen bring back our Boss Jesus from mahke. Jesus wen bleed an mahke fo us, an dass how God can make one new deal wit us dat stay foeva. Jesus, he jalike da main sheep farma dat take care his sheeps.

21 So, I like God make you guys ready fo do everyting good dat he like you guys fo do. I like him fo do stuff inside us guys dat make him stay good inside. He do dat, cuz Jesus Christ give us da power dat we need. An I like everybody tell how awesome Jesus stay, foeva an eva! Dass it!

22 Eh, bruddas an sistas, I aks you guys fo hang in dea an listen to da good kine words I sending you guys, cuz I ony wen write you guys small kine letta.

23 I like you guys know dis: our brudda Timoty, he outa jail awready! If he come hea quick, den he goin go wit me fo see you guys.

24 Give my aloha to all yoa leada guys an all Godʼs peopo. Da bruddas an sistas from Italy side give you guys dea aloha too.
25 I like all you guys know deep inside da good way God make to you.

Hebrews 13

1 Let love of the brethren continue.2 Forget not to show love unto strangers: for thereby some have entertained angels unawares.3 Remember them that are in bonds, as bound with them; them that are illtreated, as being yourselves also in the body.4 Let marriage be had in honor among all, and let the bed be undefiled: for fornicators and adulterers God will judge.5 Be ye free from the love of money; content with such things as ye have: for himself hath said, I will in no wise fail thee, neither will I in any wise forsake thee.6 So that with good courage we say, The Lord is my helper; I will not fear: What shall man do unto me?

7 Remember them that had the rule over you, men that spake unto you the word of God; and considering the issue of their life, imitate their faith.8 Jesus Christ is the same yesterday and to-day, yea and for ever.9 Be not carried away by divers and strange teachings: for it is good that the heart be established by grace; not by meats, wherein they that occupied themselves were not profited.10 We have an altar, whereof they have no right to eat that serve the tabernacle.11 For the bodies of those beasts whose blood is brought into the holy place by the high priest as an offering for sin, are burned without the camp.12 Wherefore Jesus also, that he might sanctify the people through his own blood, suffered without the gate.13 Let us therefore go forth unto him without the camp, bearing his reproach.14 For we have not here an abiding city, but we seek after the city which is to come.15 Through him then let us offer up a sacrifice of praise to God continually, that is, the fruit of lips which make confession to his name.16 But to do good and to communicate forget not: for with such sacrifices God is well pleased.17 Obey them that have the rule over you, and submit to them: for they watch in behalf of your souls, as they that shall give account; that they may do this with joy, and not with grief: for this were unprofitable for you.18 Pray for us: for we are persuaded that we have a good conscience, desiring to live honorably in all things.19 And I exhort you the more exceedingly to do this, that I may be restored to you the sooner.20 Now the God of peace, who brought again from the dead the great shepherd of the sheep with the blood of an eternal covenant, even our Lord Jesus,21 make you perfect in every good thing to do his will, working in us that which is well-pleasing in his sight, through Jesus Christ; to whom be the glory for ever and ever. Amen.22 But I exhort you, brethren, bear with the word of exhortation, for I have written unto you in few words.23 Know ye that our brother Timothy hath been set at liberty; with whom, if he come shortly, I will see you.24 Salute all them that have the rule over you, and all the saints. They of Italy salute you.25 Grace be with you all. Amen.