IBRANI 13

Atoran gau’ masallo’ siala mase sangsiuluran

13:1-6

1 Melo ke tontongi tu pa’kaboro’mi lako sangsiuluran.

2 Da ammi masorro umpatoratu to sae, belanna dionamora penggauran susito, anna denmo tau umpatoratumo malaeka’, apa tae’ naissanni.

3 Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.

4 La mikasiri’ tu rampanan kapa’ sola nasang sia da mipolulluranni tu kasibalian; belanna iatu to ma’pangngan buni sia to pasandak salu lako rampanan kapa’ la Naukung Puang Matua.

5 Toyangangkomi kalemi dio mai umpa’budai doi’, sia posilasanni tu apa denmo dio kalemi; belanna Puang Kalenamo tu mangka ma’kada, kumua: Inang tae’ angKu la ussa’biangangko, sia inang tae’ angKu la untampeko.

6 Naurungan batta’ki’ ma’kada, kumua:
Puangmo tu To patunduangku, tae’ kula mataku’ len.
Apara la nagauranna’ telino?

Pa’pakilala mengkaola lako Puang Yesu

13:7-16

7 Kilalai tu mai panglalanmi tu to mangkamo umpokadangkomi kadanNa Puang Matua, palan ara’i tu tampak katuoanna, ammi alai sangka’ tu kapatongananna.

8 Iatu Yesu Kristus tae’ anna membali, la iongi’, la totemo sia sae lakona.

9 Da napapusakomi ma’rupa-rupa pangadaran makalaen-laen, belanna iatu tonganna, melo ke napabatta’i pa’kamaseanNa Puang Matua tu penaanta, tangia ma’rupa-rupa kande, tu tae’ gai’na lako to umpogau’mi tu iannato.

10 Den tu inan kapemalaranta, na iatu mintu’ to umpogau’ kamenomban dio kema iato, tae’ anna pato’ ungkandei tu kande dio mai inan kapemalaran iato.

11 Belanna iatu patuoan nabaa Tominaa Kapua rarana tama inan maindan belanna diona kasalan, ditunu pu’pu’ dio salian lili’na to’ tenda’.

12 Susi duka Yesu to, kumua anna raraNa Kalena Napamaseroanni tu tau buda, anNa perasaimi tu kamaparrisan dio salian babangan.

13 Iamoto tatassu’ lako umpellambi’i dio salian lili’na to’ tenda iato sia anta tanggungi tu kaditelleanNa.

14 Belanna inde te tae’ tondok matontonganta, sangadinna undaka’ki’ pa’tondokan undi.

15 Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

16 Sia da mimalilu umpa’pekitanan kamasokanan sia kamamasean belanna iatu pemala’ susito iamo Naporainna Puang Matua.

Pa’pakilala mengkaola lako tu mai panglalan sia umpassambayanganni

13:17-19

17 Mengkaolakomi lako panglalanmi sia turu’i; belanna tau iato mai ungkaritutui deatammi, apa iamo la umpebalii, kumua anna parannu ungkarangi tu pentoean, tangia la sumarroi; belanna iatu susinnato tae’ bua’na lako kalemi.

18 Passambayangangkan, belanna kikatappa’i kumua bannang pute tu sukaran inaangki morai la umpalolang kaleki lan mintu’ apa susitu sipato’na.

19 Ondong pissanpi kupalaku ammi pogau’i susito, angku dipasule madomi’ lako kalemi.

Salama’ sia samparan kada

13:20-25

20 Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

21 anna Iamora umpasakka’komi lan mintu’ melona, ammi pogau’i tu pa’poraianNa; sia Ia dukamora umpadenni lan kaleta tu Naporainna tete dio Yesu Kristus. Lu lako Kalena tu kamala’biran tontong sae lakona! Amin.

22 Apa kupalaku lako kamu, e sangsiulurangku, da misa’dinganni te kada pa’pakilalangku, belanna mangkamo kusura’ kondi’ lako kalemi.

23 La miissan kumua iatu Timotius, siulu’ta dirampananmo; iake madoi’ sae, la malena’ mati’ sola ussitiroangkomi.

24 Salama’ lako mintu’ panglalanmi sia lako mintu’ to masallo’. Na iatu to dio mai tana Italia umparampo salama’na mati’ kalemi.
25 Narondongmorokomi pa’kamaseanNa Puang Matua sola nasang.

HEBREWS 13

Service That Pleases God

1 Keep being concerned about each other as the Lord's followers should.

2  t Be sure to welcome strangers into your home. By doing this, some people have welcomed angels as guests, without even knowing it.

3 Remember the Lord's people who are in jail and be concerned for them. Don't forget those who are suffering, but imagine you are there with them.

4  t Have respect for marriage. Always be faithful to your partner, because God will punish anyone who is immoral or unfaithful in marriage.
5  t Don't fall in love with money. Be satisfied with what you have. The Lord has promised that he will not leave us or desert us.

6 t This should make you feel like saying,
“The Lord helps me!
Why should I be afraid
of what people
can do to me?”

7 Don't forget about your leaders who taught you God's message. Remember what kind of lives they lived and try to have faith like theirs.
8 Jesus Christ never changes! He is the same yesterday, today, and forever. 9 Don't be fooled by any kind of strange teachings. It is better to receive strength from God's gift of undeserved grace than to depend on certain foods. After all, these foods don't really help the people who eat them.

10 But we have an altar where even the priests who serve in the place of worship have no right to eat.
11  t After the high priest offers the blood of animals as a sin offering, the bodies of those animals are burned outside the camp. 12 Jesus himself suffered outside the city gate, so his blood would make people holy. 13 This is why we should go outside the camp to Jesus and share in his disgrace.

14 On this earth we don't have a city that lasts forever, but we are waiting for such a city.
15 Our sacrifice is to keep offering praise to God in the name of Jesus.

16 But don't forget to help others and to share your possessions with them. This too is like offering a sacrifice that pleases God.

17 Obey your leaders and do what they say. They are watching over you, and they must answer to God. So don't make them sad as they do their work. Make them happy. Otherwise, they won't be able to help you at all.
18 Pray for us. Our consciences are clear, and we always try to live right.

19 I especially want you to pray that I can visit you again soon.

Final Prayers and Greetings

21 t I pray God will make you ready to obey him and that you will always be eager to do right. May Jesus help you do what pleases God. To Jesus Christ be glory forever and ever! Amen.

22 My friends, I have written only a short letter to encourage you, and I beg you to pay close attention to what I have said.

23 By now you surely must know that our friend Timothy is out of jail. If he gets here in time, I will bring him with me when I come to visit you.

24 Please give my greetings to your leaders and to the rest of the Lord's people.
His followers from Italy send you their greetings.
25 I pray that God will be kind to all of you!t