YAKOBUS 3

Pa’pakilala kumua da takasalan napobua’ lila

3:1-12

1 E sangsiulurangku, da mibuda morai la mendadi guru, belanna miissan kumua la nakannaki’ kadiparessan mandu magasa;

2 belanna kita sola nasang buda apa tanii sala. Iake denni misa’ tau tae’ nasala lan buangan kadanna, iamoto sundun, sia ma’din duka umparenta mintu’ kalena.

3 Iake ussanga’ki’ darang dikua anna turu’i tu pa’poraianta, anta balikki mintu’ kalena lu lako dipapatuanni.

4 Tiro dukai tu mintu’ kappala’ moi sangtumba kapuanna, sia nadudang angin bara’, napasepang kamudi bittik duru mudi lako tu naporainna.

5 Susi dukamoto tu lila misa’ lesoan kale bitti’, apa lendu’ ia umpakapuanna kalena. Tiromi tumbai kapuana tu pangala’ nanennek api bitti’.

6 Iatu lila susi misa’ api; anna mintu’na lesoan kaleta lilamo tu misa’ lino pa’rampunanna mintu’ kakadakean, urruttakki mintu’ batang kale sia umballa mintu’ lalan katuoanta, anna ia kalena naballa api naraka.

7 Belanna mintu’ rupa olo’-olo’ lampung sia manuk-manuk sia olo’-olo’ mendonglo’ sia iatu lanna tasik ma’din dipamanaran sia mangka dukamo napamanaran kamalutean to lino;

8 apa iatu lila tae’ tau ungkullei umpamanaranni; iamo misa’ kakadakean tang mari’pi, ponno ipo papatean.

9 Iamotu lila taoong umpudi Puang, Ambe’ta, sia lila dukamo taoong untampakki ropu tolino tu dikombong susi rupanNa Puang Matua.

10 Na misa’ dukari puduk nanii tassu’ pa’tendeng sia pa’tampak ropu. E sangsiulurangku, tae’ napato’ tu iannate.

11 Denraka kalimbuang umpatassu’ uai malino sia uai mapai’ diong mai misa’ mata kalimbuang?

12 E sangsiulurangku ma’dinraka tu garonto’ ara la membua saitun, ba’tu garonto’ anggoro’ la membua ara? Ten dukamoto tae’ nama’din nanii sun uai malino tu naninna sun uai ma’sin.

Diona kakinaan tongan

3:13-18

13 Mindammiraka tu kinaa sia paissan? Sipatu ia napa’pekitanan mintu’ penggauranna tu lu dio mai gau’ melo, situang sorong inaa diona kakinaan.

14 Apa ia ke denkomi untambuk kamagi’giran sia te’geran penaa, da misattuan kalemi sia da mimorang unnea tonganna.

15 Iatu kakinaan iato tae’ nakakinaan lu dao mai sangadinna kakinaan lu dio mai lino, tu umbudanan mentolinona, sia menggaronto’ dio mai pa’poraianna deata bulituk.

16 Belanna umba tu nanii kamagi’giran sia kasite’geran, indemoto tu katangma’rundunan, sia mintu’ penggauran kadake.

17 Apa iatu kakinaan songlo’ lu dao mai tipamulanna masallo’, ungkabarii kamarampasan, mabalele, matinuru’, ponno kamamasean sia bua-bua maelo, tae’ nabata, sia tae’ nabelo puduk.
18 Anna buanna, iamotu kamaloloan, diambo’ situang kamarampasan lako mintu’ to ma’pasikaelo.

JAMES 3

The Tongue

1 My friends, we should not all try to become teachers. In fact, teachers will be judged more strictly than others.

2 t All of us do many wrong things. But if you can control your tongue, you are mature and able to control your whole body.
3 By putting a bit into the mouth of a horse, we can turn the horse in different directions. 4 It takes strong winds to move a large sailing ship, but the captain uses only a small rudder to make it go in any direction.

5 Our tongues are small too, and yet they brag about big things.
It takes only a spark to start a forest fire! 6 t The tongue is like a spark. It is an evil power that dirties the rest of the body and sets a person's entire life on fire with flames that come from hell itself. 7 All kinds of animals, birds, reptiles, and sea creatures can be tamed and have been tamed.

8 But our tongues get out of control. They are restless and evil, and always spreading deadly poison.
9-10  t My dear friends, with our tongues we speak both praises and curses. We praise our Lord and Father, and we curse people who were created to be like God, and this isn't right. 11 Can clean water and dirty water both flow from the same spring?

12 Can a fig tree produce olives or a grapevine produce figs? Does fresh water come from a well full of salt water?

Wisdom from Above