John 17

Jesus Pray Fo His Guys

(Songs fo God 41:9)

1 Afta Jesus wen say dat, he wen look up to da sky an say,
“Fadda, time awready. Now, show da peopo how awesome I stay cuz I yoa Boy, so den I like show dem how awesome you stay. 2 Cuz you wen make me in charge a da peopo all ova da world, I goin make everybody you wen give me come alive fo real kine foeva. 3 Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Send. 4 I wen show da peopo hea inside da world how awesome you stay. I wen pau do all da stuff dat you wen tell me fo do.

5 Fadda, wen I wen stay by you, from befo da time wen we wen make da world, I wen stay awesome jalike you. Now I going back by you, an I like you make me awesome, same kine jalike befo time.
6 “Da guys you wen give me from inside da world fo be my guys, I wen teach dem bout you, so dat dey can know you. Dey was yoa guys, an you wen give dem to me. Dey do wat you say. 7 Now dey know dat everyting you teach me, wen come from you.

8 Cuz I wen teach dem all da stuff dat you wen tell me, an dey wen take um. Dey know fo shua dat I wen come from you, cuz dey believe dat you wen send me hea.
9 “I like pray fo dem. I no pray fo all da peopo inside da world, but ony fo da peopo dat you wen give me, cuz dey yoa guys. 10 Everyting I get, dass yoas. An everyting you get, dass mines. My peopo stay showing how awesome I stay awready. 11 I no goin stay inside da world no moa, cuz I coming to you. But dese guys, dey stay inside da world. Fadda, you stay spesho an good. Take care dem wit yoa power, cuz dey yoa guys, an dey get yoa name, jalike me. So den, dey goin stay tight wit each odda, jalike me an you stay tight wit each odda.

12 All da time I wen stay wit dem inside da world, I wen take care dem wit yoa power. I yoa guy, an I wen help dem stay tight wit you. Nobody wen wipe out. Ony da one guy Judas, da guy dat like mess up, he wen wipe out, jalike da Bible wen say long time ago.
13 “Now I goin come by you. I say dis tings hea inside da world so my peopo can stay good inside to da max, jalike me. 14 I wen tell dem wat you wen say. Da peopo hea inside dis world hate dem, cuz dey no do same ting jalike da odda guys inside dis world, jalike I no do same ting jalike da odda guys inside dis world. 15 I no aks you fo take dem outa da world, but fo you help dem stay away from da Bad Guy, da Devil.

16 Dey no do same ting jalike da odda guys inside dis world, jalike I no do same ting jalike da odda guys inside dis world.
17 “Make dem good an spesho fo you, cuz dey know wat you say, an you everytime tell da trut. 18 Jalike you wen send me to da peopo inside da world, same ting, I wen send my guys to da peopo inside da world.

19 Dass why I stay good an spesho fo you, so dem guys can be good an spesho fo you too. Da true stuff you say, dass wat goin make dem go all out fo you.
20 “I no pray ony fo dem guys, but fo all da odda peopo dat goin trus me cuz a wat dem guys tell um. 21 So dat everybody goin stay tight wit each odda, jalike you stay tight wit me, Fadda, an I stay tight wit you. I like dem stay tight wit us, so da peopo inside da world goin believe dat you da One dat wen send me hea. 22 Jalike you wen show peopo how awesome I stay, I wen make dem come awesome jalike me, so dey goin stay tight wit each odda, jalike we stay tight wit each odda.

23 I stay tight wit dem, an you stay tight wit me. Den dey goin stick togedda to da max. Cuz dey stick togedda, da peopo inside da world goin know dat you da One dat wen send me hea, an dat you get love an aloha fo dem guys jalike you get love an aloha fo me.
24 “Fadda, I like everybody dat you wen give me be wit me wea I goin stay, cuz I like dem see how awesome I stay. Cuz you wen get love an aloha fo me, an you wen make me awesome befo we wen make da world. 25 Fadda, you everytime do da right ting. But da peopo hea inside da world donno you. I know you, an my peopo, dey know dat you da One wen send me hea. 26 I wen tell dem wat kine guy you, an I goin stay telling dem, cuz I like dem get da same kine love an aloha dat you get fo me, an I can stay tight wit dem.”

John 17

1 These things spake Jesus; and lifting up his eyes to heaven, he said, Father, the hour is come; glorify thy Son, that the son may glorify thee:2 even as thou gavest him authority over all flesh, that to all whom thou hast given him, he should give eternal life.3 And this is life eternal, that they should know thee the only true God, and him whom thou didst send, even Jesus Christ.4 I glorified thee on the earth, having accomplished the work which thou hast given me to do.5 And now, Father, glorify thou me with thine own self with the glory which I had with thee before the world was.6 I manifested thy name unto the men whom thou gavest me out of the world: thine they were, and thou gavest them to me; and they have kept thy word.7 Now they know that all things whatsoever thou hast given me are from thee:8 for the words which thou gavest me I have given unto them; and they received them, and knew of a truth that I came forth from thee, and they believed that thou didst send me.9 I pray for them: I pray not for the world, but for those whom thou hast given me; for they are thine:10 and all things that are mine are thine, and thine are mine: and I am glorified in them.11 And I am no more in the world, and these are in the world, and I come to thee. Holy Father, keep them in thy name which thou hast given me, that they may be one, even as we are.12 While I was with them, I kept them in thy name which thou hast given me: and I guarded them, and not one of them perished, but the son of perdition; that the scripture might be fulfilled.13 But now I come to thee; and these things I speak in the world, that they may have my joy made full in themselves.14 I have given them thy word; and the world hated them, because they are not of the world, even as I am not of the world.15 I pray not that thou shouldest take them from the world, but that thou shouldest keep them from the evil one.16 They are not of the world even as I am not of the world.17 Sanctify them in the truth: thy word is truth.18 As thou didst send me into the world, even so sent I them into the world.19 And for their sakes I sanctify myself, that they themselves also may be sanctified in truth.20 Neither for these only do I pray, but for them also that believe on me through their word;21 that they may all be one; even as thou, Father, art in me, and I in thee, that they also may be in us: that the world may believe that thou didst send me.22 And the glory which thou hast given me I have given unto them; that they may be one, even as we are one;23 I in them, and thou in me, that they may be perfected into one; that the world may know that thou didst send me, and lovedst them, even as thou lovedst me.24 Father, I desire that they also whom thou hast given me be with me where I am, that they may behold my glory, which thou hast given me: for thou lovedst me before the foundation of the world.25 O righteous Father, the world knew thee not, but I knew thee; and these knew that thou didst send me;26 and I made known unto them thy name, and will make it known; that the love wherewith thou lovedst me may be in them, and I in them.