John 6

Jesus Feed Five Tousand Peopo

(Matthew 14:13-21; Mark 6:30-44; Luke 9:10-17)

1 Afta dat Jesus dem wen go da odda side Galilee Lake. (Da peopo call um Tiberias Lake too.) 2 Plenny peopo wen go wit him, cuz dey wen see all da awesome stuff he wen do fo show who him, wen he wen make plenny sick peopo come good.

3-4 Now, almos time fo da Jewish Passova. Jesus wen go sit down on top one hill wit da guys he was teaching.
5 Jesus look up an see plenny peopo coming by him. He tell Philip, “Eh, wea we can buy food fo feed all dese peopo?”

6 You know, Jesus wen say dat jus fo check out Philip, cuz Jesus awready know wat he goin do.

7 Philip tell him, “Somebody gotta work mo den two hundred days fo get nuff money fo buy bread fo give all dese peopo even litto bit.”
8 Andrew, he Simon Peterʼs brudda. Andrew one a da guys Jesus stay teaching. He tell Jesus,

9 “You know, get one boy hea dat get five small barley kine bread an two small fish. But how dat goin feed so plenny peopo? No can!”

10 Had plenny grass dea. Jesus tell his guys, “Make da peopo sit down.” So dey sit um down. Had bout five tousand guys dea.

11 Den Jesus take da breads, an tell God, “Mahalo plenny.” He give um to his guys, an dey give um to da peopo dat was sitting dea. Same ting wit da fish. An everybody eat how plenny dey like.
12 Wen everybody get nuff fo eat, Jesus tell his guys, “Go get all da lefovas. No good waste um.”

13 So dey go get da lefovas, an fill twelve big baskets wit da bread da peopo neva eat.
14 Afta da peopo see dis awesome ting Jesus wen do fo show who him, dey say, “Fo shua dis da Guy who goin come inside da world fo talk fo God.”

15 Jesus wen know dat da peopo goin come fo grab him fo make him come king. So he wen go way, an go up on top one hill wea nobody stay.

Jesus Walk On Top Da Water

(Matthew 14:22-27; Mark 6:45-52)

19 Jesus guys wen row da boat three o four miles, an den dey spock Jesus walking on top da water. He was coming near da boat. An dey was real scared.
20 But Jesus tell dem, “Dis me! No scared!”

21 Den dey let him come inside da boat. Right den an dea dey wen come to da place wea dey was going.

Da Peopo Stay Looking Fo Jesus

24 So, wen da peopo wen see dat Jesus an his guys no stay, dey wen go inside da odda boats, an go Capernaum fo look fo him.

Da Bread Dat Make Us Come Alive

(Songs fo God 78:24; 105:40)

25 Dey find Jesus on da odda side da lake, an dey aks him, “Eh, Teacha! Wen you wen come ova hea?”
26 Jesus tell dem, “Dass good you guys stay looking fo me. But I like tell you guys dis: You guys do um cuz I wen give you guys bread, an you guys wen come full. You guys no stay looking fo me cuz I wen do awesome stuff fo show who me.

27 No go work ony fo da kine food dat bumbye come no good. Work fo da kine food dat stay long time an can make you guys live to da max foeva. I da Guy Dass Fo Real, an I can give you guys dat kine, cuz God da Fadda wen give me da right fo do dat.”

28 Dey tell him, “Kay den! Wat us guys gotta do, fo do da kine stuff dat God like?”

29 Jesus tell dem, “Dis wat God like you guys fo do: Trus me, cuz I da Guy God wen send.”
30 Dey say, “Wat kine awesome ting you goin do fo show us who you, so us guys can trus you? Wat you goin do?

31 Our ancesta guys wen eat da spesho manna kine bread inside da boonies, jalike da Bible say, ‘He wen give dem bread from da sky fo eat.’ ”
32 Jesus tell dem, “Dass right! An I tell you guys dis too: No was Moses dat wen give yoa ancesta guys da bread from da sky. Was my Fadda, an he da One dat give you guys da real kine bread from da sky still yet.

33 Cuz da bread from God, dass me, da Guy dat come down from da sky. I make da peopo inside da world come alive fo real kine.”

34 Dey tell him, “Mista, give us dis kine bread, an no stop eva!”

35 Jesus tell dem, “I jalike da bread. I da One dat can make da peopo come alive fo real kine. Anybody come by me fo be my guy, dey no goin come hungry eva! Anybody trus me, dey no goin come thirsty eva!
36 “Jalike I wen tell you guys awready, you guys wen see me, but you guys still yet no trus me. 37 Everybody da Fadda pick fo be my guys, dey goin come by me. No way I eva goin throw out da peopo dat come by me! 38 I wen come down from da sky. I neva come fo do any kine how I like, but fo do wat my Fadda like. He da One who wen send me. 39 Dis wat da Fadda like me fo do: Everybody he pick fo be my guys, he like me fo get dem all, an no leave nobody. An den, I goin make dem come back alive wen da world goin pau.

40 Jalike I wen say: dis wat my Fadda like, da One who wen send me: Everybody dat see me his Boy, an trus me, dey goin get da real kine life dat stay to da max foeva. An I goin make dem come back alive wen da world goin pau.”

41 Dass why da Jewish guys wen start fo grumble bout him, cuz he wen say, “I jalike da bread dat can make da peopo live. I wen come down from da sky.”

42 Dey tell each odda, “Eh, dis guy, he Jesus, yeah? He Josephʼs boy! We know his fadda an mudda, yeah? So, how come he say now, ‘I wen come down from da sky?’ ”
43 Jesus tell dem, “Eh! Stop grumbling to each odda! 44 My Fadda wen send me hea. No mo nobody can come by me, if my Fadda no bring um. An I goin make dem guys come back alive from mahke wen da world goin pau. 45 Da guys who wen talk fo God long time ago, dey wen write, ‘God goin teach all da peopo.’ Everybody who wen listen to da Fadda, an learn da good kine stuff from him, dey goin come by me an be my guys.

46 I Da guy dat come from God, an I da ony guy dat eva see da Fadda. No mo any odda guy who wen eva see him.
47 “Dass right! An I like tell you guys dis too: Whoeva trus me, dey goin live to da max foeva. 48 I jalike da bread, an I can make da peopo live to da max foeva. 49 Yoa ancesta guys wen eat da manna kine bread in da boonies, but no matta, lata dey wen mahke die dead. 50 But dis kine bread from me, dat come down from da sky, anybody can eat dis bread. Dat mean dey can trus me, an den, dey no goin stay cut off from God.

51 I da real bread. I da one dat can make peopo come alive fo real kine. I wen come down from da sky. Anybody take dis bread, dey goin live to da max foeva. Dis da bread I goin give wen I mahke, my body. An dis goin make you live to da max foeva.”

52 Den da Jewish guys wen start fo argue mo hard wit each odda. Dey say, “Eh, wat dis guy talking bout? How he can give us his body fo eat?”
53 Jesus tell dem, “Eh, you guys get um! An I like tell you guys dis too: I da Guy Dass Fo Real. If you guys no take wat I telling you guys bout why I goin mahke, no way you guys goin come alive fo real kine. If you guys take um, dass jalike you guys eat my body an drink my blood. 54 Jalike I wen say: Whoeva eat my body an drink my blood, dey goin live to da max foeva, an I goin bring um back alive wen da world goin pau. 55 Cuz my body, dass food fo real kine. An my blood, dass drink fo real kine. 56 Whoeva eat my body an drink my blood lidat, dey stay tight wit me, an I stay tight wit dem. 57 Da Fadda stay live fo real kine, an he wen send me hea. I stay live too, cuz he make me live fo real kine. Whoeva take me, same ting, dey goin live, cuz I goin make dem live fo real kine.

58 Dis not jalike da manna kine bread dat yoa ancesta guys wen eat, an bumbye dey wen mahke. Dis da kine bread dat wen come from God in da sky. Whoeva eat dis kine bread goin live fo real kine.”

59 Jesus say all dat wen he stay teaching inside da Jewish church, Capernaum side.

Da Good Kine Stuff from God Make Peopo Come Alive Foeva

62 Eh, wat if bumbye you guys see me, da Guy Dass Fo Real, going back up dea, to da place wea I wen stay befo? Den wat?
63 “Godʼs Spirit, dass who make da peopo live fo real kine. Da body no can. Wat I stay telling you guys, dass from Godʼs Spirit, an dass wat make peopo live fo real kine. 64 But get some a you guys dat no trus me.” Jesus wen say dat cuz he wen know from da start who no trus him, an who goin set up him.

65 An he say, “Dass why I wen tell you guys, no mo nobody can come by me an be my guy. Ony if da Fadda like help um, den dey can come.”
66 From dat time had plenny guys dat he wen teach befo, but some a dem wen go back, an neva like go wit him no moa.

67 So Jesus aks his twelve guys, “Eh, you guys goin go way too, o wat?”
68 Den Simon Peter tell him, “Boss, wea we goin go? No mo nobody can tell us how fo live to da max foeva. You da ony one.

69 An us guys trus you, cuz we know dat you da Good An Spesho One from God.”
70 Jesus tell um, “I wen pick all twelve a you guys, yeah? But still yet, one a you guys, he jalike one devil!” 71 He mean Judas, Simon Iscariotʼs boy. He one a da twelve guys, but latas Judas goin set up Jesus.

John 6

1 After these things Jesus went away to the other side of the sea of Galilee, which is the sea of Tiberias.2 And a great multitude followed him, because they beheld the signs which he did on them that were sick.3 And Jesus went up into the mountain, and there he sat with his disciples.4 Now the passover, the feast of the Jews, was at hand.5 Jesus therefore lifting up his eyes, and seeing that a great multitude cometh unto him, saith unto Philip, Whence are we to buy bread, that these may eat?6 And this he said to prove him: for he himself knew what he would do.7 Philip answered him, Two hundred shillings’ worth of bread is not sufficient for them, that every one may take a little.8 One of his disciples, Andrew, Simon Peter’s brother, saith unto him,9 There is a lad here, who hath five barley loaves, and two fishes: but what are these among so many?10 Jesus said, Make the people sit down. Now there was much grass in the place. So the men sat down, in number about five thousand.11 Jesus therefore took the loaves; and having given thanks, he distributed to them that were set down; likewise also of the fishes as much as they would.12 And when they were filled, he saith unto his disciples, Gather up the broken pieces which remain over, that nothing be lost.13 So they gathered them up, and filled twelve baskets with broken pieces from the five barley loaves, which remained over unto them that had eaten.14 When therefore the people saw the sign which he did, they said, This is of a truth the prophet that cometh into the world.15 Jesus therefore perceiving that they were about to come and take him by force, to make him king, withdrew again into the mountain himself alone.16 And when evening came, his disciples went down unto the sea;17 and they entered into a boat, and were going over the sea unto Capernaum. And it was now dark, and Jesus had not yet come to them.18 And the sea was rising by reason of a great wind that blew.19 When therefore they had rowed about five and twenty or thirty furlongs, they behold Jesus walking on the sea, and drawing nigh unto the boat: and they were afraid.20 But he saith unto them, It is I; be not afraid.21 They were willing therefore to receive him into the boat: and straightway the boat was at the land whither they were going.22 On the morrow the multitude that stood on the other side of the sea saw that there was no other boat there, save one, and that Jesus entered not with his disciples into the boat, but that his disciples went away alone23 (howbeit there came boats from Tiberias nigh unto the place where they ate the bread after the Lord had given thanks):24 when the multitude therefore saw that Jesus was not there, neither his disciples, they themselves got into the boats, and came to Capernaum, seeking Jesus.25 And when they found him on the other side of the sea, they said unto him, Rabbi, when camest thou hither?26 Jesus answered them and said, Verily, verily, I say unto you, Ye seek me, not because ye saw signs, but because ye ate of the loaves, and were filled.27 Work not for the food which perisheth, but for the food which abideth unto eternal life, which the Son of man shall give unto you: for him the Father, even God, hath sealed.28 They said therefore unto him, What must we do, that we may work the works of God?29 Jesus answered and said unto them, This is the work of God, that ye believe on him whom he hath sent.30 They said therefore unto him, What then doest thou for a sign, that we may see, and believe thee? what workest thou?31 Our fathers ate the manna in the wilderness; as it is written, He gave them bread out of heaven to eat.32 Jesus therefore said unto them, Verily, verily, I say unto you, It was not Moses that gave you the bread out of heaven; but my Father giveth you the true bread out of heaven.33 For the bread of God is that which cometh down out of heaven, and giveth life unto the world.34 They said therefore unto him, Lord, evermore give us this bread.35 Jesus said unto them. I am the bread of life: he that cometh to me shall not hunger, and he that believeth on me shall never thirst.36 But I said unto you, that ye have seen me, and yet believe not.37 All that which the Father giveth me shall come unto me; and him that cometh to me I will in no wise cast out.38 For I am come down from heaven, not to do mine own will, but the will of him that sent me.39 And this is the will of him that sent me, that of all that which he hath given me I should lose nothing, but should raise it up at the last day.40 For this is the will of my Father, that every one that beholdeth the Son, and believeth on him, should have eternal life; and I will raise him up at the last day.41 The Jews therefore murmured concerning him, because he said, I am the bread which came down out of heaven.42 And they said, Is not this Jesus, the son of Joseph, whose father and mother we know? how doth he now say, I am come down out of heaven?43 Jesus answered and said unto them, Murmur not among yourselves.44 No man can come to me, except the Father that sent me draw him: and I will raise him up in the last day.45 It is written in the prophets, And they shall all be taught of God. Every one that hath heard from the Father, and hath learned, cometh unto me.46 Not that any man hath seen the Father, save he that is from God, he hath seen the Father.47 Verily, verily, I say unto you, He that believeth hath eternal life.48 I am the bread of life.49 Your fathers ate the manna in the wilderness, and they died.50 This is the bread which cometh down out of heaven, that a man may eat thereof, and not die.51 I am the living bread which came down out of heaven: if any man eat of this bread, he shall live for ever: yea and the bread which I will give is my flesh, for the life of the world.52 The Jews therefore strove one with another, saying, How can this man give us his flesh to eat?53 Jesus therefore said unto them, Verily, verily, I say unto you, Except ye eat the flesh of the Son of man and drink his blood, ye have not life in yourselves.54 He that eateth my flesh and drinketh my blood hath eternal life: and I will raise him up at the last day.55 For my flesh is meat indeed, and my blood is drink indeed.56 He that eateth my flesh and drinketh my blood abideth in me, and I in him.57 As the living Father sent me, and I live because of the Father; so he that eateth me, he also shall live because of me.58 This is the bread which came down out of heaven: not as the fathers ate, and died; he that eateth this bread shall live for ever.59 These things said he in the synagogue, as he taught in Capernaum.60 Many therefore of his disciples, when they heard this, said, This is a hard saying; who can hear it?61 But Jesus knowing in himself that his disciples murmured at this, said unto them, Doth this cause you to stumble?62 What then if ye should behold the Son of man ascending where he was before?63 It is the spirit that giveth life; the flesh profiteth nothing: the words that I have spoken unto you are spirit, and are life.64 But there are some of you that believe not. For Jesus knew from the beginning who they were that believed not, and who it was that should betray him.65 And he said, For this cause have I said unto you, that no man can come unto me, except it be given unto him of the Father.66 Upon this many of his disciples went back, and walked no more with him.67 Jesus said therefore unto the twelve, Would ye also go away?68 Simon Peter answered him, Lord, to whom shall we go? thou hast the words of eternal life.69 And we have believed and know that thou art the Holy One of God.70 Jesus answered them, Did not I choose you the twelve, and one of you is a devil?71 Now he spake of Judas the son of Simon Iscariot, for he it was that should betray him, being one of the twelve.