Luke 10

Jesus Send Out Seventy-Two Guys

1 Afta dat da Boss Jesus wen pick seventy-two odda guys dat he like send out two by two, so dey can go befo him, every town an place wea he goin go lata on. 2 He tell um, “Get plenny peopo, dey jalike da crops, but ony get litto bit guys fo bring um in. So, aks da Boss Up Dea dat own da crops fo send out guys fo bring um in.

3 Go! I send you guys out jalike baby sheeps wea da wild wolfs stay.
4 “No take yoa money bag o odda bag o extra slippas, an no stop fo talk story wen you go down da road. 5 Wen you go inside one house, first say, ‘I come fo aks God fo make you guys heart rest inside, fo all you guys inside dis house.’ 6 If one guy wit good heart stay dea, you goin make him stay good inside. If his heart not good, wat you say goin come back to you.

7 Stay inside dat house, an eat an drink wateva dey give you. Cuz dass good dey give you someting fo da work you do. No move aroun from one house to anodda.
8 “Weneva you come to one town an da peopo like you stay ova dea wit dem, eat da food dey give you.

9 Make da sick peopo dat stay dea come good, an tell um, ‘God stay King hea wit you guys now.’
10 “But wen you go inside one town an da peopo no like you stay dea, go down da streets an say, 11 ‘Da dust from yoa town dat stick on our feet, we wipe um off fo show you guys dat God no like, cuz you guys no listen. But you betta know dis fo shua: God stay King hea now.’

12 I telling you guys dis: Wen everybody stand in front God da Judge, he goin punish da peopo from Sodom town cuz dey wen do plenny bad kine stuff befo time. But goin be mo easy fo dem, den fo da peopo inside da town dat no like hear wat you guys say!”

Da Peopo Inside Some Towns No Trus

(Matthew 11:20-24; Isaiah 14:13,15)

15 An you guys from Capernaum town, you tink God goin take you up in da sky wit him, o wat? No way! Mo like he goin throw you guys down inside Hell, cuz you guys neva listen!”

16 Jesus tell his guys, “Whoeva hear you, dey hear me too. Whoeva no take you, dey no take me too. Whoeva no take me, dey no take da One dat wen send me.”

Da Seventy-Two Guys Come Back

17 Da seventy-two guys come back, an dey stay real good inside. Dey say, “Boss, even da bad kine spirits do wat we say, cuz we yoa guys, an we use yoa name.”
18 Jesus tell um, “I wen see da Devil, dat time God wen throw um down from da sky jalike da lightning. 19 Listen! I wen give you guys da power so you can walk on top da snakes an da scorpions, an you guys get da power fo win ova da guy dat stay agains us, da Devil. You guys get plenny mo power den da Devil get. An notting goin hurt you guys.

20 But no stay good inside jus cuz da bad spirits do wat you tell um. Stay good inside cuz God get you guys names inside his book inside da sky.”

Jesus Stay Good Inside

(Matthew 11:25-27; 13:16-17)

21 Dat time Godʼs Spesho Spirit wen make Jesus stay real good inside. An he say, “Fadda, you da Boss all ova da sky an da world. Mahalo plenny, cuz you wen hide all dis stuff from da smart guys an da guys dat know plenny stuff, an you wen show um to da small kids. Dass wat you like do.”

22 Jesus tell, “My Fadda give me everyting, you know. Nobody know me like my Fadda know me. An nobody know my Fadda fo real kine, ony me, I know him, an da peopo I like show him, dey know him too.”
23 Den Jesus wen turn aroun to his guys an tell um (but he neva tell da odda peopo), “You guys stay good inside cuz you see da stuff you see!

24 I telling you, Plenny kings an plenny guys dat wen talk fo God wen like see an hear da stuff you guys see an hear, but dey neva.”

Da Good Guy From Samaria

(Da Rules Second Time 6:5; Da Prieses 19:18)

25 One teacha dat teach Godʼs Rules wen stand up fo aks Jesus one question fo trick him. He say, “Teacha, wat I gotta do fo get da real kine life dat stay to da max foeva?”

26 Jesus say, “Tell me, wat Godʼs Rules say inside da Bible?”

27 He say, “Get love an aloha fo da Boss yoa God wit all yoa heart, an wit everyting inside you, an wit how you tink, an wit all yoa power. An get love an aloha fo everybody jalike you get love fo yoaself.”

28 Jesus say, “Dass right! Do dat an you goin live fo real kine.”

29 But da guy like make himself look good, so he aks, “Wat you mean, love an aloha fo everybody?”
30 Jesus say, “Had one guy. He wen go Jericho town from Jerusalem. Den had some guys dat wen jump him, rip him off, bus him up, an leave him dea fo mahke. 31 Bumbye one Jewish priest guy come dat same road. He spock da guy, an go da odda side. 32 Same ting, one guy from da Levi ohana dat help da prieses, he spock him, an go da odda side too. 33 Den one guy from Samaria going dat road wen come wea da guy stay, spock him, an get pity fo him. 34 He go by him, put olive oil an wine on top his cuts, an wrap um up. He put da guy on top his own donkey, an bring him by da hotel, an take care him.

35 Da nex day he take out two silva coins an give um to da boss fo da hotel, an say, ‘Take care him, an wen I come back I give you wateva you wen pay.’

36 “Now, wat you tink? From da three guys dat wen pass, who wen get mo love an aloha fo da guy dose guys wen bus up?”

37 Da teacha guy say, “Da guy dat wen show pity fo him.”
Jesus say, “Go, make lidat.”

Jesus Go See Marta An Mary

40 But wen bodda Marta cuz ony her was doing all da work, an she come an tell, “Boss, you no care dat my sista wen leave me all by myself fo do everyting? Tell her fo come help me!”
41 Da Boss wen tell Marta, “Marta! You bum out, an you worry bout plenny stuff, 42 but you ony need one ting. Mary wen pick da mo betta ting, an nobody can take dat away from her.”

Luke 10

1 Now after these things the Lord appointed seventy others, and sent them two and two before his face into every city and place, whither he himself was about to come.2 And he said unto them, The harvest indeed is plenteous, but the laborers are few: pray ye therefore the Lord of the harvest, that he send forth laborers into his harvest.3 Go your ways; behold, I send you forth as lambs in the midst of wolves.4 Carry no purse, no wallet, no shoes; and salute no man on the way.5 And into whatsoever house ye shall enter, first say, Peace be to this house.6 And if a son of peace be there, your peace shall rest upon him: but if not, it shall turn to you again.7 And in that same house remain, eating and drinking such things as they give: for the laborer is worthy of his hire. Go not from house to house.8 And into whatsoever city ye enter, and they receive you, eat such things as are set before you:9 and heal the sick that are therein, and say unto them, The kingdom of God is come nigh unto you.10 But into whatsoever city ye shall enter, and they receive you not, go out into the streets thereof and say,11 Even the dust from your city, that cleaveth to our feet, we wipe off against you: nevertheless know this, that the kingdom of God is come nigh.12 I say unto you, it shall be more tolerable in that day for Sodom, than for that city.13 Woe unto thee, Chorazin! woe unto thee, Bethsaida! for if the mighty works had been done in Tyre and Sidon, which were done in you, they would have repented long ago, sitting in sackcloth and ashes.14 But it shall be more tolerable for Tyre and Sidon in the judgment, than for you.15 And thou, Capernaum, shalt thou be exalted unto heaven? thou shalt be brought down unto Hades.16 He that heareth you heareth me; and he that rejecteth you rejecteth me; and he that rejecteth me rejecteth him that sent me.17 And the seventy returned with joy, saying, Lord, even the demons are subject unto us in thy name.18 And he said unto them, I beheld Satan fallen as lightning from heaven.19 Behold, I have given you authority to tread upon serpents and scorpions, and over all the power of the enemy: and nothing shall in any wise hurt you.20 Nevertheless in this rejoice not, that the spirits are subject unto you; but rejoice that your names are written in heaven.21 In that same hour he rejoiced in the Holy Spirit, and said, I thank thee, O Father, Lord of heaven and earth, that thou didst hide these things from the wise and understanding, and didst reveal them unto babes: yea, Father; for so it was well-pleasing in thy sight.22 All things have been delivered unto me of my Father: and no one knoweth who the Son is, save the Father; and who the Father is, save the Son, and he to whomsoever the Son willeth to reveal him.23 And turning to the disciples, he said privately, Blessed are the eyes which see the things that ye see:24 for I say unto you, that many prophets and kings desired to see the things which ye see, and saw them not; and to hear the things which ye hear, and heard them not.25 And behold, a certain lawyer stood up and made trial of him, saying, Teacher, what shall I do to inherit eternal life?26 And he said unto him, What is written in the law? how readest thou?27 And he answering said, Thou shalt love the Lord thy God with all thy heart, and with all thy soul, and with all thy strength, and with all thy mind; and thy neighbor as thyself.28 And he said unto him, Thou hast answered right: this do, and thou shalt live.29 But he, desiring to justify himself, said unto Jesus, And who is my neighbor?30 Jesus made answer and said, A certain man was going down from Jerusalem to Jericho; and he fell among robbers, who both stripped him and beat him, and departed, leaving him half dead.31 And by chance a certain priest was going down that way: and when he saw him, he passed by on the other side.32 And in like manner a Levite also, when he came to the place, and saw him, passed by on the other side.33 But a certain Samaritan, as he journeyed, came where he was: and when he saw him, he was moved with compassion,34 and came to him, and bound up his wounds, pouring on them oil and wine; and he set him on his own beast, and brought him to an inn, and took care of him.35 And on the morrow he took out two shillings, and gave them to the host, and said, Take care of him; and whatsoever thou spendest more, I, when I come back again, will repay thee.36 Which of these three, thinkest thou, proved neighbor unto him that fell among the robbers?37 And he said, He that showed mercy on him. And Jesus said unto him, Go, and do thou likewise.38 Now as they went on their way, he entered into a certain village: and a certain woman named Martha received him into her house.39 And she had a sister called Mary, who also sat at the Lord’s feet, and heard his word.40 But Martha was cumbered about much serving; and she came up to him, and said, Lord, dost thou not care that my sister did leave me to serve alone? bid her therefore that she help me.41 But the Lord answered and said unto her, Martha, Martha, thou art anxious and troubled about many things:42 but one thing is needful: for Mary hath chosen the good part, which shall not be taken away from her.