LUKAS 12

Tebaraa' tong mai ngelayoo' awah sebayang

(Mat. 10:26-27)

1  t La'ah pinaa' mu'un-mu'un kelunan petipun, ngan pesikeu' réh pah avéé' réh petejat, inah Yésus pané palaa' ha' tapan ngan irah éh bakéh Néh. Ka' ha' Néh, Jian keh mavaa' usah keh jian-jian jin tawan pekevat, tawan inah tapan tong kelunan Parisi éh ngelayoo' awah sebayang. 2 t Bé' pu'un ineu'-ineu' éh petavun ke' néh bé' poléng kepéh, kenat péh kekat ha' éh benara' réh ngan jah usah awah, adang kekat kelunan pu'un jam éh kepéh.

3 Uban néh kenat ineu'-ineu' éh benara' keh ngan kelunan sioo' merem, adang néh benara' néh kepéh sioo' rema. Ngan ha' keh keré ngan jah kelunan tong lamin néh tengéé', inah ke' éh benara' néh kepéh ngan ja'au-ja'au ha' jin patah, ha' Néh.

Ha' tebaraa' Tekep lu' medai Allah

(Mat. 10:28, 31)

4 Ha' Yésus kepéh, O kekat bakéh ké', Akeu' bara' ngan keh, mai keh medai kelunan éh mematai keh ngan la'o réh mematai keh bé' pu'un ineu'-ineu' éh omok neu' réh tong keh kepéh.

5 Bang éh tekep keh medai, jian keh medai Allah uban Iah pu'un penyukat alaa' laset keh, ngan Iah pu'un penyukat kepéh bet keh dalem luten meraka, Akeu' bara' éh mu'un ngan keh, tekep keh medai Éh.
6 Seruh keh jian-jian, juhit parai omok kelunan melih éh lemah usah palaa' duah sin awah, na' péh éh kenat kemurah, jah-jah usah péh bé' Allah ngelepan éh.

7 Kenat péh ihat bok keh lepah penurung Néh béé, uban néh kenat mai keh medai uban ka'ah éh pelapah jian jin kekat juhit éh pinaa' nah, ha' Néh.

Kelunan éh bara' pengelan néh tong Yésus

(Mat. 10:32-33, 12:32, 10:19-20)

8 Ka' ha' Yésus kepéh, Akeu' bara' ngan keh, kelunan séé'-séé' péh éh ngakun ngan kekat kelunan tong pengelan néh tong Akeu', boh Anak Kelunan ngakun iah tong jumen meliket Allah kepéh.

9 Kenat péh kelunan séé'-séé' éh ngaken bara' tong kekat kelunan, bé' iah ngelan tong Akeu', boh Akeu' ngaken iah tong jumen meliket Allah kepéh.

10  t Kenat péh ha' Ké' kepéh tong kelunan éh pané ngesa'at Anak Kelunan, omok penyala' néh inah pega', bang kelunan éh pané ngesa'at Sahéé' Ni'ai, bé' penyala' néh omok pega'.
11 Hun pu'un réh mihin keh tai lamin sebayang Yahudi, ngan mihin keh tong pengeja'au peritah ke' réh pesala' keh, mai keh besau seruh, kineu' jalan keh omok mipa ha' réh, ngan kineu' ha' ané keh ngan réh kepéh,

12 t uban tovoo' inah péh Sahéé' Ni'ai omok bara' ngan keh tong ha' éh tekep keh pané ngan réh. Kenat ha' Yésus ngan réh.

Ha' tapan tong jah kelunan kaya' éh palui

13 Pu'un jah kelunan jin belah kelunan pinaa' éh pané ngan Yésus, ka' ha' néh, O Guru, jian ke' nyohoo' padéé' ké' petulat livah tamen mo ngan ké', ha' néh.
14 Ha' Yésus mipa éh, O bakéh, séé' nyohoo' Akeu' ke' ké' omok seruh tong inah, ngan séé' nyohoo' Akeu' ke' ké' omok petulat livah tamen koh nah? Bé' pu'un sohoo' kenat ngan ké', ha' Yésus.

15 Boh Yésus pu'un bara' ngan kekat kelunan béé, ka' ha' Néh, Seruh keh jian-jian, mihau kenin keh jin kekat éh agat keh, uban na' péh kelunan kaya' mu'un ngan pinaa' livah, bé' éh murip neu' kekat livah néh, ha' Néh.
16 Pelapah iah maneu' jah ha' tapan ngan réh, Pu'un jah kelunan kaya' éh pu'un tana' jian ngan pinaa' parai néh. 17 La'ah iah seruh dalem kenin néh, ka' kelem néh, Tusah mu'un ku' ieng ke' jalan ké' modoo' kekat parai ké' iteu'. Ineu' éh tekep ké' maneu', kelem néh. 18 La'ah ha' néh, Jam ku' dat, tekep ku' nguba' kekat luvung ké' éh lepah teu', boh ku' maneu' éh pelapah ja'au kepéh da'. Sinah lah ku' omok modoo' kekat parai ngan livah ké' teu' lah. 19 La'o inah omok ku' bara' ngan usah ké' ka', Murung kenin ké', akeu' pu'un livah pinaa' sukup avéé' kuraa'-kuraa' ta'un. Bé' lah ku' tusah kereja' ngan mutau kepéh, mokoo' awah ku', kuman, mesep ngan ngida ngan jian kenin awah, ha' néh.

20 La'ah ha' Allah ngan néh, Palui ke' seruh kenat, dau merem iteu' néh laset ko' juk béé dat, la'ah hun néh kenat, kekat livah ko' nah anah séé' lah éh, ha' Néh.

21 Ha' Yésus kepéh, Kenat péh tong kelunan kaya' éh alaa' livah pinaa' bang bé' éh kaya' tong jumen Allah, ha' Néh.

Tong pengelan tong Allah

(Mat. 6:25-34)

22 La'o inah Yésus pané ngan irah éh bakéh Néh, ka' ha' Néh, Uban néh kenat Akeu' bara' ngan keh, mai keh besau kenin seruh tong penguman keh, jin semah keh omok alaa' éh sukup siget-siget dau. Kenat péh tong pakai keh, mai keh tusah seruh jin semah keh omok alaa' pakai keh. 23 Uban urip keh inah pelapah jian jin penguman, ngan usah keh kepéh éh pelapah jian jin pakai. 24 Seruh keh jian-jian tong juhit, bé' éh pu'un pulah, ngan bé' éh nérék, ngan bé' éh pu'un luvung, na' péh éh kenat Allah éh pakan éh, ka'ah iteu' pelapah jian jin juhit éh pinaa' nah, ha' Néh. 25 Inah kepéh, séé' jin belah ka'ah éh omok pekebit urip néh uban néh ngelayau mihau usah néh, adang néh bé' omok. 26 Hun keh bé' omok maneu' éh kenat, uban ineu' keh tusah kenin seruh tong éh jah kepéh, ha' Néh. 27 t Ka' ha' Yésus kepéh, Jian keh seruh tong kekat busak tong tana', bé' busak inah maneu' pakai néh, na' péh kenat inah akeu' bara' ngan keh, Raja' Salomo sahau rai, na' péh éh kaya' mu'un, bé' éh pu'un pakai éh pelapah jian layan jin busak inah.

28 Allah éh suai layan busak inah pu'un jian, na' péh éh metok awah murip, ngan la'o inah nebet réh éh dalem luten. Hun néh kenat kineu', bé' Allah keloo' mena' pakai ngan keh kei. Kurang mu'un pengelan keh.
29 Mai keh tusah kenin ngelayau pitah penguman ngan pakai keh awah, 30 boh éh pitah éh kenat kelunan éh bé' ngelan tong Allah éh, uban Tamen keh jam adang éh tekep keh alaa' kekat éh kenat.

31 Uban Tuhan éh Pengeja'au keh ngan mihau keh, jian keh ngelayau pitah pengeloo' néh tenah, boh éh omok mena' sukup penguman ngan pakai keh péh, ha' Yésus.

Tong pengekaya' tong seruga

(Mat. 6:19-21)

32 Ka' ha' Yésus kepéh, O kekat bakéh ké' éh barei' jah vun domba éh kerat awah, amai keh medai, uban Tamen keh iah éh pengeja'au keh ngan mihau keh. 33 Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

34 Semah-semah livah keh nodoo' keh, sinah ke' kenin keh, ha' Néh.

Tong kelunan sohoo' éh mavaa'

35  t Ka' ha' Yésus kepéh, Jian keh ngelayau barei' kelunan éh lepah petenup tenéh, barei' kelunan éh ngejeret é'éng néh ngan lepah seket pelita' néh 36 t barei' kelunan sohoo' éh mena pengeja'au néh moléé' jin néh tai kuman tong kawin. Tovoo' néh avéé' ngan ngatong usit tapé, pu'un réh tioo mukap éh ngan néh uban réh lepah petenup mena savéé' néh. 37 Murung mu'un kenin kelunan sohoo' inah uban réh lepah petenup mena savéé' pengeja'au réh nah. Inah akeu' bara' ngan keh, adang néh pu'un ngejeret é'éng néh ke' néh nyohoo' réh menyun ngan petubo irah kepéh. 38 Na' péh pengeja'au inah lieu' avéé', barang éh avéé' dau lepok merem péh, barang pelapah lepok merem péh, hun irah éh sohoo' néh inah lepah petenup tenéh, adang irah pu'un murung kenin na'at savéé' néh. 39 Seruh keh jian-jian, hun pengeja'au lamin lepah jam jaka' kelunan éh nekau juk tuai masek tong lamin néh, adang néh pu'un mavaa', bé' éh kejeraa' kelunan nekau tuai tong lamin néh.

40 t Uban néh kenat jian ka'ah petenup kenin keh tenah, uban adang Anak Kelunan pu'un tuai, barang belah kenin ka'ah bé' seruh Éh tuai péh, boh Éh pu'un beleka' tuai, ha' Yésus.

Tong kelunan éh jam kivu sohoo' ngan jah kepéh éh bé' jam kivu sohoo'

(Mat. 24:45-51)

41 Ha' Péterus, O Tuhan, kineu' ha' tapan ko' iteu', ha' ko' ngan améé' éh bakéh ko' awah. Kineu', ngan kekat kelunan béé kei, ha' néh.
42 Ha' Tuhan mipa éh, Jian keh seruh, jin belah kekat kelunan sohoo' séé' éh tigéh ngan jam seruh maneu' kekat kereja' néh. Kelunan inah éh kevéléé' pengeja'au néh ke' néh petubo lamin néh ngan ke' néh mena' penguman ngan irah éh pata kelunan sohoo' tong jaka' réh kuman. 43 Murung kenin kelunan sohoo' nah hun pengeja'au néh moléé' ngan jam iah petem maneu' kekat kereja' éh sohoo' néh nah. 44 Inah Akeu' bara' ngan keh, pu'un pengeja'au néh ngajung éh ngan nyohoo' éh mihau ngan mavaa' kekat-kekat livah pengeja'au néh kepéh. 45 Bang hun kelunan sohoo' inah seruh pengeja'au néh lebéé' mu'un lakau bé' pu'un moléé', kineu' éh hun néh seruh éh kenat. Boh éh tai mipok irah pata kelunan sohoo' nah, irah lakei' péh kenat péh irah redo, ngan iah kuman nyahan ngan mesep avéé' néh mavuk péh.

46 La'ah pengeja'au kelunan sohoo' nah pu'un moléé' sioo' néh bé' seruh pengeja'au néh pu'un moléé'. Boh pengeja'au néh ngukum éh pekua' kelunan éh ngelapah tong sohoo' pengeja'au néh, ha' Néh.
47 La'ah kelunan sohoo' éh lepah jam tong kekat sohoo' pengeja'au néh, bang bé' iah kivu pekua' éh sohoo' pengeja'au néh, iah pu'un teneng ukum, ukum néh inah éh pinaa' koléé' réh mipok éh.

48 Bang kelunan sohoo' éh bé' jam kekat sohoo' pengeja'au néh, pu'un éh maneu' éh tekep ke' néh nipok réh, pu'un éh teneng ukum inah éh nipok réh, bang bé' éh nipok réh gahang pekua' kelunan sohoo' éh jam kekat sohoo' pengeja'au néh inah. Kelunan éh pu'un kereja' éh nena' Tuhan, Tuhan juk na'at réh pu'un maneu' éh pekua' iah mena' éh nah, kelunan éh kenelan irah, adang irah ngelan iah maneu' kekat éh teneng mu'un, ha' Yésus.

Tong kelunan petengéé' kenin

(Mat. 10:34-36)

49 Ka' ha' Yésus kepéh, Akeu' tuai dokoo' Ké' maneu' luten ja'au tong tana', ngan keloo' mu'un akeu' hun luten lepah mahang kenat. 50 Bang dokoo' luten inah omok mahang kenat, tekep Akeu' pu'un teneng tong kekat arong pengeketa Ké', besau kenin Ké' kelebéé' iteu' bé' jak ma'o. 51 Pu'un keh seruh Akeu' tuai tong tana' dokoo' Ké' mihin kelunan tunuk tong tana'. Bé' Akeu' tuai mihin réh kenat, Akeu' tuai dokoo' Ké' petengéé' réh. 52 Jin la'o iteu' pinaa' kelunan pu'un petengéé' kenin, barei' hun pu'un lemah usah tong jah lamin, teleu' usah jin belah réh maneu' rawah inah, rawah inah pu'un maneu' réh teleu' inah kepéh.

53 La'ah tamen maneu' anak néh lakei', anak néh lakei' maneu' tamen néh, ngan tinen maneu' anak néh éh redo, anak néh redo maneu' tinen néh, redo kivan néh maneu' kivan néh, kivan néh maneu' iah kepéh, ha' Yésus ngan réh.

Tong jalan nesen sioo' hun iteu'

(Mat. 16:2-3)

54 La'ah ka' ha' Yésus ngan kelunan pinaa' nah, Hun keh na'at langit baleng, taa' dau dat, ha' keh, ngan pu'un taa' kenat. 55 Ngan hun keh na'at ahéng tong langit, Telah hun iteu', ha' keh, ngan pu'un telah kenat.

56 t Ka'ah kelunan éh ngelayoo' sebayang awah, jam keh seruh tong kekat éh poléng tong langit ngan tong tana' péh, bang bé' keh jam seruh tong kekat éh pu'un sioo' urip lu' hun iteu', ha' Néh.

Ngejian kenin kelunan éh pesala' keh

(Mat. 5:25-26)

57 Ka' ha' Yésus kepéh, Pekua' barei' keh jam seruh hun dau juk taa' ngan hun néh bé' péh, kenat péh tekep keh jam seruh pitah jalan keh éh teneng. 58 Barei' hun pu'un kelunan éh pesala' keh ngan juk mihin keh tai besara', kelebéé' keh bé' jak avéé' tong dau besara' nah, jian keh mekat pitah jalan dokoo' keh omok alaa' jian kenin ngan néh kepéh, dokoo' néh bé' mihin keh tai jumen irah éh jam petuneng, dai irah éh jam petuneng nah mena' keh ngan irah éh mavaa' lamin tutup ke' réh mihin keh tai sinah. 59 t Adang keh bé' omok musit jin lamin tutup inah pah avéé' keh mena' tong kekat ukum keh inah, ha' Néh.

LUKE 12

Warnings

1  t As thousands of people crowded around Jesus and were stepping on each other, he told his disciples:
Be sure to guard against the dishonest teachingt of the Pharisees! It is their way of fooling people. 2 t Everything that is hidden will be found out, and every secret will be known.

3 Whatever you say in the dark will be heard when it is day. Whatever you whisper in a closed room will be shouted from the housetops.

The One To Fear

(Matthew 10.28-31)

4  t My friends, don't be afraid of people. They can kill you, but after that, there is nothing else they can do.

5 God is the one you must fear. Not only can he take your life, but he can throw you into hell. God is certainly the one you should fear!
6 Five sparrows are sold for only a few cents, but God doesn't forget a single one of them.

7 Even the hairs on your head are counted. So don't be afraid! You are worth much more than many sparrows.

Telling Others about Christ

(Matthew 10.32,33; 12.32; 10.19,20)

8 If you tell others that you belong to me, the Son of Man will tell God's angels that you are my followers. 9 But if you reject me, you will be rejected in front of them.

10 t If you speak against the Son of Man, you can be forgiven, but if you speak against the Holy Spirit, you cannot be forgiven.
11  t When you are brought to trial in the synagogues or before rulers or officials, don't worry about how you will defend yourselves or what you will say.

12 At that time the Holy Spirit will tell you what to say.

A Rich Fool

13 A man in a crowd said to Jesus, “Teacher, tell my brother to give me my share of what our father left us when he died.”

14 Jesus answered, “Who gave me the right to settle arguments between you and your brother?”

15 Then he said to the crowd, “Don't be greedy! Owning a lot of things won't make your life safe.”

16 So Jesus told them this story:
A rich man's farm produced a big crop,

17 and he said to himself, “What can I do? I don't have a place large enough to store everything.”
18 Later, he said, “Now I know what I'll do. I'll tear down my barns and build bigger ones, where I can store all my grain and other goods.

19 t Then I'll say to myself, ‘You have stored up enough good things to last for years to come. Live it up! Eat, drink, and enjoy yourself.’ ”

20 But God said to him, “You fool! Tonight you will die. Then who will get what you have stored up?”

21 “This is what happens to people who store up everything for themselves, but are poor in the sight of God.”

Worry

(Matthew 6.25-34)

22 Jesus said to his disciples:
I tell you not to worry about your life! Don't worry about having something to eat or wear. 23 Life is more than food or clothing. 24 Look at the crows! They don't plant or harvest, and they don't have storehouses or barns. But God takes care of them. You are much more important than any birds. 25 Can worry make you live longer?t

26 If you don't have power over small things, why worry about everything else?
27  t Look how the wild flowers grow! They don't work hard to make their clothes. But I tell you Solomon with all his wealtht wasn't as well clothed as one of these flowers.

28 God gives such beauty to everything that grows in the fields, even though it is here today and thrown into a fire tomorrow. Won't he do even more for you? You have such little faith!
29 Don't keep worrying about having something to eat or drink. 30 Only people who don't know God are always worrying about such things. Your Father knows what you need.

31 But put God's work first, and these things will be yours as well.

Treasures in Heaven

(Matthew 6.19-21)

32 My little group of disciples, don't be afraid! Your Father wants to give you the kingdom. 33 Sell what you have and give the money to the poor. Make yourselves moneybags that never wear out. Make sure your treasure is safe in heaven, where thieves cannot steal it and moths cannot destroy it.

34 Your heart will always be where your treasure is.

Faithful and Unfaithful Servants

(Matthew 24.45-51)

35  t Be ready and keep your lamps burning 36 t just like those servants who wait up for their master to return from a wedding feast. As soon as he comes and knocks, they open the door for him. 37 Servants are fortunate if their master finds them awake and ready when he comes! I promise you he will get ready and let his servants sit down so he can serve them. 38 Those servants are really fortunate if their master finds them ready, even though he comes late at night or early in the morning. 39 t You would surely not let a thief break into your home, if you knew when the thief was coming.

40 So always be ready! You don't know when the Son of Man will come.

41 Peter asked Jesus, “Did you say this just for us or for everyone?”

42 The Lord answered:
Who are faithful and wise servants? Who are the ones the master will put in charge of giving the other servants their food supplies at the proper time? 43 Servants are fortunate if their master comes and finds them doing their job.

44 A servant who is always faithful will surely be put in charge of everything the master owns.
45 But suppose one of the servants thinks that the master won't return until late. Suppose that servant starts beating all the other servants and eats and drinks and gets drunk.

46 If that happens, the master will come on a day and at a time when the servant least expects him. That servant will then be punished and thrown out with the servants who cannot be trusted.
47 If servants are not ready or willing to do what their master wants them to do, they will be beaten hard.

48 But servants who don't know what their master wants them to do will not be beaten so hard for doing wrong. If God has been generous with you, he will expect you to serve him well. But if he has been more than generous, he will expect you to serve him even better.

Not Peace, but Trouble

(Matthew 10.34-36)

49 I came to set fire to the earth, and I wish it were already on fire! 50 t I am going to be put to a hard test. And I will have to suffer a lot of pain until it is over. 51 Do you think that I came to bring peace to earth? No indeed! I came to make people choose sides. 52 A family of five will be divided, with two of them against the other three.

53 t Fathers and sons will turn against one another, and mothers and daughters will do the same. Mothers-in-law and daughters-in-law will also turn against each other.

Knowing What To Do

(Matthew 16.2,3; 5.25,26)

54 Jesus said to all the people:
As soon as you see a cloud coming up in the west, you say, “It's going to rain,” and it does. 55 When the south wind blows, you say, “It's going to get hot,” and it does. 56 Are you trying to fool someone? You can predict the weather by looking at the earth and sky, but you don't really know what's going on right now. 57 Why don't you understand the right thing to do? 58 When someone accuses you of something, try to settle things before you are taken to court. If you don't, you will be dragged before the judge. Then the judge will hand you over to the jailer, and you will be locked up. 59 You won't get out until you have paid the last cent you owe.