Luke 20
How Jesus Get Da Right Fo Do Wat He Do
(Matthew 21:23-27; Mark 11:27-33)
1 One time Jesus go inside da temple yard, an teach da peopo da Good Stuff From God. Da main priest guys, da teachas dat teach Godʼs Rules, an da older leadas fo da peopo go by him.
2 Dey aks him, “Wat right you get fo do dis kine stuff? Who say you can do um?”
3 Jesus tell um, “I like aks you guys someting too.
4 John Da Baptiza, wen he wen baptize da peopo, wea he get da right fo do dat? God in da sky, he give um da right? O da peopo, dey give um da right?”
5 Da main priest dem start fo squawk wit each odda bout dat, an tell, “If we say, ‘Was God in da sky wen give John da right,’ den Jesus goin say, ‘How come you guys neva believe wat John wen say, den?’ 6 But if we say, ‘Da peopo give um da right,’ den all da peopo goin throw stones fo kill us, cuz dey tink fo shua dat John wen talk fo God.”
7 So da main priest dem tell, “We donno wea John wen get da right fo baptize.”
8 Jesus tell um, “Kay den, I no goin tell you guys from wea I get da right fo do dis kine stuff.”Da Guys Dat Work Inside Da Grape Farm
(Matthew 21:33-46; Mark 12:1-12)
9 Jesus tell da peopo anodda story fo teach um. He say, “One guy wen plant grapes inside one grape farm, an he rent um to some farma guys. Den he go way long time. 10 Wen da time come fo cut da grapes, he send one worka guy by da guys dat rent his farm, so dey can give him some grapes. But da guys dat rent da farm bus up da worka guy an send um away wit notting. 11 He send anodda worka guy, an dey bus him up too, an dey no shame fo make any kine to him, an send um away wit notting. 12 Den he send one nodda guy. Dey bus him up an make um bleed, an throw um outside. 13 Den da boss fo da grape farm say, ‘Wat I goin do? Eh, I know wat! I goin send my ony boy, da one I love. Fo shua, dey goin show respeck fo him!’ 14 But wen da guys dat rent da farm spock him, dey tell each odda, ‘Eh, dis da ownaʼs boy. He da guy goin own da farm bumbye. Come, we go kill him. Den everyting he get goin come ours!’
15 So dey throw him outside da grape farm an kill him.”
Den Jesus say, “Wat you guys tink da guy dat own da grape farm goin do to da guys dat rent da farm?
16 He goin come wipe um out, an rent da grape farm to odda guys.”
Wen da peopo hear dat, dey say, “Nah! Da owna no goin wipe um out!”
17 Jesus look dem in da eye an say, “Den wat dat mean inside da Bible dat say,
‘Had one big stone,
Da builda guys neva like use um,
An dey no take um.
But dat stone,
Dass da corner block
Dat make da building strong.’
18 Anybody dat trip an fall down on top dat stone, dat stone goin broke dem. If dat stone fall down on top somebody, dat stone goin make um jalike dust. An dat stone, dass me, you know.”Pay Da Tax
(Matthew 22:15-22; Mark 12:13-17)
19 Da teachas dat teach Godʼs Rules an da main priest guys wen like bus Jesus right den an dea, cuz dey know dat he tell dat story fo teach bout dem. But dey scared da peopo. 20 So dey look fo da right time fo do um. Dey send some guys fo watch him. Dem guys wen ack like dey good guys. Dey like trick Jesus wit wat he say, so dey can turn him ova to da leada guys an to da governa who get power. 21 So da guys dat stay watching him tell him, “Eh, Teacha, we know dat you talk strait an wat you say an teach stay true. You do da same to everybody, an you teach Godʼs way fo real kine.
22 So, wat? We still gotta pay tax to Cesar, da king fo da Rome peopo, o wat?”
23 But Jesus know dey smart an trying fo trick him, so he tell um,
24 “Show me one coin. Who dis guy on top da coin? An wass his name?”
25 Dey say, “Dass King Cesar.”
Jesus say, “Kay den, give um to Cesar wat his, an give to God wat his!”
26 Dey no can trick him wit wat he say in front da peopo. Wat he say blow dea minds, an dey no say notting.We Goin Come Back Alive
(Matthew 22:23-33; Mark 12:18-27)
27 Now, da Sadducee guys, dey say nobody can come back alive afta he mahke. Some a dem Sadducee guys wen come by Jesus an aks him, 28 “Eh, Teacha, Moses wen write fo us inside da Bible, dat if one guyʼs brudda mahke an his wife stay, but no mo kids, da mahke guyʼs brudda gotta marry da widow an get kids fo his brudda. 29 Now, had seven bruddas. Da first brudda wen marry one wahine an den mahke, an no mo kids. 30 Da numba two brudda marry her, an mahke, an no mo kids. 31 An da numba three brudda same ting, an da oddas too, an no mo kids. 32 Den afta dat, da wahine mahke too. 33 So, dey all wen marry her. Bumbye, wen da time come wen all da peopo dat wen mahke goin come back alive, dat time, who goin be her husban?” 34 Jesus tell um, “Da peopo in dis time marry an give dea girls fo marry. 35 But God say some peopo get um right wit him. Dey da ones, he goin make um come back alive inside da nex world, an give um da kine life dat stay to da max foeva. Dat time dem guys no goin marry o give dea girls fo marry. 36 Dat time dey no can mahke, but dey goin stay jalike da angel guys. Cuz dey Godʼs kids, an dey goin come back alive. 37 Now, long time ago, wen Moses wen spock one bush dat stay burning, he wen talk to God ova dea. Moses wen use dis name fo da Boss Up Dea Inside Da Sky -- he call um ‘Da God fo Abraham, Isaac, an Jacob.’ So Moses wen show dat da mahke peopo goin come back alive.
38 Cuz God not da God fo da mahke peopo, but fo da peopo dat stay alive. Cuz everybody dat stay tight wit God, dey alive!”
39 Some teachas dat teach Godʼs Rules wen say, “Dass good wat you say, Teacha!”
40 An nobody aks him mo stuff.Da Spesho Guy God Send
(Matthew 22:41-46; Mark 12:35-37; Songs fo God 110:1)
41 Jesus aks da teachas dat teach Godʼs Rules, “How come dey say dat da Spesho Guy God Send, he King Davidʼs boy?
42 David, he tell inside da Songs fo God,
‘Da Boss Up Dea Inside Da Sky,
He tell my Boss,
“Come ova hea, sit down!
Dis da importan place by my right side.
43 Bumbye I goin make da peopo dat go agains you
Go down in front you,
Fo show dat you da winna ova dem.” ’
44 Kay den, King David call him ‘My Boss,’ yeah? Den how come he can be Davidʼs boy, same time?”Jesus Tell Um Bout Da Teachas Dat Teach Godʼs Rules
(Matthew 23:1-36; Mark 12:38-40; Luke 11:37-54)
45 Da peopo stay listen to Jesus, an he tell his guys, 46 “Watch out fo da teacha guys dat teach Godʼs Rules. Dey like go aroun an wear fancy kine religious kine clotheses. Dey like da peopo fo talk to dem wit respeck inside da market. Dey like sit in da main place inside da Jewish churches, an da main place at da lu‛aus. 47 But dey no shame fo rip off da widows an take away dea houses. Same time dey make big show an pray long time, ony fo make peopo tink dey do good kine stuff fo dem. Dese kine peopo, dey goin get it mo worse from God da Judge wen da time come!”
Luke 20
1 And it came to pass, on one of the days, as he was teaching the people in the temple, and preaching the gospel, there came upon him the chief priests and the scribes with the elders;2 and they spake, saying unto him, Tell us: By what authority doest thou these things? or who is he that gave thee this authority?3 And he answered and said unto them, I also will ask you a question; and tell me:4 The baptism of John, was it from heaven, or from men?5 And they reasoned with themselves, saying, If we shall say, From heaven; he will say, Why did ye not believe him?6 But if we shall say, From men; all the people will stone us: for they are persuaded that John was a prophet.7 And they answered, that they knew not whence it was.8 And Jesus said unto them, Neither tell I you by what authority I do these things.9 And he began to speak unto the people this parable: A man planted a vineyard, and let it out to husbandmen, and went into another country for a long time.10 And at the season he sent unto the husbandmen a servant, that they should give him of the fruit of the vineyard: but the husbandmen beat him, and sent him away empty.11 And he sent yet another servant: and him also they beat, and handled him shamefully, and sent him away empty.12 And he sent yet a third: and him also they wounded, and cast him forth.13 And the lord of the vineyard said, What shall I do? I will send my beloved son; it may be they will reverence him.14 But when the husbandmen saw him, they reasoned one with another, saying, This is the heir; let us kill him, that the inheritance may be ours.15 And they cast him forth out of the vineyard, and killed him. What therefore will the lord of the vineyard do unto them?16 He will come and destroy these husbandmen, and will give the vineyard unto others. And when they heard it, they said, God forbid.17 But he looked upon them, and said, What then is this that is written, The stone which the builders rejected, The same was made the head of the corner?
18 Every one that falleth on that stone shall be broken to pieces; but on whomsoever it shall fall, it will scatter him as dust.19 And the scribes and the chief priests sought to lay hands on him in that very hour; and they feared the people: for they perceived that he spake this parable against them.20 And they watched him, and sent forth spies, who feigned themselves to be righteous, that they might take hold of his speech, so as to deliver him up to the rule and to the authority of the governor.21 And they asked him, saying, Teacher, we know that thou sayest and teachest rightly, and acceptest not the person of any, but of a truth teachest the way of God:22 Is it lawful for us to give tribute unto Caesar, or not?23 But he perceived their craftiness, and said unto them,24 Show me a denarius. Whose image and superscription hath it? And they said, Caesar’s.25 And he said unto them, Then render unto Caesar the things that are Caesar’s, and unto God the things that are God’s.26 And they were not able to take hold of the saying before the people: and they marvelled at his answer, and held their peace.27 And there came to him certain of the Sadducees, they that say that there is no resurrection;28 and they asked him, saying, Teacher, Moses wrote unto us, that if a man’s brother die, having a wife, and he be childless, his brother should take the wife, and raise up seed unto his brother.29 There were therefore seven brethren: and the first took a wife, and died childless;30 and the second:31 and the third took her; and likewise the seven also left no children, and died.32 Afterward the woman also died.33 In the resurrection therefore whose wife of them shall she be? for the seven had her to wife.34 And Jesus said unto them, The sons of this world marry, and are given in marriage:35 but they that are accounted worthy to attain to that world, and the resurrection from the dead, neither marry, nor are given in marriage:36 for neither can they die any more: for they are equal unto the angels; and are sons of God, being sons of the resurrection.37 But that the dead are raised, even Moses showed, in the place concerning the Bush, when he calleth the Lord the God of Abraham, and the God of Isaac, and the God of Jacob.38 Now he is not the God of the dead, but of the living: for all live unto him.39 And certain of the scribes answering said, Teacher, thou hast well said.40 For they durst not any more ask him any question.41 And he said unto them, How say they that the Christ is David’s son?42 For David himself saith in the book of Psalms, The Lord said unto my Lord, Sit thou on my right hand,
43 Till I make thine enemies the footstool of thy feet.
44 David therefore calleth him Lord, and how is he his son?45 And in the hearing of all the people he said unto his disciples,46 Beware of the scribes, who desire to walk in long robes, and love salutations in the marketplaces, and chief seats in the synagogues, and chief places at feasts;47 who devour widows’ houses, and for a pretence make long prayers: these shall receive greater condemnation.