previous next

Luke 6

Dey Give Jesus Hard Time Bout Da Rest Day

(Matthew 12:1-8; Mark 2:23-28)

1 One time, was da Jewish Rest Day. Jesus an his guys wen walk thru da fields wea dey grow da wheat. His guys wen pick litto bit wheat, rub um wit dea hands fo get rid a da junks, an eat um.

2 But had some Pharisee guys wen say, “Hala! How come you guys doing da kine work you not suppose to do on da Rest Day?!”
3 Jesus tell um, “Wot! You guys neva read inside da Bible wat David wen do, dat time him an his guys was hungry?

4 He wen go inside Godʼs house. He take da bread dass spesho fo God dat stay ova dea, an eat um, an give um to his guys too. An nobody eva say notting, no matta Godʼs Rules say, ony da priest guys can eat dat bread.

5 “Eh! I da Guy Dass Fo Real. Dass why I da One dat get da right fo say wat can do da Rest Day.”

Jesus Make One Guy Come Good On Da Rest Day

(Matthew 12:9-14; Mark 3:1-6)


6 One nodda Rest Day Jesus wen go inside one Jewish church an teach. One guy stay dea an his right hand stay funny kine. 7 Some teachas dat teach Godʼs Rules an some Pharisee guys wen like bus Jesus, so dey watch um real good, if he goin make somebody come good on da Rest Day. 8 But Jesus wen know wat dey tinking, an he wen tell da guy wit da funny kine hand, “Get up an stand up ova hea in front everybody.” An da guy come. 9 Den Jesus wen tell dem, “I like aks you guys one question. Dass right in Godʼs Rules fo do da good kine stuff on da Rest Day, o da bad kine? Fo help peopo fo stay alive, o fo wipe um out?”

10 He wen look aroun at dem, an den he tell da guy, “Stick out yoa hand.” An da guy stick um out, an his hand wen come good again.

11 But da Pharisee guys wen come real huhu, an wen start fo make plan togedda wat dey like do to Jesus.

Jesus Pick Twelve Guys

(Matthew 10:1-4; Mark 3:13-19)


12 Dat time Jesus wen go up one hill fo pray. He stay dea an pray all nite. 13 Wen day time come he call all dem dat go wit him fo come. An he wen pick twelve guys, an say dey da guys he goin send all ova.

14 He pick
Simon (da guy he wen name Peter),
Andrew his brudda,
James an John,
Philip an Bartolomew,

15 Matthew an Thomas,
Alfeusʼs boy James,
Simon da guy dey call da Jewish Sovereignty guy,

16 Jamesʼ boy Judas,
Judas Iscariot, da guy dat bumbye goin set Jesus up fo mahke.

Jesus Teach An Make Peopo Come Good

(Matthew 4:23-25)


17 Jesus wen come down da hill wit his guys, an he stand on top one flat place. Had plenny guys dea dat wen go wit him an plenny odda peopo from Jerusalem an all ova Judea, an from Tyre an Sidon, two towns dat stay near da ocean. 18 Dey wen come ova dea fo listen to him, an so he can make um come good from all kine sick. Da kine wit da bad kine spirits dat bodda dem, Jesus wen make um all come good.

19 Everybody wen try fo touch him, cuz da power was coming outa him an make um all come good.

Da Peopo Dat Stay Good Inside An Da Peopo Dat Stay Sad

(Matthew 5:1-12)


20 Jesus wen look da guys he teaching an say,
“You guys dat no mo notting now,
You can stay good inside
Cuz God, he yoa King!

21 “You guys dat stay hungry now,
You can stay good inside
Cuz you goin come full!
“You guys dat cry now,
You can stay good inside
Cuz you goin laugh!
22 “You guys can stay good inside wen da peopo hate you, an throw you out, an talk bad to you, an say you no good cuz a me, da Guy Dass Fo Real!

23 Da peopo dat hate you guys now, long time ago God wen send his talka guys fo teach dea ancesta guys, an dose peopo dat time wen make Godʼs talka guys suffa plenny too, jalike nowdays dea kids stay make you guys suffa. But eh! Go dance an sing wen dey make any kine to you guys, an stay plenny good inside! Cuz bumbye God goin have plenny good kine stuff in da sky fo you guys.

24 “Auwe you guys dat stay rich now!
You get da easy time awready.

25 Auwe you guys dat stay full now!
You goin come hungry!
Auwe you guys dat laugh now!
You goin come real sad an cry!

26 “Auwe wen everybody talk good bout you guys! Cuz you know, dea ancesta guys wen talk good bout da fake guys long time ago dat wen say dey talk fo God but dey neva.”

Get Love an Aloha fo da Peopo Dat Stay Agains You

(Matthew 5:38-48; 7:12a)


27 “I telling you guys dat hear me, get love an aloha fo da peopo dat stay agains you. Do good stuff fo dem. 28 Aks God fo do good tings to da peopo dat put kahuna on top you, an pray fo da peopo dat make you guys suffa. 29 If one guy hit yoa right cheek, let him hit yoa left cheek too. If one guy steal yoa coat, give him yoa shirt too. 30 Give to everybody who aks you fo someting, an if one guy rip off yoa stuffs, no tell him fo give um back.

31 Do to da odda guy jalike you like him do to you.
32 “If you guys ony get love an aloha fo da peopo dat get love an aloha fo you, you tink God owe you money fo dat? No way! Even da bad kine guys get love an aloha fo da guys dat get love an aloha fo dem! 33 An if you guys ony do good to da peopo dat do good to you, you tink God owe you money fo dat? No way! Even da peopo dat do bad kine stuff do dat. 34 If you guys ony lend someting to da peopo you tink goin give um back, you tink God owe you money fo dat? Even da bad kine peopo lend stuff to da bad kine peopo, if dey tink dey goin get um all back. 35 No way! Get love an aloha fo da peopo dat stay agains you, an do um good, an lend um stuff, an no tink if you goin get um back! Cuz da God Dass Mo Importan Den All Da Odda Gods, he everytime do good to da peopo dat no tank him an da peopo dat do real bad kine stuff. If you make like God, dat show dat he you guys Fadda, an you his kids. An bumbye, God goin have plenny good kine stuff bumbye in da sky fo you guys cuz a dat.

36 Give chance jalike yoa Fadda give chance.

No Make Like One Judge To da Odda Guy

(Matthew 7:1-5)


37 “No make like one judge to nobody, an God no goin be yoa judge. No say da odda guy gotta be punish, an God no goin punish you. Let da odda guy go, an no stay huhu wit him. Den God goin let you go an hemo yoa shame fo all da bad kine stuff you wen do.

38 Give to da odda guy, an God goin give to you. He goin fill um up, shake um, fill um up some moa, plenny goin even run ova, an he goin pour um all inside yoa bag. Cuz da way you give, same way he goin give to you.”
39 Jesus talk some moa. He say, “You tink one blind guy can lead anodda blind guy? He do dat, an dey both goin fall down inside one puka.

40 One guy not mo importan den his teacha, but everybody dat learn all da stuffs from dea teacha, dey goin come jalike dea teacha.
41 “How come you guys spock da small piece junk inside yoa bruddaʼs eye, an no tink bout da big two by four inside yoa own eye?

42 How you goin tell yoa brudda, ‘Eh, try let me pull da small piece junk outa yoa eye,’ wen you no see da big two by four inside yoa own eye? You say one ting an do anodda! First take da big two by four outa yoa own eye, den you can see good fo take da small piece junk outa yoa bruddaʼs eye.

Da Tree An Da Fruit

(Matthew 7:17-20; 12:34b-35)


43 “Da good kine tree no can give bad fruit, an da bad kine tree no can give good fruit. 44 You know da kine tree from da kine fruit dey give. No can pick da fig o da grape from da kine tree wit kuku.

45 Da good guy do good kine stuff from da good stuff inside his heart, an da bad guy do bad kine stuff from da bad stuff inside his heart. Da kine stuff inside da heart goin come out thru da mout by wat da guy say.

Da Two House Builda Guys

(Matthew 7:24-27)


46 “How come you guys call me ‘Boss, boss,’ but you no do wat I say? 47 I goin show you guys how da guy stay dat come by me, an hear wat I say, an do um. 48 He jalike da guy dat stay build his house, an dig deep an put da foundation on top da rock. Den da big water come, an pound da house, but no can shake um, cuz he wen make um good. 49 But da guy dat hear wat I say an no do um, he jalike da guy dat build his house on top da groun, but no mo foundation. Da big water pound um, an dat house fall down an bus up.”

Luke 6

1 Now it came to pass on a sabbath, that he was going through the grainfields; and his disciples plucked the ears, and did eat, rubbing them in their hands.2 But certain of the Pharisees said, Why do ye that which it is not lawful to do on the sabbath day?3 And Jesus answering them said, Have ye not read even this, what David did, when he was hungry, he, and they that were with him;4 how he entered into the house of God, and took and ate the showbread, and gave also to them that were with him; which it is not lawful to eat save for the priests alone?5 And he said unto them, The Son of man is lord of the sabbath.6 And it came to pass on another sabbath, that he entered into the synagogue and taught: and there was a man there, and his right hand was withered.7 And the scribes and the Pharisees watched him, whether he would heal on the sabbath; that they might find how to accuse him.8 But he knew their thoughts; and he said to the man that had his hand withered, Rise up, and stand forth in the midst. And he arose and stood forth.9 And Jesus said unto them, I ask you, Is it lawful on the sabbath to do good, or to do harm? to save a life, or to destroy it?10 And he looked round about on them all, and said unto him, Stretch forth thy hand. And he did so: and his hand was restored.11 But they were filled with madness; and communed one with another what they might do to Jesus.12 And it came to pass in these days, that he went out into the mountain to pray; and he continued all night in prayer to God.13 And when it was day, he called his disciples; and he chose from them twelve, whom also he named apostles:14 Simon, whom he also named Peter, and Andrew his brother, and James and John, and Philip and Bartholomew,15 and Matthew and Thomas, and James the son of Alphaeus, and Simon who was called the Zealot,16 and Judas the son of James, and Judas Iscariot, who became a traitor;17 and he came down with them, and stood on a level place, and a great multitude of his disciples, and a great number of the people from all Judaea and Jerusalem, and the sea coast of Tyre and Sidon, who came to hear him, and to be healed of their diseases;18 and they that were troubled with unclean spirits were healed.19 And all the multitude sought to touch him; for power came forth from him, and healed them all.20 And he lifted up his eyes on his disciples, and said, Blessed are ye poor: for yours is the kingdom of God.21 Blessed are ye that hunger now: for ye shall be filled. Blessed are ye that weep now: for ye shall laugh.22 Blessed are ye, when men shall hate you, and when they shall separate you from their company, and reproach you, and cast out your name as evil, for the Son of man’s sake.23 Rejoice in that day, and leap for joy: for behold, your reward is great in heaven; for in the same manner did their fathers unto the prophets.24 But woe unto you that are rich! for ye have received your consolation.25 Woe unto you, ye that are full now! for ye shall hunger. Woe unto you, ye that laugh now! for ye shall mourn and weep.26 Woe unto you, when all men shall speak well of you! for in the same manner did their fathers to the false prophets.27 But I say unto you that hear, Love your enemies, do good to them that hate you,28 bless them that curse you, pray for them that despitefully use you.29 To him that smiteth thee on the one cheek offer also the other; and from him that taketh away thy cloak withhold not thy coat also.30 Give to every one that asketh thee; and of him that taketh away thy goods ask them not again.31 And as ye would that men should do to you, do ye also to them likewise.32 And if ye love them that love you, what thank have ye? for even sinners love those that love them.33 And if ye do good to them that do good to you, what thank have ye? for even sinners do the same.34 And if ye lend to them of whom ye hope to receive, what thank have ye? even sinners lend to sinners, to receive again as much.35 But love your enemies, and do them good, and lend, never despairing; and your reward shall be great, and ye shall be sons of the Most High: for he is kind toward the unthankful and evil.36 Be ye merciful, even as your Father is merciful.37 And judge not, and ye shall not be judged: and condemn not, and ye shall not be condemned: release, and ye shall be released:38 give, and it shall be given unto you; good measure, pressed down, shaken together, running over, shall they give into your bosom. For with what measure ye mete it shall be measured to you again.39 And he spake also a parable unto them, Can the blind guide the blind? shall they not both fall into a pit?40 The disciple is not above his teacher: but every one when he is perfected shall be as his teacher.41 And why beholdest thou the mote that is in thy brother’s eye, but considerest not the beam that is in thine own eye?42 Or how canst thou say to thy brother, Brother, let me cast out the mote that is in thine eye, when thou thyself beholdest not the beam that is in thine own eye? Thou hypocrite, cast out first the beam out of thine own eye, and then shalt thou see clearly to cast out the mote that is in thy brother’s eye.43 For there is no good tree that bringeth forth corrupt fruit; nor again a corrupt tree that bringeth forth good fruit.44 For each tree is known by its own fruit. For of thorns men do not gather figs, nor of a bramble bush gather they grapes.45 The good man out of the good treasure of his heart bringeth forth that which is good; and the evil man out of the evil treasure bringeth forth that which is evil: for out of the abundance of the heart his mouth speaketh.46 And why call ye me, Lord, Lord, and do not the things which I say?47 Every one that cometh unto me, and heareth my words, and doeth them, I will show you to whom he is like:48 he is like a man building a house, who digged and went deep, and laid a foundation upon the rock: and when a flood arose, the stream brake against that house, and could not shake it: because it had been well builded.49 But he that heareth, and doeth not, is like a man that built a house upon the earth without a foundation; against which the stream brake, and straightway it fell in; and the ruin of that house was great.