San Marcos 3

I rutzirsaxic i achi chakijnak u ʼab

1 Teʼuri i Jesus xoc chic pa molbalʼib. Chila ʼo wi jun achi, xchakij u ʼab rumal siquirnak. 2 Xak je ʼo jujun chila que tijin chu takexic i Jesus, we crutzirsaj i achi-le pa uxlambal ʼij; cacaj ique quiqui tzucuj u mac.

3 I Jesus xu ʼijla i achi chi chakijnak u ʼab. Xu bij che:
—Chat walijok, y chat tacʼal chakaxol —coʼon che.

4 Teʼuri xu bij chique i winak:
—I ʼatbal tzij tzʼibtal can rumal i mam Moises, ¿wach cu bij chake, qui bij yix? Chupam i uxlambal ʼij, ¿ʼutz we caka ʼan jun utzil chomal, o xa caka ʼan i n-ʼus taj? ¿ʼUtz caka to jun chuwach i camic? ¿O xa caka camsaj?
Queje ile xu bij i Jesus chique, xui-ri, mi jun xchʼawic.

5 Ire toʼ xe u takej, lic coywaric. Xak lic xbison chique man n-xcaj tu tayic usucʼ. Teʼuri xu bij che achi:
—Cha sucʼba i a ʼab —coʼono.
I achi xu sucʼba, y juntir xutziric.

6 Are ʼuri i aj Fariséo xe ʼel bic y xe ʼe cuʼ i jutzobaj je u cwenta i ma Heródes. Junam xe oc chu chʼobic wach u camsaxic i Jesus quiqui ʼano.

Lic je qʼui i winak xe upon ruʼ i Jesus

7 I Jesus xa ʼe chic cuʼ u tijoxelab chu chiʼ i alagun; xak je qʼui i winak re i jyub Galiléa xe terej chirij. 8 Are xqui ta u tzijol wach i nimak tak ʼanic ca tijin i Jesus chu ʼonquil, je qʼui i winak xe cʼun aj pa jyub Judéa, xak aj pa Jerusalen, xak aj pa jyub Iduméa, xak aj chʼakap re i ya Jordan, xak xe cʼun i je re i jyub u cwenta i queb tinimit Tíro y Sidon. 9 I winak je qʼui, lic quiqui pitzʼ i Jesus, rumal-i, xe u tak bi u tijoxelab chu yijbaxic jun bárco che. 10 Je qʼui i winak je rutzirsam, rumal-i, conojel i iwabib ʼis quiqui min quib ruʼ, cacaj quiqui chap na jubiʼ.

11 Niʼpa i ʼo itzel tak tew chique are xquil u wach i Jesus, juntir xe xuqui chuwach y xe siqʼuin chu bixquil:
—¡Yet at u Cʼojol i Dios! —xe cha che.

12 Xui-ri, i Jesus xe u yaj i itzel tew; n-xu ya ta chique quiqui bij pachin ire.

Wach qui chayic i cablajuj tijoxelab

13 Xoʼon panok, i Jesus xel bi chuwi jun jyub, y xe u siqʼuij ruʼ pachin craj ire chi que terej chirij; y xe ʼe ruʼ. 14 Chila xe u cha cablajuj chique, chi que terej na chirij, lic rachiʼil na ire. Xu ya qui patan que ʼel chu bixquil u tzij i Dios; (ique “apostelab” ca bix chique). 15 Xak xu ya piquiʼab ique que tiqui chi cutzirsaxic iwabib, xak que quesaj bi itzel tew chiquij i winak. 16 I qui bi i cablajuj-le: jun, ma Simon, chi xak ma Pédro xbix che rumal i Jesus; 17 y queb chic: ma Jacóbo, chilam u chaʼ chi ma Wan, chi je racʼal i mam Zebedéo; i Jesus xu ya pi qui bi “Boanérges” chi queʼelok je achiab pacha u chʼawbal jab. 18 Xak i ma Andres, i ma Felípe, xak i ma Bartolome, i ma Matéo, i ma Tomas, y jun chic ma Jacóbo chi u cʼojol i mam Alféo; xak i ma Tadéo, xak i jun chic ma Simon chi re i partído cananísta,

19 xak ʼo i ma Júdas Iscarióte chi xoʼon panok xu jach i Jesus piquiʼab i tzel que ʼilawic. (Ile je are i cablajuj apostelab je chatal rumal i Jesus.)

ʼO i xe binic chi Jesus coʼon i milágro man u yom u wach ruʼ itzel

I Jesus xtzalij chali cuʼ u tijoxelab ruʼ ja. 20 Are xe uponic, xqui mol tan chic quib i winak ruʼ; ique n-xtijtaj ta chic qui wa cumal.

21 I rachalal i Jesus, are xqui ta rason wach ca tijin chu ʼanic, ique xe ʼe chu cʼamic, man quiqui bij i winak xa chʼujernak, quiqui bij.

22 Xak xe upon i je aj tijonel re i ujer ʼatbal tzij; cʼa pa Jerusalen je petnak wi. Ique xqui bij:
—I achi-ri ʼo puʼab i cajʼatzil itzel, chi Beelzebu u bi. Ruʼ u choʼab i itzel-le, ca tiqui chi relsaxic itzel tak tew —xqui bij.

23 Rumal ʼuri, i Jesus xe u siqʼuij ruʼ y xu ya jun tijojbal tzij chique.
—I cajʼatzil itzel ¿xataba que resaj i je u takon ire? N-que resaj tajt —xu bij i Jesus chique—. 24 Iwetaʼam yix, jun tinimit we quiqui jach quib pa tak tzobajil, y quiqui ʼan chʼoʼoj chiquiwach, n-que najtin taj. 25 Xak queje juban alal, we n-junam ta qui wach, we quiqui jach quib chiquiwach, xak n-que najtin ta ʼuri.

26 Xak queje i itzel cuʼ u takon; we quiqui jach quib chiquiwach, y quiqui ʼan chʼoʼoj chiquiwach, n-que najtin taj, xa que sachic. (Rumal-i, i Satanas, n-que resaj ti u takon ire che jun winak.)

27 Jun, we craj coc pa rachoch jun achi chi lic ʼo u choʼab, cresajbej re ubitak-re, ire n-ca tiqui ta che we nu yutʼum ti rajaw ja nabe. We u yutʼum chic, teʼuri ca tiqui chi relsaxic ubitak-re. (Queje xu bij i Jesus ile, cʼutbal-re chique chi ire tiquinak chic che itzel.t)
28 —Chitapeʼ —xu bij i Jesus chique i nimak qui patan—, ʼo u cuytajic i qui mac i winak, wach tak quiqui ʼano, wach tak quiqui bij, 29 xui-ri, we cʼax quiqui bij chirij i u Tewal i Dios, ile lic n-tu cuytajic. Pachin i que ʼanaw ile, lic ʼo ni qui mac chiquij ronojel ʼij sak.

30 Queje xu bij i Jesus ile chique; man qui bim ique chi xa are u tewal itzel ʼo ruʼ, xui-ri, are i u Tewal i Dios ʼo ruʼt.

Je pachin i ratz u chaʼ i Jesus, xak pachin i u chuch

31 Teʼuri xe upon i u chuch xak i u chaʼ i Jesus. Xe taqʼui chuwaja y xqui tak u siqʼuixic cuʼ.

32 Chila pa ja, je ʼo uqʼuial winak je chʼuquernak chu tayic u tzij i Jesus. Ique xqui bij:
—I a chuch cuʼ i a chaʼ je ʼo chi sak; cat qui tzucujt —xqui bij che.

33 I Jesus xu bij chique:
—¿Pachin in chuch, tak i je in chaʼ? —coʼon chique.

34 Teʼuri cʼula xe u takej niʼpa i je chʼuquernak ruʼ y xu bij:
—Niʼpa i je ʼo chi ʼis je are in chuch, xak je in chaʼ. 35 Pachin i que tijin chu ʼanic pacha craj i Dios, ique-le je are in chaʼ, xak je are i wanab, xak in chuch —xu bij i Jesus chique.

Mark 3

The Man with a Paralysed Hand

(Mt 12.9–14; Lk 6.6–11)

1 Then Jesus went back to the synagogue, where there was a man who had a paralysed hand. 2 Some people were there who wanted to accuse Jesus of doing wrong; so they watched him closely to see whether he would heal the man on the Sabbath. 3 Jesus said to the man, “Come up here to the front.”

4 Then he asked the people, “What does our Law allow us to do on the Sabbath? To help or to harm? To save someone's life or to destroy it?”
But they did not say a thing. 5 Jesus was angry as he looked round at them, but at the same time he felt sorry for them, because they were so stubborn and wrong. Then he said to the man, “Stretch out your hand.” He stretched it out, and it became well again.

6 So the Pharisees left the synagogue and met at once with some members of Herod's party, and they made plans to kill Jesus.

A Crowd by the Lake

7 Jesus and his disciples went away to Lake Galilee, and a large crowd followed him. They had come from Galilee, from Judea, 8 from Jerusalem, from the territory of Idumea, from the territory on the east side of the Jordan, and from the region round the cities of Tyre and Sidon. All these people came to Jesus because they had heard of the things he was doing. 9 The crowd was so large that Jesus told his disciples to get a boat ready for him, so that the people would not crush him.t 10 He had healed many people, and all those who were ill kept pushing their way to him in order to touch him.

11 And whenever the people who had evil spirits in them saw him, they would fall down before him and scream, “You are the Son of God!”

12 Jesus sternly ordered the evil spirits not to tell anyone who he was.

Jesus Chooses the Twelve Apostles

(Mt 10.1–4; Lk 6.12–16)

13 Then Jesus went up a hill and called to himself the men he wanted. They came to him, 14 and he chose twelve, whom he named apostles. “I have chosen you to be with me,” he told them. “I will also send you out to preach,

15 and you will have authority to drive out demons.”
16 These are the twelve he chose: Simon (Jesus gave him the name Peter); 17 James and his brother John, the sons of Zebedee (Jesus gave them the name Boanerges, which means “Men of Thunder”); 18 Andrew, Philip, Bartholomew, Matthew, Thomas, James son of Alphaeus, Thaddaeus, Simon the Patriot,

19 and Judas Iscariot, who betrayed Jesus.

Jesus and Beelzebul

(Mt 12.22–32; Lk 11.14–23; 12.10)

20 Then Jesus went home. Again such a large crowd gathered that Jesus and his disciples had no time to eat.

21 When his family heard about it, they set out to take charge of him, because people were saying, “He's gone mad!”

22 Some teachers of the Law who had come from Jerusalem were saying, “He has Beelzebul in him! It is the chief of the demons who gives him the power to drive them out.”t
23 So Jesus called them to him and spoke to them in parables: “How can Satan drive out Satan? 24 If a country divides itself into groups which fight each other, that country will fall apart. 25 If a family divides itself into groups which fight each other, that family will fall apart.

26 So if Satan's kingdom divides into groups, it cannot last, but will fall apart and come to an end.

27  “No one can break into a strong man's house and take away his belongings unless he first ties up the strong man; then he can plunder his house.
28  “I assure you that people can be forgiven all their sins and all the evil things they may say. t 29 But whoever says evil things against the Holy Spirit will never be forgiven, because he has committed an eternal sin.”t

30 (Jesus said this because some people were saying, “He has an evil spirit in him.”)

Jesus' Mother and Brothers

(Mt 12.46–50; Lk 8.19–21)

31 Then Jesus' mother and brothers arrived. They stood outside the house and sent in a message, asking for him.

32 A crowd was sitting round Jesus, and they said to him, “Look, your mother and your brothers and sisters are outside, and they want you.”
33 Jesus answered, “Who is my mother? Who are my brothers?” 34 He looked at the people sitting round him and said, “Look! Here are my mother and my brothers! 35 Whoever does what God wants him to do is my brother, my sister, my mother.”