previous next

Matthew 23

Bejaga Ari Bala Pengajar Adat Enggau Bala Orang Parisi

(Mark 12.38-39; Luke 11.43, 46; 20.45-46)

1 Udah nya Jesus lalu bejaku ngagai orang mayuh enggau ngagai sida murid Iya. 2 “Sida pengajar Adat enggau orang Parisi udah diberi kuasa nerangka Adat Moses.t 3 Nya alai, kereja sebarang utai ti diajar sida ngagai kita, lalu titihka ajar nya, tang anang ngereja utai ti dikereja sida, laban sida enda ngereja utai ti diajar sida empu. 4 t Sida nanchangka ma ti berat, ti mar dibai, ba bau orang bukai, tang sida empu enggai enchukirka tunjuk mai ma nya. 5 t Sida minta diri dipeda orang mayuh lebuh sida ngereja semua pengawa sida. Sida ngaga papak kain ti besai alai sida nuliska jaku ari Bup Kudus, lalu dilekatka sida ba kening enggau ba lengan sida, lalu rambing puting gari sida panjai.t 6 t Sida rindu duduk ba penuduk ti di atas lebuh pengerami makai besai, enggau duduk ba penuduk ti pemadu manah dalam balai gempuru, 7 lalu sida rindu ditabi orang ba sebelah pasar, lalu rindu dikumbai orang ‘Pengajar.’ t 8 t Tang kita enda tau dikumbai Pengajar, laban kita semina bisi siku aja Pengajar, lalu semua kita tu diri menyadi magang. 9 Lalu anang ngumbai orang di dunya tu Apai, laban kita semina bisi siku aja Apai, Iya ke di serega. 10 Lalu kita pen enda mega tau dikumbai kepala, laban kita semina bisi siku aja kepala, iya nya Kristus.t 11 t Orang ke pemadu besai ba bala kita deka nyadi kuli kita.

12 t Semua orang ke ngeninggika diri, deka dikemaruhka, lalu semua orang ke ngemaruhka diri, deka ditinggika.

Jesus Ngakim Orang Ke Pura-pura

(Mark 12.40; Luke 11.39-42, 44, 52; 20.47)


13 “Tulah meh kita pengajar Adat, kita orang Parisi, kita ke pura-pura ngapa!t Kita nutup pintu Perintah serega di mua orang mayuh, tang kita empu enda tama, lalu kita nagang orang bukai tama!

14 Tulah meh kita pengajar Adat enggau kita orang Parisi! Kita tu orang ke pura-pura ngapa!t Kita ngerampas rumah indu ke balu, lalu kita pura-pura ngayanka diri lama besampi! Nya alai kita deka diberi ukum ti pemadu berat!

15  t “Tulah meh kita pengajar Adat enggau kita orang Parisi! Kita tu orang ke pura-pura ngapa!t Laban kita belayar meraka tasik, lalu ngelangkah mayuh bengkah menua, nguji mai siku orang ngagai agama kita, lalu kita ngaga orang nya nyadi peranak nerakat dua kali lipat jai agi ari kita empu!
16  t “Tulah meh kita malin ke buta, ke nyebut, ‘Enti orang besumpah atas nama Rumah Sembiang, utai nya nadai ngawa, tang enti iya besumpah ngena nama emas ti dalam Rumah Sembiang, iya kena tanchang sumpah nya.’ 17 t Kita tu buta sereta beli! Laban ni ti besai agi, emas tauka Rumah Sembiang ti ngasuh emas nya kudus? 18 Lalu ku kita, ‘Enti orang besumpah atas nama alta, utai nya nadai ngawa, tang enti iya besumpah atas nama pemeri ti ba alta nya, iya kena tanchang sumpah nya.’ 19 Kita tu buta! Laban ni ti besai agi, pemeri tauka alta ti ngasuh pemeri nya kudus? 20 Nya alai orang ke besumpah atas nama alta, besumpah mega atas nama alta nya enggau atas nama semua pemeri ti ba alta nya, 21 t lalu orang ke besumpah atas nama Rumah Sembiang, besumpah mega atas nama Rumah Sembiang nya enggau atas nama Allah Taala ti diau dalam Rumah Sembiang nya,

22 t lalu orang ke besumpah atas nama serega, besumpah mega atas nama kerusi diraja Allah Taala enggau atas nama Iya ke duduk ba kerusi diraja nya.
23  t “Tulah meh kita pengajar Adat, enggau kita orang Parisi! Kita tu orang ke pura-pura ngapa!t Laban kita meri sepuluh peratus ari rempah kita, baka telasih, adas manis, enggau jintan, tang kita enggai ngereja utai ti beguna agi dalam Adat, baka pengelurus, pengasih enggau pengarap. Semua utai nya patut dikereja kita, tang anang nejuka utai bukai nya enda dikereja.

24 Kita tu malin ke buta! Kita muai lalat ari ai irup kita, tang kita nelan unta!
25  t “Tulah meh kita pengajar Adat, enggau kita orang Parisi! Kita tu orang ke pura-pura ngapa!t Laban kita nuchi mangkuk enggau chapak kita ari luar, tang dalam nyin sida penuh laban pengamu enggau ati ti semina berundingka diri empu aja.

26 Kita orang Parisi endang amat buta! Tuchi dulu mangkuk enggau chapak kita ari dalam, ngambika sida mega tuchi ari luar!
27  t “Tulah meh kita pengajar Adat, enggau kita orang Parisi! Kita tu orang ke pura-pura ngapa! Laban kita tu baka kubur ti udah dichat burak, ti manah gaya dipeda ari luar, tang dalam nyin kita penuh laban tulang enggau semua macham utai ti kamah.

28 Nya alai, di luar gamal kita baka ke lurus, tang dalam nyin kita penuh laban ati ti pura-pura ngapa enggau penyai.

Jesus Madahka Ukum Sida

(Luk 11.47-51; SKR 7.51-53)


29 “Tulah meh kita pengajar Adat enggau kita orang Parisi! Kita tu orang ke pura-pura ngapa! Laban kita begagaka kubur ti manah ke sida nabi, lalu ngelagu tiang pengingat ke orang ke lurus, 30 lalu ku kita, ‘Enti sema kami idup lebuh maya aki ini kami kelia, kami tentu enggai enggau sida munuh bala sida nabi!’ 31 Nya meh jalai kita besaksi ngelaban diri empu, laban kita madahka diri peturun orang ke udah munuh sida nabi. 32 Nya alai tembuka meh pengawa ti udah ditumbuhka bala aki ini kita! 33 t Kita ular, kita anak ular! Baka ni ku kita ulih nagang diri dibuai ngagai neraka? t 34 t Nya alai, Aku ngirumka ngagai kita bala sida nabi, enggau orang ke bepenemu-dalam, enggau sida pengajar Adat. Sekeda sida deka dibunuh kita, lalu diregang, sekeda disipat kita dalam balai gempuru kita, lalu diperinsaka kita ari nengeri sebuah ngagai nengeri sebuah, 35 t ngambika kita ditinggang darah orang ke lurus ke udah dibunuh kita di dunya tu, belabuh ari darah Abel ke nadai penyalah, nyentuk ngagai darah Sekariah anak Berekiah ke dibunuh kita ba entara Endur ti Kudus enggau alta.

36 t Enggau bendar Aku madah ngagai kita, semua utai nya deka ninggang rebak ti diatu!

Jesus Nyabak Ke Jerusalem


37  t “O Jerusalem, Jerusalem! Nuan munuh sida nabi lalu nuku ngena batu bala seruan ke dikirumka Allah Taala ngagai nuan! Aku suah udah deka ngaul semua nembiak nuan, baka indu manuk ti ngempuruka anak di baruh sayap iya, tang nuan enggai nejuka Aku! 38 t Nya alai rumah nuan deka ditinggalka puang nadai orang nguan. 39 t Laban, Aku madah ngagai nuan, berengkah ari diatu, nuan nadai agi meda Aku nyentuk ngagai maya nuan nyebut, ‘Beberekat meh Iya ke datai dalam nama Tuhan.’ ”

Matthew 23

1 Then spake Jesus to the multitudes and to his disciples,2 saying, The scribes and the Pharisees sit on Moses seat:3 all things therefore whatsoever they bid you, these do and observe: but do not ye after their works; for they say, and do not.4 Yea, they bind heavy burdens and grievous to be borne, and lay them on men’s shoulders; but they themselves will not move them with their finger.5 But all their works they do to be seen of men: for they make broad their phylacteries, and enlarge the borders of their garments,6 and love the chief place at feasts, and the chief seats in the synagogues,7 and the salutations in the marketplaces, and to be called of men, Rabbi.8 But be not ye called Rabbi: for one is your teacher, and all ye are brethren.9 And call no man your father on the earth: for one is your Father, even he who is in heaven.10 Neither be ye called masters: for one is your master, even the Christ.11 But he that is greatest among you shall be your servant.12 And whosoever shall exalt himself shall be humbled; and whosoever shall humble himself shall be exalted.

13 But woe unto you, scribes and Pharisees, hypocrites! because ye shut the kingdom of heaven against men: for ye enter not in yourselves, neither suffer ye them that are entering in to enter.14 Woe unto you, scribes and Pharisees, hypocrites! for ye devour widows’ houses, even while for a pretence ye make long prayers: therefore ye shall receive greater condemnation.

15 Woe unto you, scribes and Pharisees, hypocrites! for ye compass sea and land to make one proselyte; and when he is become so, ye make him twofold more a son of hell than yourselves.

16 Woe unto you, ye blind guides, that say, Whosoever shall swear by the temple, it is nothing; but whosoever shall swear by the gold of the temple, he is a debtor.17 Ye fools and blind: for which is greater, the gold, or the temple that hath sanctified the gold?18 And, Whosoever shall swear by the altar, it is nothing; but whosoever shall swear by the gift that is upon it, he is a debtor.19 Ye blind: for which is greater, the gift, or the altar that sanctifieth the gift?20 He therefore that sweareth by the altar, sweareth by it, and by all things thereon.21 And he that sweareth by the temple, sweareth by it, and by him that dwelleth therein.22 And he that sweareth by the heaven, sweareth by the throne of God, and by him that sitteth thereon.

23 Woe unto you, scribes and Pharisees, hypocrites! for ye tithe mint and anise and cummin, and have left undone the weightier matters of the law, justice, and mercy, and faith: but these ye ought to have done, and not to have left the other undone.24 Ye blind guides, that strain out the gnat, and swallow the camel!

25 Woe unto you, scribes and Pharisees, hypocrites! for ye cleanse the outside of the cup and of the platter, but within they are full from extortion and excess.26 Thou blind Pharisee, cleanse first the inside of the cup and of the platter, that the outside thereof may become clean also.

27 Woe unto you, scribes and Pharisees, hypocrites! for ye are like unto whited sepulchres, which outwardly appear beautiful, but inwardly are full of dead men’s bones, and of all uncleanness.28 Even so ye also outwardly appear righteous unto men, but inwardly ye are full of hypocrisy and iniquity.

29 Woe unto you, scribes and Pharisees, hypocrites! for ye build the sepulchres of the prophets, and garnish the tombs of the righteous,30 and say, If we had been in the days of our fathers, we should not have been partakers with them in the blood of the prophets.31 Wherefore ye witness to yourselves, that ye are sons of them that slew the prophets.32 Fill ye up then the measure of your fathers.33 Ye serpents, ye offspring of vipers, how shall ye escape the judgment of hell?34 Therefore, behold, I send unto you prophets, and wise men, and scribes: some of them shall ye kill and crucify; and some of them shall ye scourge in your synagogues, and persecute from city to city:35 that upon you may come all the righteous blood shed on the earth, from the blood of Abel the righteous unto the blood of Zachariah son of Barachiah, whom ye slew between the sanctuary and the altar.36 Verily I say unto you, All these things shall come upon this generation.

37 O Jerusalem, Jerusalem, that killeth the prophets, and stoneth them that are sent unto her! how often would I have gathered thy children together, even as a hen gathereth her chickens under her wings, and ye would not!38 Behold, your house is left unto you desolate.39 For I say unto you, Ye shall not see me henceforth, till ye shall say, Blessed is he that cometh in the name of the Lord.