Matthew 4
Da Devil Try Presha Jesus Do Bad Kine Stuffs
Mark 1:12-13; Luke 4:1-13; Da Rules Second Time 6:13; 8:3; Songs fo God 91:11-12
1 Afta dat, Godʼs Spirit take Jesus to da boonies, so da main Devil can try presha him make um do bad kine stuff. 2 Forty day, forty nite, Jesus pray an he neva like eat notting. Afta dat time he stay real hungry.
3 So da Devil wen go by him an presha him. He tell Jesus, “So, wat? You Godʼs Boy fo real kine? Den tell dese rocks hea fo come food.”
4 But Jesus say, “Da Bible say,
‘No mo nobody dat can live ony on food,
Gotta listen to everyting God say,
Fo live fo real kine.’ ”
5 Den da Devil take him to Jerusalem, da town dat stay spesho fo God, an make him go up da big tower on top da temple.
6 Da Devil say, “So, wat? You Godʼs Boy fo real kine? Kay den, go jump down dea, cuz da Bible say,
‘God goin tell his angel messenja guys fo take care you.
Da Bible say dis too:
Dey goin bring you down wit dea hands,
So yoa foot no hit da rocks.’ ”
7 But Jesus tell him, “Da Bible say: ‘God, he yoa Boss. So no try presha him fo make um show proof dat he God.’ ”
8 Den da Devil take him up on top one big mountain, an show him all da diffren countries all ova da world, an how awesome dey stay.
9 Da Devil tell um, “I give you all dis, if you go down an give me plenny respeck.”
10 Jesus tell him, “Beat it, Devil! Da Bible say,
‘Gotta go down on yoa knees
An give plenny respeck to God yoa Boss,
An live an work ony fo him.’ ”
11 Den da Devil go way from Jesus, an you know wat? Angel guys from da Boss come an kokua Jesus.Jesus Start Fo Teach Galilee Side
Mark 1:14-15; Luke 4:14-15; Isaiah 9:1-2
12 Dat time, Herod guys wen throw John Da Baptiza Guy in jail. Jesus wen hear dat, an he go Galilee side. 13 He go Nazaret town, an den go from dea, an make house inside Capernaum. Dass one town by da lake side, ova dea Zebulun an Naftali side.
14 Dis wen happen jalike da guy Isaiah wen say, who talk fo God long time ago:
15 “Zebulun side, Naftali side,
On top da road to da lake, da odda side Jordan River,
Galilee side wea get diffren peopos dat donno God,
16 Da peopo ova dea dat stay inside da dark,
Dey see one big light now.
An all da guys dat stay
In da dark place wea peopo goin mahke,
Da light come fo dem.”
17 Dass wen Jesus start fo teach da peopo. He say, “You guys gotta come sorry fo all da kine bad stuff you doing, an no do um no moa, cuz God in da sky stay King hea now.”Jesus Tell Four Fisha Guys Fo Come Wit Him
Mark 1:16-20; Luke 5:1-11
18 One time Jesus walking by Galilee Lake, an he spock two bruddas, Simon da guy dey call Peter, an Andrew his brudda. Dey stay throwing net inside da water, cuz dey fisha guys. 19 He tell um, “Eh, you guys! Go wit me! Da way you guys bring in da fish, I goin teach you guys how fo bring in peopo too!”
20 Right den an dea, dey jus wen leave da nets, an go wit him.
21 Going from dea, he spock two odda bruddas, James an his brudda John. Zebedee, dea fadda. Dey inside da boat wit dea fadda, fixing da nets. Jesus tell um fo come.
22 Dey go way from da boat an dea fadda, an go wit him right den an dea.Jesus Teach An Make Peopo Come Good
Matthew 9:35; Luke 6:17-18
23 Den Jesus wen go all ova Galilee, teaching inside da Jewish churches. He telling da peopo all da Good Kine Stuff bout how dey can get God fo dea King, an he making all da sick peopo come good from all kine sick. 24 Everybody hear bout him, from dea all ova Syria. Dey bring all da peopo wit all kine sick by him: everybody dat hurt, an suffa plenny, da peopo dat get bad spirits dat wen take ova dem, peopo dat shake an roll all ova, an peopo dat no can move. An Jesus make um all come good. 25 Plenny peopo wen go wit him from Galilee side, from all da Ten Towns, from Jerusalem, from Judea, an from da odda side Jordan River.
Matthew 4
1 Then was Jesus led up of the Spirit into the wilderness to be tempted of the devil.2 And when he had fasted forty days and forty nights, he afterward hungered.3 And the tempter came and said unto him, If thou art the Son of God, command that these stones become bread.4 But he answered and said, It is written, Man shall not live by bread alone, but by every word that proceedeth out of the mouth of God.5 Then the devil taketh him into the holy city; and he set him on the pinnacle of the temple,6 and saith unto him, If thou art the Son of God, cast thyself down: for it is written, He shall give his angels charge concerning thee: and, On their hands they shall bear thee up, Lest haply thou dash thy foot against a stone.
7 Jesus said unto him, Again it is written, Thou shalt not make trial of the Lord thy God.8 Again, the devil taketh him unto an exceeding high mountain, and showeth him all the kingdoms of the world, and the glory of them;9 and he said unto him, All these things will I give thee, if thou wilt fall down and worship me.10 Then saith Jesus unto him, Get thee hence, Satan: for it is written, Thou shalt worship the Lord thy God, and him only shalt thou serve.11 Then the devil leaveth him; and behold, angels came and ministered unto him.
12 Now when he heard that John was delivered up, he withdrew into Galilee;13 and leaving Nazareth, he came and dwelt in Capernaum, which is by the sea, in the borders of Zebulun and Naphtali:14 that it might be fulfilled which was spoken through Isaiah the prophet, saying,
15 The land of Zebulun and the land of Naphtali, Toward the sea, beyond the Jordan, Galilee of the Gentiles,
16 The people that sat in darkness Saw a great light, And to them that sat in the region and shadow of death, To them did light spring up.
17 From that time began Jesus to preach, and to say, Repent ye; for the kingdom of heaven is at hand.
18 And walking by the sea of Galilee, he saw two brethren, Simon who is called Peter, and Andrew his brother, casting a net into the sea; for they were fishers.19 And he saith unto them, Come ye after me, and I will make you fishers of men.20 And they straightway left the nets, and followed him.21 And going on from thence he saw two other brethren, James the son of Zebedee, and John his brother, in the boat with Zebedee their father, mending their nets; and he called them.22 And they straightway left the boat and their father, and followed him.
23 And Jesus went about in all Galilee, teaching in their synagogues, and preaching the gospel of the kingdom, and healing all manner of disease and all manner of sickness among the people.24 And the report of him went forth into all Syria: and they brought unto him all that were sick, holden with divers diseases and torments, possessed with demons, and epileptic, and palsied; and he healed them.25 And there followed him great multitudes from Galilee and Decapolis and Jerusalem and Judaea and from beyond the Jordan.