Matthew 5
Jesus Teach On Top Da Mountain Side
1 Jesus see choke peopo, an he go up da mountain litto bit. He sit down dea fo teach, an da guys he wen pick fo teach come by him fo listen.Da Peopo Dat Stay Good Inside
(Luke 6:20-23)
2 He wen start fo teach um. He tell um:
3 “Da peopo dat know dey need God inside dea heart,
Dey can stay good inside
Cuz God in da sky, he dea King.
4 “Da peopo dat cry inside dea heart,
Dey can stay good inside
Cuz God goin kokua dem.
5 “Da peopo dat no need put demself first everytime,
Dey can stay good inside
Cuz God goin give um da whole world.
6 “Da peopo dat everytime really like do da right ting,
Dey can stay good inside
Cuz God goin help um do um.
7 “Da peopo dat pity da odda peopo, an give um chance,
Dey can stay good inside
Cuz God goin pity dem an give um chance too.
8 “Da peopo dat hundred percent fo God inside,
Dey can stay good inside
Cuz dey goin see God.
9 “Da peopo dat help da odda peopo come friends again,
Dey can stay good inside
Cuz God goin say, ‘Dey my kids.’
10 “Da peopo dat do right, an suffa fo dat,
Dey can stay good inside
Cuz God in da sky, he dea King.
11 “You guys can stay good inside wen dey talk bad to you guys, an make you guys suffa, an dey talk any kine bout you guys, cuz you guys mines, but dey bulai.
12 Dance an sing, cuz bumbye God goin have plenny good kine stuff fo you guys wea he stay inside da sky. Eh, jalike befo time, da guys God wen send fo talk fo him long time ago, had peopo dat wen make dem suffa too.Salt An Light
(Mark 9:50; Luke 14:34-35)
13 “You guys know how da food need salt fo stay good. Same ting, da peopo all ova da world need you guys. But if da salt no mo taste, how you goin make um work like salt again? Dat kine salt no good. Ony ting can do, throw da salt outside wea da peopo walk.
14 “You guys jalike da light dat help da peopo all ova da world fo see. You no can hide one town on top one hill. 15 Same ting, you no light one lamp an den cover um up. You put um up on top one high place, yeah? Den everybody inside da house can see.
16 So, you guys jalike da light. Let everybody see da good kine stuff you guys doing. Den dey goin say dat yoa Fadda, God, dat stay in da sky, eh! he awesome!Jesus Teach Bout Godʼs Rules
17 “No tink I stay hea fo get rid a Godʼs Rules an da stuff da guys who talk fo God wen say. I neva come fo wipe out Godʼs Rules. I come fo make everyting dey wen talk bout come true. 18 Dass right! An I tell you guys dis too: Da sky an da world no goin pau befo everyting dat Godʼs Rules say come true. Nobody no can take notting from Godʼs Rules, not even one dot o one small line. 19 Whoeva no do jus one small kine Rule from God, cuz he tink, ‘Dat Rule notting,’ an he teach da odda guys fo say dat Rule notting too, da King from da sky goin make dat guy jalike he notting. But whoeva do wat all Godʼs Rules say, an teach da odda guys fo do um too, da King from da sky goin make him importan.
20 I telling you guys, if you no do da right tings, mo den da teacha guys dat teach Godʼs Rules an da Pharisee guys, God in da sky no goin come yoa King.Da Guy Dat Huhu Wit His Brudda
(Outa Egypt 20:13)
21 “You guys wen hear wat God wen tell da peopo from befo time. He say, ‘No go kill nobody. Whoeva go kill somebody gotta come in front da judge.’
22 But eh! I tell you guys dis: Whoeva stay huhu wit his brudda gotta come in front da judge. Whoeva tell his brudda, ‘You no good!’ gotta come in front da main leadas. But whoeva tell, ‘You stupid an good fo notting!’ gotta go to da Hell fire.
23 “So, if you bring one gif fo da Good Boss inside da temple, an you rememba yoa brudda huhu wit you cuz you wen do someting to him,
24 leave yoa gif ova dea, an go make good to yoa brudda. Den you can go back an give yoa gif to da Boss.
25 “If somebody like take you in front da judge, quick, try get everyting right wit dem wen you still get chance. If you no do dat, dey goin give you to da judge, an he goin give you to da police, an dey goin put you inside jail.
26 I telling you da trut, you gotta pay every penny you owe befo you can come out.Da Guy Dat Fool Aroun Wit Da Odda Guyʼs Wife
(Outa Egypt 10:14)
27 “You guys wen hear wat God wen say: ‘No go fool aroun behind yoa husban o yoa wifeʼs back.’ 28 But eh! I telling you guys dis: Whoeva look at one wahine an like fool aroun her, he wen do um awready inside his heart. 29 If da right eye make you do bad kine stuff lidat, dig um out, an throw um away! No matta you ony get one eye -- mo worse da whole body go Hell!
30 If da right hand make you do bad kine stuff, cut um off an throw um away! No matta you ony get one hand -- mo worse da whole body go Hell!Da Guy Dat Dump His Wife
(Matthew 19:9; Mark 10:11-12; Luke 16:18; Da Rules Second Time 24:1)
31 “God wen say: ‘Whoeva goin dump his wife, gotta write um down on one divorce paper an give um to her.’
32 But eh! I telling you guys dis: Whoeva dump his wife, an she neva even fool aroun, he make her jalike she wen fool aroun. An if one nodda guy marry her afta her husban wen dump her, dat guy jalike one guy dat go fool aroun da first guyʼs wife.Do Wat You Promise
(Prieses 19:12; Numbas 30:2; Da Rules Second Time 23:21; Isaiah 66:1; Soong fo God 48:2)
33 “An you guys wen hear wat God wen tell da peopo from befo time. He say, ‘No promise someting an den no do um. Cuz you wen promise um in front da Good Boss Up Dea. So, you betta do um!’ 34 But eh! I tell you guys dis: No go say, ‘I swear to God.’ No make promise an say ‘I swear by da sky up dea, dat I goin do um!’ cuz dass Godʼs throne, wea he stay sitting cuz he in charge. 35 No make promise an say ‘by da earth,’ cuz dass Godʼs stool fo his feets. No make promise an say ‘by Jerusalem,’ cuz dass da spesho town fo da big King. 36 No make promise an say ‘by my head,’ cuz you no can make one hair come white o black.
37 Ony say, ‘Yeah’ o ‘No.’ Wateva you say mo den dis come from da Bad Guy, da Devil.No Fight Back
(Luke 6:29-30; Outa Egypt 21:24; Da Prieses 24:20; Da Rules Second Time 19:21)
38 “You guys wen hear wat God wen say: ‘If anybody pull out yoa eye, pull out his eye. If anybody broke yoa teet, broke his teet.’ 39 But eh! I telling you guys dis: No fight back da bad guys. If anybody slap yoa head one side, mo betta let um slap da odda side too. 40 If anybody take you in front da judge so dey can get yoa shirt, let um take yoa coat too. 41 If one army guy make you carry his stuffs one mile, eh! carry um two miles.
42 Wen somebody aks you fo someting you get, give um. Da guy who like borrow someting from you, no tell um, ‘No!’Love Da Guys Dat Hate You
(Luke 6:27-28,32-36; Da Prieses 19:18)
43 “You guys wen hear wat God wen say: ‘Show love an aloha fo da peopo dat all aroun you.’ An da peopo say: ‘Hate da guys dat hate you.’ 44 But eh! I telling you guys dis: Show love an aloha fo da guys dat hate you! An aks God fo help da guys dat make you suffa! 45 Wen you do dat, you goin show fo real dat you da kine kids dat come from yoa Fadda dat stay in da sky. He make da sun come up fo da bad guys an da good guys. An he send rain fo da guys dat do da right tings, an fo da guys dat no do da right tings. 46 So, if you guys ony get love an aloha fo da guys dat get love an aloha fo you, you tink God owe you guys money fo dat? Nah! Even da tax peopo dat collect money fo tax fo da govermen, dey get love an aloha fo da guys dat get love an aloha fo dem. 47 If you guys say ‘Howzit’ ony to yoa bruddas, you tink you spesho, o wat? Even all da diffren peopos all ova da world dat donno God, dey say ‘Howzit’ to dea bruddas too. 48 All da time you gotta be good hundred percent, jalike yoa Fadda in da sky, he everytime stay good hundred percent.
Matthew 5
1 And seeing the multitudes, he went up into the mountain: and when he had sat down, his disciples came unto him:2 and he opened his mouth and taught them, saying,
3 Blessed are the poor in spirit: for theirs is the kingdom of heaven.
4 Blessed are they that mourn: for they shall be comforted.
5 Blessed are the meek: for they shall inherit the earth.
6 Blessed are they that hunger and thirst after righteousness: for they shall be filled.
7 Blessed are the merciful: for they shall obtain mercy.
8 Blessed are the pure in heart: for they shall see God.
9 Blessed are the peacemakers: for they shall be called sons of God.
10 Blessed are they that have been persecuted for righteousness’ sake: for theirs is the kingdom of heaven.11 Blessed are ye when men shall reproach you, and persecute you, and say all manner of evil against you falsely, for my sake.12 Rejoice, and be exceeding glad: for great is your reward in heaven: for so persecuted they the prophets that were before you.
13 Ye are the salt of the earth: but if the salt have lost its savor, wherewith shall it be salted? it is thenceforth good for nothing, but to be cast out and trodden under foot of men.14 Ye are the light of the world. A city set on a hill cannot be hid.15 Neither do men light a lamp, and put it under the bushel, but on the stand; and it shineth unto all that are in the house.16 Even so let your light shine before men; that they may see your good works, and glorify your Father who is in heaven.
17 Think not that I came to destroy the law or the prophets: I came not to destroy, but to fulfil.18 For verily I say unto you, Till heaven and earth pass away, one jot or one tittle shall in no wise pass away from the law, till all things be accomplished.19 Whosoever therefore shall break one of these least commandments, and shall teach men so, shall be called least in the kingdom of heaven: but whosoever shall do and teach them, he shall be called great in the kingdom of heaven.20 For I say unto you, that except your righteousness shall exceed the righteousness of the scribes and Pharisees, ye shall in no wise enter into the kingdom of heaven.
21 Ye have heard that it was said to them of old time, Thou shalt not kill; and whosoever shall kill shall be in danger of the judgment:22 but I say unto you, that every one who is angry with his brother shall be in danger of the judgment; and whosoever shall say to his brother, Raca, shall be in danger of the council; and whosoever shall say, Thou fool, shall be in danger of the hell of fire.23 If therefore thou art offering thy gift at the altar, and there rememberest that thy brother hath aught against thee,24 leave there thy gift before the altar, and go thy way, first be reconciled to thy brother, and then come and offer thy gift.25 Agree with thine adversary quickly, while thou art with him in the way; lest haply the adversary deliver thee to the judge, and the judge deliver thee to the officer, and thou be cast into prison.26 Verily I say unto thee, thou shalt by no means come out thence, till thou have paid the last farthing.
27 Ye have heard that it was said, Thou shalt not commit adultery:28 but I say unto you, that every one that looketh on a woman to lust after her hath committed adultery with her already in his heart.29 And if thy right eye causeth thee to stumble, pluck it out, and cast it from thee: for it is profitable for thee that one of thy members should perish, and not thy whole body be cast into hell.30 And if thy right hand causeth thee to stumble, cut it off, and cast it from thee: for it is profitable for thee that one of thy members should perish, and not thy whole body go into hell.31 It was said also, Whosoever shall put away his wife, let him give her a writing of divorcement:32 but I say unto you, that every one that putteth away his wife, saving for the cause of fornication, maketh her an adulteress: and whosoever shall marry her when she is put away committeth adultery.
33 Again, ye have heard that it was said to them of old time, Thou shalt not forswear thyself, but shalt perform unto the Lord thine oaths:34 but I say unto you, swear not at all; neither by the heaven, for it is the throne of God;35 nor by the earth, for it is the footstool of his feet; nor by Jerusalem, for it is the city of the great King.36 Neither shalt thou swear by thy head, for thou canst not make one hair white or black.37 But let your speech be, Yea, yea; Nay, nay: and whatsoever is more than these is of the evil one.
38 Ye have heard that it was said, An eye for an eye, and a tooth for a tooth:39 but I say unto you, resist not him that is evil: but whosoever smiteth thee on thy right cheek, turn to him the other also.40 And if any man would go to law with thee, and take away thy coat, let him have thy cloak also.41 And whosoever shall compel thee to go one mile, go with him two.42 Give to him that asketh thee, and from him that would borrow of thee turn not thou away.
43 Ye have heard that it was said, Thou shalt love thy neighbor, and hate thine enemy:44 but I say unto you, love your enemies, and pray for them that persecute you;45 that ye may be sons of your Father who is in heaven: for he maketh his sun to rise on the evil and the good, and sendeth rain on the just and the unjust.46 For if ye love them that love you, what reward have ye? do not even the publicans the same?47 And if ye salute your brethren only, what do ye more than others? do not even the Gentiles the same?48 Ye therefore shall be perfect, as your heavenly Father is perfect.