Wat Jesus Show John 12

Da Wahine An Da Dragon

1 Den, jalike one dream, I see one big, awesome ting inside da sky. Was one wahine wit da sun fo her clotheses, an da moon unda her feet, an one crown wit twelve stars on top her head.

2 She hapai, an she stay crying, cuz real sore fo born her baby!
3 Den I wen see one nodda awesome kine ting inside da sky. Had one big, red dragon, an he had seven head an ten horn, wit seven small crown on top da seven head. 4 Da Dragon tail wen sweep some a da stars outa da sky, an throw um down to da groun: one star from every three stars. Da Dragon wen stand in front da wahine dat goin born one baby, so he can eat her baby as soon as he born. 5 She wen born one boy. He goin be da King fo lead all da diffren peopos on top da earth. He goin carry one king kine stick dat get iron on top fo show he in charge. But God wen grab up da boy to him an to his throne.

6 Den da wahine wen run to da boonies, to one place dat God wen make ready fo her, an somebody wen take care her three an a half year.
7 Den had war inside da sky. Michael an his angel messenja guys wen fight da Dragon, an da Dragon an his bad angel messenja guys wen fight back wit dem. 8 But da Dragon guys no was strong, so dey no can stay inside da sky wit God no moa.

9 Da big Dragon, God wen throw um outa da sky. Dass da old snake. Dey call um da Devil, an Satan. He bulai all da peopo inside da world. God wen throw him an his angel messenja guys down on top da earth.

10 Den I wen hear one loud voice inside da sky dat say,
“Now da time!
God goin take us outa da bad kine stuff we stay in!
An show us dat he da King,
An he get all da power!
His Spesho Guy Christ get da right fo lead everybody!
Cuz da Bad Guy dat wen poin finga
At our bruddas an sistas all day an all nite,
God wen throw him down hea on top da earth.

11 Our bruddas an sistas wen win ova da bad kine stuff,
Cuz dey wen trus Godʼs Baby Sheep Guy.
He wen bleed an mahke fo dem.
An dey wen tell dat dey trus him.
Dey not even scared fo give dea life fo mahke!

12 So, everybody dat stay wit God inside da sky, dance an sing!
But auwe to you guys on top da earth an da sea!
Cuz da Devil wen go down by you guys!
He stay real huhu,
Cuz he know he ony get litto bit mo time left!”
13 Wen da Dragon wen see dat God wen throw um down to da earth, he wen chase da wahine dat wen born da baby boy.

14 God wen give her two wings jalike one big eagle, so she can fly to da place wea he wen make ready fo her inside da boonies. Ova dea he goin take care her fo three an a half years, an da Dragon no can touch her.
15 Den da Dragon wen blow out plenny water outa his mout, jalike one river, so dat he can grab da wahine an take her away. 16 But da groun wen help her. Da groun wen open up one crack, an swallow up da water dat da Dragon wen blow outa his mout.

17-18 So da Dragon wen come real huhu at da wahine, an wen go way fo fight agains her odda kids. Dass everybody dat listen to wat God tell um fo do, an do all da true stuff dat Jesus wen show us.
Den da Dragon wen go stand on top da beach by da sea.

Revelation 12

1 And a great sign was seen in heaven: a woman arrayed with the sun, and the moon under her feet, and upon her head a crown of twelve stars;2 and she was the child; and she crieth out, travailing in birth, and in pain to be delivered.3 And there was seen another sign in heaven: and behold, a great red dragon, having seven heads and ten horns, and upon his heads seven diadems.4 And his tail draweth the third part of the stars of heaven, and did cast them to the earth: and the dragon standeth before the woman that is about to be delivered, that when she is delivered he may devour her child.5 And she was delivered of a son, a man child, who is to rule all the nations with a rod of iron: and her child was caught up unto God, and unto his throne.6 And the woman fled into the wilderness, where she hath a place prepared of God, that there they may nourish her a thousand two hundred and threescore days.7 And there was war in heaven: Michael and his angels going forth to war with the dragon; and the dragon warred and his angels;8 And they prevailed not, neither was their place found any more in heaven.9 And the great dragon was cast down, the old serpent, he that is called the Devil and Satan, the deceiver of the whole world; he was cast down to the earth, and his angels were cast down with him.10 And I heard a great voice in heaven, saying, Now is come the salvation, and the power, and the kingdom of our God, and the authority of his Christ: for the accuser of our brethren is cast down, who accuseth them before our God day and night.11 And they overcame him because of the blood of the Lamb, and because of the word of their testimony; and they loved not their life even unto death.12 Therefore rejoice, O heavens, and ye that dwell in them. Woe for the earth and for the sea: because the devil is gone down unto you, having great wrath, knowing that he hath but a short time.

13 And when the dragon saw that he was cast down to the earth, he persecuted the woman that brought forth the man child.14 And there were given to the woman the two wings of the great eagle, that she might fly into the wilderness unto her place, where she is nourished for a time, and times, and half a time, from the face of the serpent.15 And the serpent cast out of his mouth after the woman water as a river, that he might cause her to be carried away by the stream.16 And the earth helped the woman, and the earth opened her mouth and swallowed up the river which the dragon cast out of his mouth.17 And the dragon waxed wroth with the woman, and went away to make war with the rest of her seed, that keep the commandments of God, and hold the testimony of Jesus: