Wat Jesus Show John 2

Fo Da Church Peopo Efesus Side

1 Den da One I wen see tell me, “Da angel messenja guy I wen send fo help da peopo dat come togedda fo church Efesus side, write one letta to him, an say dis:
‘Da One dat hold da seven stars inside his right hand, an walk aroun wea get da seven gold stands fo put lamps on top, dis wat he tell:
2 “I know wat you guys stay doing, dat you guys work hard an stay hanging in dea. I know dat you guys no take odda guys dat doing da bad kine stuff. You guys wen check out da odda guys dat say I wen send um, but I neva. An you guys wen find out dat dey bulai.

3 You guys wen hang in dea, an no matta you guys suffa plenny cuz you my guys, still yet, you guys no give up.
4 “But I get dis agains you guys, dat you guys no mo love an aloha like wen you guys wen trus me first time. 5 So, wat? Tink bout how you guys was befo, an now how plenny you guys wen mess up. You guys gotta come sorry an pau make lidat, but make like befo, first time. If you guys no like come sorry an pau make lidat, I no goin let you guys talk fo me no moa. Dass jalike I goin come an take away yoa lamp an da stand from da place wea dey stay.

6 But you guys stay doing one ting right: You guys hate da bad kine stuff da Nicolaitan guys stay doing, an me, I hate dat kine stuff too.

7 “If you guys can hear dis, you guys betta listen, an go do wat Godʼs Spirit stay telling da church peopo!”
Everybody dat fight an win ova da bad kine stuff, I goin give um da right fo eat from da tree dat make peopo come alive fo real, dat stay inside Godʼs Beautiful Place.’ ”

Fo Da Church Peopo Smyrna Side

8 Den da One I wen see tell me, “Da angel messenja guy I wen send fo help da peopo dat come togedda fo church Smyrna side, write one letta to him, an say dis:
‘Da One dass first an last, da One dat wen mahke an den come back alive, dis wat he say:
9 “I know you guys suffa plenny, an you guys stay poor, but still yet you guys stay rich! I know dat get guys dat say dey Godʼs peopo, but dey not. Dey talk stink bout you guys. Dey say dey come togedda fo pray to God, but dey work fo da Devil.

10 No scared da stuff you guys goin suffa. You know, da Devil goin set up some a you guys fo go jail, fo try make you guys give up, an you guys goin suffa dea ten days. Hang in dea an trus God, even if dey kill you guys. Cuz I goin give you guys da winnaʼs prize -- da kine life dass fo real!

11 “If you guys can hear dis, you guys betta listen, an go do wat Godʼs Spirit stay telling da church peopo!
Everybody dat fight an win ova da bad kine stuff, no way dey goin get hurt wen da odda peopo mahke da second time an get cut off from God foeva.” ’ ”

Fo Da Church Peopo Pergamum Side

12 Den da One I wen see tell me, “Da angel messenja guy I wen send fo help da peopo who come togedda fo church Pergamum side, write one letta to him, an say dis:
‘Da guy dat get da sword dat get two side sharp -- dis wat he tell:

13 “I know da place wea you guys live, cuz jalike da Devil stay king ova dea. But still yet you guys stay tight wit me, an neva pau trus me. Even da time wen da guys inside yoa town, wea da Devil stay, dey wen kill Antipas cuz he everytime tell da trut bout me, still yet you guys wen trus me.
14 “But eh! I get dis agains you guys: You guys get peopo ova dea dat make jalike da guy Balaam wen do long time ago. Dat guy wen teach King Balak how fo make da Israel peopo do bad kine stuff. He wen make um eat food da odda peopo awready wen give fo sacrifice to da idol kine gods, an go fool aroun wit peopo dey not married to. 15 Same ting wit you guys, yeah? You guys get peopo ova dea dat still yet do da bad kine stuff da Nicolaitan guys teach.

16 So den, you guys gotta come sorry, an no do all da bad kine tings you doing no moa. Cuz if you guys do dat, den I goin come by you guys pretty soon, an wat I say goin show dat dey stay wrong. Dass jalike I use one sword fo fight an win ova da guys dat stay agains me!

17 “If you guys can hear dis, you betta listen, an go do wat Godʼs Spirit stay telling da church peopo!”
Everybody dat fight an win ova da bad kine stuff, I goin give um some a da manna kine bread fo eat dat God wen hide fo dem befo time. An I goin give um one white stone wit one new name dat God wen write on top um. Da guy dat get dat name, he da ony one goin know um.’ ”

Fo Da Church Peopo Tyatira Side

(Songs fo God 2:8-9)

18 Den da One I wen see tell me, “Da angel messenja guy I wen send fo help da peopo who come togedda fo church Tyatira side, write one letta to him, an say dis:
‘Dis wat Godʼs Boy say, da One dat get eyes dat shine jalike one big hot fire, an feets dat look jalike brass metal dat shine:

19 “Eh, I know everyting wat you guys stay doing, dat you guys get love an aloha fo each odda an fo me. I know you guys trus me, work fo me, an stay by me. You guys stay doing mo fo help me den da first time wen you guys wen start fo trus.
20 “But eh! I get dis agains you guys. You guys take da Jezebel kine wahine. She say she talk fo God, but she bulai da peopo dat work fo me wit wat she teach. So dey go fool aroun da peopo dey not married to, an eat da food from da sacrifices dat odda guys wen give to da idol kine gods. 21 I wen give her plenny chance awready fo come sorry an no do da bad kine stuff she doing, but she no like. 22 So, I goin make her come real sick, an her an da guys dat wen fool aroun behind Godʼs back wit her goin suffa plenny, if dey no come sorry an pau do da bad kine stuff dey doing.

23 Fo shua, I goin kill everybody dat make like her. Den all da church peopo goin know dat I da One dat look inside da heart an head an know wat everybody stay like, an wat dey tink, an I goin pay everybody fo wat dey wen do, good o bad.
24 “Now, I like tell dis to all you odda peopo inside Tyatira, you guys dat no listen to da Jezebel wahine an no like learn wat dey call ‘da deep secrets from da Devil’: I no goin make tings mo hard fo you guys.

25 Jus hang in dea an trus God real good, till I come back.

26 “Everybody dat fight an win ova da bad kine stuff, an do wat I like um fo do till da end, I goin give um da right fo be in charge a da diffren peopos all ova da world.

27 “Da Bible say dis bout me, Jesus:
“He goin be dea leada.
He goin carry one stick wit iron on top
Fo show he stay in charge.
He goin broke dem guys in pieces, jalike one clay pot.” ’
An dass da kine power my Fadda wen give me.

28 “Everybody dat fight an win ova da bad kine stuff, dey goin be awesome, jalike da early morning star.
29 You can hear dis, you betta listen an go do wat Godʼs Spirit stay telling da church peopo!”

Revelation 2

1 To the angel of the church in Ephesus write: These things saith he that holdeth the seven stars in his right hand, he that walketh in the midst of the seven golden candlesticks:2 I know thy works, and thy toil and patience, and that thou canst not bear evil men, and didst try them that call themselves apostles, and they are not, and didst find them false;3 and thou hast patience and didst bear for my name’s sake, and hast not grown weary.4 But I have this against thee, that thou didst leave thy first love.5 Remember therefore whence thou art fallen, and repent and do the first works; or else I come to thee, and will move thy candlestick out of its place, except thou repent.6 But this thou hast, that thou hatest the works of the Nicolaitans, which I also hate.7 He that hath an ear, let him hear what the Spirit saith to the churches. To him that overcometh, to him will I give to eat of the tree of life, which is in the Paradise of God.8 And to the angel of the church in Smyrna write: These things saith the first and the last, who was dead, and lived again:9 I know thy tribulation, and thy poverty (but thou art rich), and the blasphemy of them that say they are Jews, and they art not, but are a synagogue of Satan.10 Fear not the things which thou art about to suffer: behold, the devil is about to cast some of you into prison, that ye may be tried; and ye shall have tribulation ten days. Be thou faithful unto death, and I will give thee the crown of life.11 He that hath an ear, let him hear what the Spirit saith to the churches. He that overcometh shall not be hurt of the second death.12 and to the angel of the church in Pergamum write: These things saith he that hath the sharp two-edged sword:13 I know where thou dwellest, even where Satan’s throne is; and thou holdest fast my name, and didst not deny my faith, even in the days of Antipas my witness, my faithful one, who was killed among you, where Satan dwelleth.14 But I have a few things against thee, because thou hast there some that hold the teaching of Balaam, who taught Balak to cast a stumblingblock before the children of Israel, to eat things sacrificed to idols, and to commit fornication.15 So hast thou also some that hold the teaching of the Nicolaitans in like manner.16 Repent therefore; or else I come to thee quickly, and I will make war against them with the sword of my mouth.17 He that hath an ear, let him hear what the Spirit saith to the churches. To him that overcometh, to him will I give of the hidden manna, and I will give him a white stone, and upon the stone a new name written, which no one knoweth but he that receiveth it.18 And to the angel of the church in Thyatira write: These things saith the Son of God, who hath his eyes like a flame of fire, and his feet are like unto burnished brass:19 I know thy works, and thy love and faith and ministry and patience, and that thy last works are more than the first.20 But I have this against thee, that thou sufferest the woman Jezebel, who calleth herself a prophetess; and she teacheth and seduceth my servants to commit fornication, and to eat things sacrificed to idols.21 And I gave her time that she should repent; and she willeth not to repent of her fornication.22 Behold, I cast her into a bed, and them that commit adultery with her into great tribulation, except they repent of her works.23 And I will kill her children with death; and all the churches shall know that I am he that searcheth the reins and hearts: and I will give unto each one of you according to your works.24 But to you I say, to the rest that are in Thyatira, as many as have not this teaching, who know not the deep things of Satan, as they are wont to say; I cast upon you none other burden.25 Nevertheless that which ye have, hold fast till I come.26 And he that overcometh, and he that keepeth my works unto the end, to him will I give authority over the nations:27 and he shall rule them with a rod of iron, as the vessels of the potter are broken to shivers; as I also have received of my Father:28 and I will give him the morning star.29 He that hath an ear, let him hear what the Spirit saith to the churches.