Wat Jesus Show John 20

Da Tousand Year Time

1 Den, jalike one dream, I wen spock one angel messenja guy coming down outa da sky. He get da key fo da Deep Dark Hole, an one big heavy chain in his hand. 2 He wen grab da Dragon, da one dat wen stay from befo time. Dass da Devil, an dey call him Satan too. An da angel wen lock up da Devil wit da chain, an he stay dea fo one tousand years.

3 Da angel wen throw da Dragon inside da Deep Dark Hole an lock um, an seal um fo make um stay inside. Den da Dragon no can bulai da diffren peopos all ova da world fo da tousand years. Afta dat, dey gotta let um go fo litto wile.

4 Den I spock plenny throne. On top get da peopo dat God wen give da power fo come judges. Dey da one dat wen tell bout Jesus, an tell wat God wen say, an odda peopo wen cut off dea heads cuz a dat. An I see how dey stay inside. Dey neva show love an respeck fo da Wild Animal o his statue, an dey neva get his mark on top dea forehead o dea hand. Dey wen come back alive again, an dey stay in charge wit Godʼs Spesho Guy, da King, fo da tousand years.
5 Dass da first time God bring back da mahke guys alive. Da odda mahke guys, dey neva come back alive again till afta da tousand years.

6 Da peopo dat God wen bring back alive again da first time, dey all out fo God, an dey stay good inside. Dey no goin mahke da second time. Dey goin work fo God an Godʼs Spesho Guy Christ. Dey goin be jalike priest guys, an dey goin be kings an queens wit him one tousand years.

Da Devil Get Wipe Out

(Ezekiel 38,39)

10 Den God wen throw da Devil dat wen bulai dem, inside da lake dat burn wit sulfur. Dass wea befo time God wen throw da Wild Animal an da guy dat say he one talka fo God, but he not. Dey goin suffa day time an nite time foeva an eva.

Da Judge Sit Down On Top Da White Throne

11 Den, jalike one dream, I spock one big white throne, an da One dat sit on top um was Christ. Da earth an da sky wen go way from him, an nobody eva see dem no moa.
12 An I see all da big an litto mahke guys, standing in front da throne. An da angel guys wen open da books. Den dey open anodda book, da one dat tell everybody dat get Godʼs kine life. Den da Judge wen check out wat everybody wen do, jalike da book say.

13 Den da peopo dat wen mahke inside da ocean wen come up an go in front da Judge. An da mahke guys dat stay inside da Mahke Peopoʼs Place, dey wen come up too. Den God wen check um all out an judge um, fo all da stuff dey wen do.
14 Den God wen throw guy dat stay in charge a da Mahke Peopoʼs Place, inside da lake dat stay burning. An he wen throw da guy dat make um mahke inside dea too. Dat lake, dass wea da peopo goin mahke da second time. 15 Everybody dat no mo dea name inside Da Book Dat Tell Who Get Godʼs Kine Life, God wen throw um inside da lake dat stay burning.

Revelation 20

1 And I saw an angel coming down out of heaven, having the key of the abyss and a great chain in his hand.2 And he laid hold on the dragon, the old serpent, which is the Devil and Satan, and bound him for a thousand years,3 and cast him into the abyss, and shut it, and sealed it over him, that he should deceive the nations no more, until the thousand years should be finished: after this he must be loosed for a little time.4 And I saw thrones, and they sat upon them, and judgment was given unto them: and I saw the souls of them that had been beheaded for the testimony of Jesus, and for the word of God, and such as worshipped not the beast, neither his image, and received not the mark upon their forehead and upon their hand; and they lived, and reigned with Christ a thousand years.5 The rest of the dead lived not until the thousand years should be finished. This is the first resurrection.6 Blessed and holy is he that hath part in the first resurrection: over these the second death hath no power; but they shall be priests of God and of Christ, and shall reign with him a thousand years.7 And when the thousand years are finished, Satan shall be loosed out of his prison,8 and shall come forth to deceive the nations which are in the four corners of the earth, Gog and Magog, to gather them together to the war: the number of whom is as the sand of the sea.9 And they went up over the breadth of the earth, and compassed the camp of the saints about, and the beloved city: and fire came down out of heaven, and devoured them.10 And the devil that deceived them was cast into the lake of fire and brimstone, where are also the beast and the false prophet; and they shall be tormented day and night for ever and ever.11 And I saw a great white throne, and him that sat upon it, from whose face the earth and the heaven fled away; and there was found no place for them.12 And I saw the dead, the great and the small, standing before the throne; and books were opened: and another book was opened, which is the book of life: and the dead were judged out of the things which were written in the books, according to their works.13 And the sea gave up the dead that were in it; and death and Hades gave up the dead that were in them: and they were judged every man according to their works.14 And death and Hades were cast into the lake of fire. This is the second death, even the lake of fire.15 And if any was not found written in the book of life, he was cast into the lake of fire.