Wat Jesus Show John 22

Da River Dat Make Us Come Alive Fo Real Kine

1 Den da angel guy show me da river wit da water dat make peopo come alive fo real kine. You can see thru da river, jalike da crystal. Da river go from da throne wea God an Godʼs Baby Sheep Guy stay,

2 down da middle a da main street inside Godʼs big town. On two side a da river da tree stand dat make peopo come alive fo real kine. Da tree give fruit every month, twelve time all togedda every year. Da leaf from da tree make all da diffren peopos all ova da world come good.
3 No mo nobody goin make kahuna no moa. Da throne wea God an Godʼs Baby Sheep Guy sit goin stay inside da town, an all Godʼs worka guys goin work fo him. 4 Godʼs worka guys goin see his face, an dey goin get Godʼs name on top dea forehead.

5 No goin get no nite time no moa. Dey no goin need da light from da lamp o da light from da sun, cuz God, da Boss, he goin give dem light. An dey goin be in charge a da world wit God da King foeva.

Godʼs Spesho Guy Goin Come Back

6 Da angel tell me, “Dis I telling you stay true, an you can trus um fo shua. God, da Boss, send his Spirit fo tell da guys dat talk fo him wat fo say. An he wen send his angel messenja guy fo show his worka guys da stuff dat gotta happen pretty soon.”

7 Jesus say, “Eh, listen! I coming back real soon! Everybody dat stick wit wat God say inside dis book goin stay good inside.”
8 Me, John, I da guy wen hear an see all dis stuff. Afta I wen hear an see dat, I wen go down in front da angel guy dat wen show um to me, fo show love an respeck to him.

9 But he tell me, “Nah! No do dat! I ony one worka guy jalike you an yoa bruddas dat talk fo God, an everybody dat stick wit wat dis book say. Mo betta, ony give love an respeck to God!”
10 Den da angel tell me, “No close up dis book an put seal on top, cuz den nobody can read um. Almos time now.

11 So whoeva like do da wrong kine stuff, let um stay do da wrong kine stuff. Whoeva like do pilau kine stuff, let um stay do pilau kine stuff. Whoeva like do da right kine stuff, let um stay do da right kine stuff. An whoeva stay spesho fo God, let um stay spesho fo God.”
12 Jesus say, “Eh, listen! I coming back real soon! An I goin bring wit me da stuff fo give back to everybody fo everyting dey wen do.

13 I da first one from befo, an da last, da start an da end, A an Z.
14 “Everybody dat wash dea clotheses clean, dey can stay good inside, cuz dey get da right fo eat from da tree dat make peopo alive fo real kine. An dey can go inside Godʼs big town thru da gate.

15 Outside da town get da peopo dat dey jalike dogs, da peopo dat make kahuna, da peopo dat fool aroun, da peopo dat like kill oddas, da peopo dat go down an pray to da idol kine gods, an everybody dat love fo bulai.
16 “Me, I Jesus. I wen send my angel messenja guy fo tell you guys inside da churches dis stuff. I come from Davidʼs ohana. I jalike da plant dat come up from da root. I jalike da bright Morning Star.

17 Bumbye da peopo dat stay spesho fo God goin come togedda wit me, jalike wen one wahine marry one guy. So Godʼs Spesho Spirit an Godʼs peopo, dey tell, ‘Try come!’ Everybody dat hear dat, say ‘Try come!’ too. Whoeva stay thirsty let um come, an whoeva like, let um take da water dat make um come alive fo real kine, an no goin cost dem notting.”
18 I tell everybody dat hear wat God say inside dis book: You guys betta not add notting to dis book. If anybody add someting, God goin give him all da big troubles God wen tell bout inside dis book.

19 An if anybody take away stuff dat God tell from dis book, God goin take away from him his share a da real kine life dat da tree give, an his place in da town dat stay spesho fo God, dat God wen tell bout inside dis book.

20 Da One dat tell all dis stuff say, “Yeah, I coming back real soon!”
Yeah, Boss! Come back real soon, Jesus!
21 I like all you guys know da good way our Boss Jesus make to you! Dass it!

Revelation 22

1 And he showed me a river of water of life, bright as crystal, proceeding out of the throne of God and of the Lamb,2 in the midst of the street thereof. And on this side of the river and on that was the tree of life, bearing twelve manner of fruits, yielding its fruit every month: and the leaves of the tree were for the healing of the nations.3 And there shall be no curse any more: and the throne of God and of the Lamb shall be therein: and his servants shall serve him;4 and they shall see his face; and his name shall be on their foreheads.5 And there shall be night no more; and they need no light of lamp, neither light of sun; for the Lord God shall give them light: and they shall reign for ever and ever.6 And he said unto me, These words are faithful and true: and the Lord, the God of the spirits of the prophets, sent his angels to show unto his servants the things which must shortly come to pass.7 And behold, I come quickly. Blessed is he that keepeth the words of the prophecy of this book.8 And I John am he that heard and saw these things. And when I heard and saw, I fell down to worship before the feet of the angel that showed me these things.9 And he saith unto me, See thou do it not: I am a fellow-servant with thee and with thy brethren the prophets, and with them that keep the words of this book: worship God.10 And he saith unto me, Seal not up the words of the prophecy of this book; for the time is at hand.11 He that is unrighteous, let him do unrighteousness still: and he that is filthy, let him be made filthy still: and he that is righteous, let him do righteousness still: and he that is holy, let him be made holy still.12 Behold, I come quickly; and my reward is with me, to render to each man according as his work is.13 I am the Alpha and the Omega, the first and the last, the beginning and the end.14 Blessed are they that wash their robes, that they may have the right to come to the tree of life, and may enter in by the gates into the city.15 Without are the dogs, and the sorcerers, and the fornicators, and the murderers, and the idolaters, and every one that loveth and maketh a lie.16 I Jesus have sent mine angel to testify unto you these things for the churches. I am the root and the offspring of David, the bright, the morning star.17 And the Spirit and the bride say, Come. And he that heareth, let him say, Come. And he that is athirst, let him come: he that will, let him take the water of life freely.18 I testify unto every man that heareth the words of the prophecy of this book, if any man shall add unto them, God shall add unto him the plagues which are written in this book:19 and if any man shall take away from the words of the book of this prophecy, God shall take away his part from the tree of life, and out of the holy city, which are written in this book.20 He who testifieth these things saith, Yea: I come quickly. Amen: come, Lord Jesus.21 The grace of the Lord Jesus be with the saints. Amen.