Fo Da Rome Peopo 10

1 Bruddas an sistas, you know wat I like happen fo da Israel peopo? I aks God plenny fo dem, so dat da Israel peopo goin let God hemo dem from da bad kine stuff dey stay doing. Wen dat happen, dass wen I goin feel real good inside my heart!
2 You know, I can tell you dis bout dese peopo: Dey like go all out fo God, an dey try make lidat, but den, dey donno da main stuff dat dey suppose to know first.

3 Dey donno wat God wen do awready fo all us guys get um right wit him. So dey go try fo get um right wit God how dey like, an dass why dey no like listen to him.

4 Christ wen do everyting fo us get um right wit God. Wit ony da Rules, no can do dat. Now, whoeva go trus Christ, dey da ones dat goin get um right wit God.

God Like Take Everybody Outa Da Bad Kine Stuff Dey Stay Doing

Da Prieses 18:5; Da Rules Second Time 30:11-14; Isaiah 28:16

5 Now Moses, he wen go write inside da Bible how fo get um right wit God if da peopo do everyting wat da Rules say. Dis wat Moses wen say: “Whoeva go do everyting da Rules say, cuz dey do dat, dey goin get life fo real kine.”
6 Da Bible say someting diffren den dat too, bout how you get um right wit God cuz you trus him. Da Bible say: “No good you go tink inside yoa head, ‘Eh, who going up dea inside da sky?’ ” Eh, dass jalike da guy going up dea fo tell da Spesho Guy God Wen Send dat we like him come back down hea by us guys.

7 Same ting, da Bible say: “No good you tink inside yoa head, ‘Who goin go way down inside da groun by da Deep Dark Hole wea da mahke peopo stay?’ ” Eh dass jalike da guy going down dea fo bring Christ back from mahke.
8 But you know, da Bible say, “Da main ting God wen say, stay right dea. Awready stay inside yoa mout an inside yoa heart.” Dass da same ting us guys stay teaching: Eh, gotta trus Christ! 9 Dat mean, if you talk strait wit yoa own mout, “Jesus, he my Boss,” an you trus deep inside yoa heart dat God wen bring Christ back alive afta he wen mahke, den God goin hemo you from da bad kine stuff you stay doing. 10 Cuz az wit yoa heart dat you trus God, an den he make you get um right wit him. An az wit yoa mout dat you talk strait everybody dat Jesus stay yoa Boss, an den God goin hemo you from da bad kine stuff. 11 Jalike da Bible say, “Whoeva trus God, no way dey goin come shame, cuz God goin do everyting wat he say.” 12 Da Jewish peopo an all da odda peopos, dey all same same. No mo diffrence. Cuz get da one Boss, an he da Boss fo everybody. He goin do plenny fo everybody dat aks him fo kokua dem.

13 Cuz da Bible say, “Everybody dat aks da Boss fo help um, he goin take um outa da bad kine stuff dey doing.”
14 But eh! How dey goin aks him fo help um if dey no trus him? An how dey goin trus him if dey neva hear notting bout him? An how dey goin hear bout him if nobody eva go tell um notting bout him?

15 An how dey goin tell peopo if nobody send um fo go teach? Jalike da Bible say, “Wen peopo go fo tell da Good Stuff From God, eh! dass so awesome!”

16 But you know, wen get Israel peopo dat neva like listen to da Good Kine Stuff From God. Jalike Isaiah wen say inside da Bible:
“Eh Boss! No mo nobody dat like go trus
Da tings dat dey wen hear from us guys!”

17 So den: Fo trus God, gotta listen to da tings he say. An fo listen to wat God say, first gotta hear bout Christ.

18 Try let me aks dis: You guys tink da Israel peopo neva hear notting, o wat? Fo shua dey wen hear! Jalike da Bible wen say befo time:
“All ova da world, get peopo dat wen hear da Good Stuff.
Da tings dey say, wen go all ova da place wea get peopo.”

19 An I aks one nodda ting: “Da Israel peopo, you tink dey neva undastan notting?” Moses da first one dat wen go tell inside da Bible, dat God wen say dis:
“I goin do someting fo some odda peopos
Dat not jalike you guys,
An dat goin make you guys jealous.
An I goin do someting fo peopo dat you guys tink stupid,
An dat goin make you guys come huhu.”

20 Isaiah wen come strong fo tell um strait inside da Bible dat God wen say,
“Da peopo dat no look fo me,
Dey da ones dat wen find me.
I even wen show myself
To da peopo dat neva aks fo see me.”

21 But da Israel peopo, dis wat he wen say bout dem:
“All day I wen put out my hands,
Waiting fo da Israel peopo fo come by me,
But dey no like listen.
Dey ony like go do someting else.”

Romans 10

1 Brethren, my heart’s desire and my supplication to God is for them, that they may be saved.2 For I bear them witness that they have a zeal for God, but not according to knowledge.3 For being ignorant of God’s righteousness, and seeking to establish their own, they did not subject themselves to the righteousness of God.4 For Christ is the end of the law unto righteousness to every one that believeth.5 For Moses writeth that the man that doeth the righteousness which is of the law shall live thereby.6 But the righteousness which is of faith saith thus, Say not in thy heart, Who shall ascend into heaven? (that is, to bring Christ down:)7 or, Who shall descend into the abyss? (That is, to bring Christ up from the dead.)8 But what saith it? The word is nigh thee, in thy mouth, and in thy heart: that is, the word of faith, which we preach:9 because if thou shalt confess with thy mouth Jesus as Lord, and shalt believe in thy heart that God raised him from the dead, thou shalt be saved:10 for with the heart man believeth unto righteousness; and with the mouth confession is made unto salvation.11 For the scripture saith, Whosoever believeth on him shall not be put to shame.12 For there is no distinction between Jew and Greek: for the same Lord is Lord of all, and is rich unto all that call upon him:13 for, Whosoever shall call upon the name of the Lord shall be saved.14 How then shall they call on him in whom they have not believed? and how shall they believe in him whom they have not heard? and how shall they hear without a preacher?15 and how shall they preach, except they be sent? even as it is written, How beautiful are the feet of them that bring glad tidings of good things!16 But they did not all hearken to the glad tidings. For Isaiah saith, Lord, who hath believed our report?17 So belief cometh of hearing, and hearing by the word of Christ.18 But I say, Did they not hear? Yea, verily, Their sound went out into all the earth, And their words unto the ends of the world.

19 But I say, Did Israel not know? First Moses saith, I will provoke you to jealousy with that which is no nation, With a nation void of understanding will I anger you.

20 And Isaiah is very bold, and saith, I was found of them that sought me not; I became manifest unto them that asked not of me.

21 But as to Israel he saith, All the day long did I spread out my hands unto a disobedient and gainsaying people.