previous next

Fo Da Rome Peopo 13

Gotta Listen Da Guys In Charge A Da Law

1 Everybody gotta listen da guys dat stay in charge a da law. Dey get da power fo tell da odda peopo wat fo do, you know. But da power dey get, God wen give um dat. Da guys dat stay get power right now, dey da ones dat stay in charge cuz God wen make um lidat.

2 Dat mean, if get somebody dat go agains da kine peopo dat get dat kine power, az jalike dey going agains da way how God wen go make one govermen fo us. If get anybody dat make lidat, dey goin get it from God da Judge.
3 If you do da right tings how suppose to, no need be scared a da guys dat stay in charge a da law. But den, if you do da bad kine stuff dass no good, you bes be scared! So, if you no like stay scared a da peopo dat get power, make shua you go do ony da good kine stuff. Den wen you do da good kine stuff, az wen dey goin tell you dat you stay okay.

4 Cuz da guys dat stay in charge a da law, dey da ones dat God wen pick fo help you. But, if you stay doing da bad kine stuff, eh, you bes be scared! Dey da ones dat get da right fo make shua you get it, an dey going do dat fo real kine, you know. Dose guys, az jalike dey da helpa guys fo God, fo punish da peopo dat doing da bad kine stuff. Cuz da bad kine stuff dat peopo do, God no goin take um.

5 Dass why you guys gotta listen to da govermen guys. Not ony cuz you know inside yoa heart, az how suppose to be, but cuz you know awready, God no goin take notting from you if you no do da right ting.
6 Same ting, dass how come you guys gotta pay tax too. Cuz da govermen guys, wen dey stay working hard fo do good job, dey stay working fo God.

7 So pay everybody wat you suppose to. Pay da tax guys all da diffren kine taxes dat you suppose to. Make shua you get respeck fo all da peopo dat suppose to get respeck. All da peopo dat stay doing good tings, go tell odda peopo dat dey doing good tings.

Love An Aloha Fo Da Bruddas An Sistas


8 No good you owe money to odda peopo. Ony get one ting dass good fo owe peopo -- dass love an aloha. Wen you go show dem love an aloha, dat mean you listen to everyting da Rules say awready. 9 Da Rules say, “No go fool aroun, no go kill nobody, no go steal, no go do any kine fo ony get wat you like,” an plenny odda kine stuffs too. Fo do all da tings da Rules say, ony gotta listen dis Rule: “Get love an aloha fo da odda guy jalike you get love an aloha fo yoaself.”

10 Eh, you show love an aloha fo da odda guy, you no goin do notting fo make bad kine to him! So den, wen you show um love an aloha everytime, dass how you goin do everyting da Rules from God tell you fo do.

Pretty Soon, Christ Goin Come Back


11 God goin hemo us guys from da bad kine stuff, an da time dat goin happen, dat time mo close now den befo, wen we wen go trus Jesus Christ. Dass why you guys gotta get love an aloha, cuz you know how everyting stay nowdays. Jalike us guys was sleeping, but now, time fo us wake up awready! 12 Litto mo pau da nite time, almos day time awready! So, good we pau da bad kine stuff we was doing. Dass jalike how peopo do dark time, wen nobody no can see wat dey stay doing. Now, jalike we goin put on da kine stuff da army guys use fo fight fo wat stay good, an do da good tings peopo do wen get light! 13 All us guys gotta live da right way, so everybody goin see an know dat we doing good kine tings. No good we go party up all da time an get drunk all da time. No good we go sleep wit everybody. No good we like go beef everybody. An no good bodda us every time we tink get somebody mo betta den us guys. 14 But you know wat? Mo betta you go change yoa heart an come jalike our Boss Jesus Christ, da Spesho Guy God Wen Send! No go make um so stay easy fo you fo go do any kine, jus cuz you feel like you like do any kine.

Romans 13

1 Let every soul be in subjection to the higher powers: for there is no power but of God; and the powers that be are ordained of God.2 Therefore he that resisteth the power, withstandeth the ordinance of God: and they that withstand shall receive to themselves judgment.3 For rulers are not a terror to the good work, but to the evil. And wouldest thou have no fear of the power? do that which is good, and thou shalt have praise from the same:4 for he is a minister of God to thee for good. But if thou do that which is evil, be afraid; for he beareth not the sword in vain: for he is a minister of God, an avenger for wrath to him that doeth evil.5 Wherefore ye must needs be in subjection, not only because of the wrath, but also for conscience’ sake.6 For this cause ye pay tribute also; for they are ministers of God’s service, attending continually upon this very thing.7 Render to all their dues: tribute to whom tribute is due; custom to whom custom; fear to whom fear; honor to whom honor.8 Owe no man anything, save to love one another: for he that loveth his neighbor hath fulfilled the law.9 For this, Thou shalt not commit adultery, Thou shalt not kill, Thou shalt not steal, Thou shalt not covet, and if there be any other commandment, it is summed up in this word, namely, Thou shalt love thy neighbor as thyself.10 Love worketh no ill to his neighbor: love therefore is the fulfilment of the law.11 And this, knowing the season, that already it is time for you to awake out of sleep: for now is salvation nearer to us than when we first believed.12 The night is far spent, and the day is at hand: let us therefore cast off the works of darkness, and let us put on the armor of light.13 Let us walk becomingly, as in the day; not in revelling and drunkenness, not in chambering and wantonness, not in strife and jealousy.14 But put ye on the Lord Jesus Christ, and make not provision for the flesh, to fulfil the lusts thereof.