Fo Da Rome Peopo 3

Mo Stuff Bout Da Jewish Peopo An Godʼs Rules

1 So den, how come mo betta fo be one Jewish guy? You tink da Jewish guy who get da cut skin mark get mo spesho tings den da guy dat not Jew? 2 Az right! Help um plenny fo do everyting. First, cuz God wen give da Jewish peopo all da stuffs he wen tell um, an he wen tell um fo take care all dat. 3 So den, wat? You tink dat God no can do wat he wen say he goin do, jus cuz get some Jewish peopo dat neva like trus him?

4 Not! God everytime da real ting, no matta everybody dat stay all ova da world all bulaias! Jalike da Bible say bout God,
“Da peopo goin find out
Dat wat he say, az right.
No matta dey say dat he do wrong,
He goin win still yet,
Cuz he no do da bad kine stuff notting.”
5 But if we do da wrong tings, an dat goin show everybody even mo dat God stay doing da right tings, den wat we goin say bout dat? We goin say God do wrong wen he punish us, o wat? (Dass how some peopo stay talking, you know.)

6 No way! God no do da wrong kine stuff notting wen he punish us. Dass why he get da right fo punish da peopo inside da world wen dey do da wrong kine stuff.

7 If I go bulai, an dat show everybody even mo dat God tell da trut, an he stay awesome, den how come God say was bad, da ting I wen do?

8 Even get some peopo dat stay talking stink bout us an tell odda peopo dat we say, “Eh, we go do da bad kine stuff, so den everyting goin come good!” God goin do da right ting wen he punish da peopo dat tink lidat!

No Mo Nobody Dat Do Da Right Ting Everytime

(Songs fo God 5:9; 14:1-3; 36:1; 53:1-3; 140:3; 143:2; Proverbs 1:6; Ecclesiastes 7:20; Isaiah 59:7-8)

10 Jalike da Bible wen say,
“No mo nobody dat do da right ting everytime.
No mo even one guy!

11 No mo nobody dat undastan,
No mo nobody dat try fo know God!

12 Nobody eva do how dey suppose to.
All togedda dey wen come poho.
No mo nobody dat do good tings,
No mo even one guy!

13 Dea mout stay jalike one open grave.
Dey bulai wit dea mout.
Da poison come from inside dea mout,
Jalike one snake.

14 Wit dea mout
Dey everytime like say stink stuffs fo hurt somebody,
Cuz az how dey stay inside.

15 Dey move fast fo kill somebody.

16 Every place dey go,
Dey like bus up everyting,
An make big trouble fo peopo.

17 Dey neva know how fo make good wit odda peopo,
An make dea hearts rest inside.

18 Dey no mo respeck fo God notting.”
19 Now, we know dat everyting Godʼs Rules say, dass fo da peopo dat get da Rules ova dem. Dass why nobody can make argue wit God. Bumbye everybody all ova da world gotta go in front God da Judge, so he can say if dey wen do da bad kine stuff, o wat.

20 Dass why no mo nobody dat can say dat dey get um right wit God, jus cuz dey wen do everyting Godʼs Rules say. Not even! Godʼs Rules ony show dat us wen do da bad kine stuff.

God Make Us Get Um Right Wit Him Wen We Trus Um

22 God wen make us get um right wit him wen we trus Jesus Christ, da Spesho Guy God Wen Send. He do dat fo everybody dat trus him, no mo notting diffren.
23 Cuz everybody do bad kine stuff. Dass why nobody can come awesome by demself, da way God like make um come awesome.

24 But can get um right wit God, cuz God get good heart an like do plenny good stuff fo peopo. God cut um loose from da power da bad kine stuff get ova dem, cuz dey tight wit Jesus Christ.
25 God wen make Jesus da main guy, so he can be da sacrifice fo hemo da shame fo all da bad kine stuff everybody do, ony if dey go trus him an dey shua dat he wen go bleed an mahke fo dem. Dass how God show dat he make everyting come right: he let um go fo da bad kine stuff dey wen do befo time an hemo dea shame.

26 You know, befo time God neva push hard fo peopo fo pau do da bad kine stuff. Nowdays, fo show everybody dat he everytime do da right ting, he make everybody dat trus Jesus get um right wit him.

27 So, wat? How come you tink you can talk big now? No can! Wot?! You tell how you get one Rule dat say, you get um right wit God cuz you wen do good kine stuffs? Eh, not even! We can ony tell bout dat Rule dat say we get um right wit God cuz we trus um.

28 So dis wat we figga: Anybody can get um right wit God wen dey trus him, not wen dey ony do da stuff Godʼs Rules say.

29 Kay den. God, he ony fo da Jewish peopo? You tink he not God fo da peopo dat not Jews? Fo shua, he God fo dem too!

30 Cuz ony get one God. Da guys dat get da cut skin mark fo show dey Jewish kine, God make um so dey get um right wit him cuz dey trus him. An da peopo dat not Jews an no mo da mark on top dem, he make dem so dey get um right wit him cuz dey trus him too.
31 You tink dat wen we trus God, dat mean we make Godʼs Rules poho? No way! We make da Rules mo solid.

Romans 3

1 What advantage then hath the Jew? or what is the profit of circumcision?2 Much every way: first of all, that they were intrusted with the oracles of God.3 For what if some were without faith? shall their want of faith make of none effect the faithfulness of God?4 God forbid: yea, let God be found true, but every man a liar; as it is written, That thou mightest be justified in thy words, And mightest prevail when thou comest into judgment.

5 But if our righteousness commendeth the righteousness of God, what shall we say? Is God unrighteous who visiteth with wrath? (I speak after the manner of men.)6 God forbid: for then how shall God judge the world?7 But if the truth of God through my lie abounded unto his glory, why am I also still judged as a sinner?8 and why not (as we are slanderously reported, and as some affirm that we say), Let us do evil, that good may come? whose condemnation is just.9 What then? are we better than they? No, in no wise: for we before laid to the charge both of Jews and Greeks, that they are all under sin;10 as it is written, There is none righteous, no, not one;

11 There is none that understandeth, There is none that seeketh after God;

12 They have all turned aside, they are together become unprofitable; There is none that doeth good, no, not, so much as one:

13 Their throat is an open sepulchre; With their tongues they have used deceit: The poison of asps is under their lips:

14 Whose mouth is full of cursing and bitterness:

15 Their feet are swift to shed blood;

16 Destruction and misery are in their ways;

17 And the way of peace have they not known:

18 There is no fear of God before their eyes.

19 Now we know that what things soever the law saith, it speaketh to them that are under the law; that every mouth may be stopped, and all the world may be brought under the judgment of God:20 because by the works of the law shall no flesh be justified in his sight; for through the law cometh the knowledge of sin.21 But now apart from the law a righteousness of God hath been manifested, being witnessed by the law and the prophets;22 even the righteousness of God through faith in Jesus Christ unto all them that believe; for there is no distinction;23 for all have sinned, and fall short of the glory of God;24 being justified freely by his grace through the redemption that is in Christ Jesus:25 whom God set forth to be a propitiation, through faith, in his blood, to show his righteousness because of the passing over of the sins done aforetime, in the forbearance of God;26 for the showing, I say, of his righteousness at this present season: that he might himself be just, and the justifier of him that hath faith in Jesus.27 Where then is the glorying? It is excluded. By what manner of law? of works? Nay: but by a law of faith.28 We reckon therefore that a man is justified by faith apart from the works of the law.29 Or is God the God of Jews only? is he not the God of Gentiles also? Yea, of Gentiles also:30 if so be that God is one, and he shall justify the circumcision by faith, and the uncircumcision through faith.31 Do we then make the law of none effect through faith? God forbid: nay, we establish the law.