Fo Da Rome Peopo 5

We Get Um Right Wit God

1 So den, cuz we wen trus God, az why we get um right wit him. Dass why our heart stay clear inside wit God awready, cuz our Boss Jesus, da Spesho Guy God Wen Send, he wen make um good fo everybody.

2 Christ wen make um so we can come tight wit God an get all da good stuff he like do fo us, cuz we wen trus him first. An dass how we come solid inside. We feel good inside cuz we stay shua dat bumbye God goin make us come awesome jalike him.
3 No matta we get any kine hard time, we goin feel good inside, cuz we know, dat hard time goin make um so we can hang in dea mo betta. 4 Wen we hang in dea, dat make us mo solid. Wen we mo solid, den we stay shua dat bumbye God goin do plenny fo us.

5 Wen we stay shua dat God goin do um fo us, we no need worry notting. Cuz God give us his Good an Spesho Spirit, fo make us feel inside our heart how much plenny he get love an aloha fo us.
6 Wen we neva have power notting, Christ wen mahke fo all us guys dat wen ack jalike God no matta. Dass da time God wen pick. 7 Eh you know, nobody goin mahke fo one guy dat ony do right kine stuff! If get one guy dat everytime get good heart, maybe bumbye somebody go mahke fo help dat kine guy.

8 But den God wen show how plenny love an aloha he get fo us, cuz same time we was doing bad kine stuff, Christ still yet wen go mahke fo us.

9 God wen say we get um right wit him, cuz Christ wen bleed an mahke fo us. God no take da bad kine stuff peopo stay doing, but cuz a Christ, us guys no goin suffa.
10 Befo time, we wen stay agains God. But den Godʼs Own Boy wen mahke so we can go da same side wit God. So now we da same side wit God, even mo, Christ goin take us outa da bad kine stuff we doing, cuz he wen come back alive again.

11 An dass not all! We like tell dat God stay awesome, cuz we stay tight wit him. An we stay tight wit him, cuz our Boss Jesus Christ wen mahke fo us, so now we can go da same side wit God.

Adam an Christ, Dey Da Same But Dey Diffren

14 Everybody from Adam till Moses time gotta mahke fo shua, no matta dey neva do da same ting dat God wen tell Adam fo no do. Still yet, dey wen do odda kine bad stuff. Az why dey gotta mahke jalike Adam.
You know, Adam an Jesus, dem two da same, but den dey diffren. Az Adam da one, he jalike one picha fo show Jesus, da One dat goin show up bumbye. 15 Da bad kine stuff dat Adam wen do, dass notting like da good kine stuff Jesus wen do fo us. Had da one guy Adam, dat wen go do wat God tell um not fo do, an cuz a dat, everybody wen mahke. But den da odda guy, Jesus Christ, eh, he do plenny good kine stuffs fo us, an he neva expeck notting back from nobody. Dass nuff fo everybody, cuz God everytime like do plenny fo us. 16 Eh, da ting dat God wen give us guys, dass mo betta fo everybody den da bad ting dat da one guy Adam wen do. Afta he wen do dat, God da Judge say, “Gotta punish um!” But even afta da peopo wen go blow it choken times, jalike God da Judge give um one spesho present -- he tell, “Now, can get um right wit me!”

17 So den, da one guy Adam, wen go do one ting dat he not suppose to do. Cuz a dat, now everybody gotta mahke. An now, da one guy Jesus Christ wen do one real good ting, an dass mo betta fo us guys. Now, us guys get um right wit God. Dass jalike one present he give us. An he goin make us come alive fo real kine, an be da Kingʼs helpas.
18 So, had dat one guy dat wen do wat he not suppose to do, an cuz a dat now everybody gotta get punish. But den same ting, had one nodda guy dat wen do da right ting, an cuz a dat, everybody can get um right wit God an come alive fo real kine.

19 Dis wat I mean: Adam, he one guy dat neva listen to God. Dat make plenny guys be peopo dat do da bad kine stuff dat God no like. An da odda guy Jesus, he wen listen to wat God wen tell him fo do. Dat goin make plenny guys be peopo dat get um right wit God.
20 God wen give us his Rules so everybody goin know how plenny bad da bad kine stuff stay. But wea eva get peopo dat do da bad kine stuff mo an moa, God do mo an mo plenny good kine stuff. 21 Befo time, da bad kine stuff dat peopo wen do, take ova dem an make um mahke. But now, cuz a wat our Boss Jesus Christ wen do, God do someting real good fo us, he take us ova, so us guys can get um right wit him an come alive fo real kine foeva.

Romans 5

1 Being therefore justified by faith, we have peace with God through our Lord Jesus Christ;2 through whom also we have had our access by faith into this grace wherein we stand; and we rejoice in hope of the glory of God.3 And not only so, but we also rejoice in our tribulations: knowing that tribulation worketh stedfastness;4 and stedfastness, approvedness; and approvedness, hope:5 and hope putteth not to shame; because the love of God hath been shed abroad in our hearts through the Holy Spirit which was given unto us.6 For while we were yet weak, in due season Christ died for the ungodly.7 For scarcely for a righteous man will one die: for peradventure for the good man some one would even dare to die.8 But God commendeth his own love toward us, in that, while we were yet sinners, Christ died for us.9 Much more then, being now justified by his blood, shall we be saved from the wrath of God through him.10 For if, while we were enemies, we were reconciled to God through the death of his Son, much more, being reconciled, shall we be saved by his life;11 and not only so, but we also rejoice in God through our Lord Jesus Christ, through whom we have now received the reconciliation.12 Therefore, as through one man sin entered into the world, and death through sin; and so death passed unto all men, for that all sinned:--13 for until the law sin was in the world; but sin is not imputed when there is no law.14 Nevertheless death reigned from Adam until Moses, even over them that had not sinned after the likeness of Adam’s transgression, who is a figure of him that was to come.15 But not as the trespass, so also is the free gift. For if by the trespass of the one the many died, much more did the grace of God, and the gift by the grace of the one man, Jesus Christ, abound unto the many.16 And not as through one that sinned, so is the gift: for the judgment came of one unto condemnation, but the free gift came of many trespasses unto justification.17 For if, by the trespass of the one, death reigned through the one; much more shall they that receive the abundance of grace and of the gift of righteousness reign in life through the one, even Jesus Christ.18 So then as through one trespass the judgment came unto all men to condemnation; even so through one act of righteousness the free gift came unto all men to justification of life.19 For as through the one man’s disobedience the many were made sinners, even so through the obedience of the one shall the many be made righteous.20 And the law came in besides, that the trespass might abound; but where sin abounded, grace did abound more exceedingly:21 that, as sin reigned in death, even so might grace reign through righteousness unto eternal life through Jesus Christ our Lord.