ROM 6

Matei bani dousa, manggoluh ibagas Kristus

1 Ase, aha ma hatahononta? Nunutonta ma mardousa, ase lambin tambah idop ni uhur? (bd. 3:5-8.)

2 Seng sonai! Hita, na dob matei bani dousa in, sonaha tarbahen hita be manggoluh ibagas in?

3 Na so ibotoh nasiam do, haganup hita, na tardidi ibagas Kristus Jesus, hubagas hamateianNi do hita tardidi? (Gal. 3:27.)

4 Jadi na dob rap tartanom do hita rap pakonSi marhitei pandidion in, ase songon Kristus Jesus, na dob pinapuho humbani na matei marhitei hasangapon ni BapaNi, sonai homa hita mardalan ibagas goluh na baru. (Kol. 2:12; 1 Ptr. 3:21.)

5 Ai anggo domma sangkabona hita pakonSi ibagas na songon parmateiNi ai, sada do homa hita pakonSi ibagas parpuhoNi ai. (Pil. 3:10, 11.)

6 Ai ibotoh hita, na dob tarsilang do hajolmaonta na buruk in rap pakonSi, ase iparseda badan pardousaon, ase ulang ra be hita parjabolonan ni dousa, (Gal. 5:24.)

7 ai barang ise na dob matei, maluah do ia humbani dousa.

8 Tapi, anggo domma matei hita rap pakon Kristus ihaporsayai uhurta, rap manggoluh ma hita homa pakonSi. (ay. 4.)

9 Ibotoh hita, ia Kristus, dob puho Ia humbani na matei, seng matei be; seng irajai hamateian in be Ia.

10 Ia matei pe Ia, sahali ai do matei halani dousa; ia manggoluh nuan, manggoluh bani Naibata do. (Heb. 9:26-28.)

11 Sonai ma hira nasiam dirinasiam: Matei bani dousa, tapi manggoluh bani Naibata ibagas Kristus Jesus. (2 Kor. 5:15; 1 Ptr. 2:24.)

12 Ase, ulang be dousa ai manrajai ibagas badannasiam na ra matei in, laho mambalosi hisap-hisapni. (1 Mus. 4:7.)

13 Anjaha ulang ma ondoskon nasiam pagorinasiam bani dousa in, gabe sinjata ni hajahaton, tapi ondoskon nasiam ma dirinasiam bani Naibata, songon na dob pinagoluh humbani na matei, anjaha pagorinasiam pe, bani Naibata ma in, gabe sinjata ni hapintoran. (bd. 12:1.)

14 Ai seng rajaan ni dousa in be nasiam, ai seng titah be manggomgomi nasiam, tapi idop ni uhur do. (1 Joh. 3:6.)

15 Ase, sonaha do? Mardousai ma hita, halani seng be titah manggomgomi hita, tapi idop ni uhur do? Seng sonai! (bd. 5:17, 21.)

16 Ai lang ibotoh nasiam, bani ise iondoskon nasiam dirinasiam gabe jabolon pambalosi, jabolon ma nasiam bani na binalosannasiam ai, atap jabolon ni dousa hu hamateian, barang pambalosi bani hapintoran. (Joh. 8:34.)

17 Tapi tarima kasih ma bani Naibata, ai age pe jabolon ni dousa hinan nasiam, tapi gabe pambalosi do nasiam sonari humbani gok ni uhurnasiam bani ruhut ni pangajarion, na dob das bani nasiam.

18 Ai dob lopas nasiam humbani dousa in, gabe pambalosi do nasiam bani hapintoran. (Joh. 8:32.)

19 Ruhut ni jolma ma huhatahon halani hagalekon ni dagingnasiam. Ai songon na dob niondoskon nasiam pagorinasiam pambalosi bani habutakon ampa na so uhum, laho mangkorjahon na so uhum in, sonai ma nuan ondoskon nasiam pagorinasiam bani hapintoran, laho papansingkonsi.

20 Tongon sanggah jabolon ni dousa nasiam, bebas do nasiam humbani hapintoran.

21 Tapi aha do buahni jumpah nasiam? Sihailaonkon anggo sonari bani nasiam, ai hamateian do ujungni. (bd. 8:6, 13; Hes. 16:61, 63.)

22 Tapi sonari, dob bebas nasiam humbani dousa, dob gabe pambalosi nasiam bani Naibata, adong do buahnasiam hu hapansingon; anjaha ujungni ai ma hagoluhan na sadokah ni dokahni. (1 Ptr. 1:9.)
23  Ai upah halani dousa, ai ma hamateian, tapi silayak-layak ni Naibata do hagoluhan na sadokah ni dokahni marhitei Kristus Jesus Tuhanta in. (bd. 5:12.)

Romans 6

The Believer’s Freedom from Sin’s Domination

1 What shall we say then? Are we to remain in sin so that grace may increase?2 Absolutely not! How can we who died to sin still live in it?3 Or do you not know that as many as were baptized into Christ Jesus were baptized into his death?

4 Therefore we have been buried with him through baptism into death, in order that just as Christ was raised from the dead through the glory of the Father, so we too may live a new life.t
5 For if we have become united with him in the likeness of his death, we will certainly also be united in the likeness of his resurrection.t6 We know thatt our old man was crucified with him so that the body of sin would no longer dominate us,t so that we would no longer be enslaved to sin.

7 (For someone who has died has been freed from sin.)s
8 Now if we died with Christ, we believe that we will also live with him.9 We knowt that since Christ has been raised from the dead, he is never going to diet again; death no longer has mastery over him.10 For the death he died, he died to sin once for all, but the life he lives, he lives to God.

11 So you too consider yourselvess dead to sin, butt alive to God in Christ Jesus.
12 Therefore do not let sin reign in your mortal body so that you obey its desires,13 and do not present your members to sin as instrumentst to be used for unrighteousness,t but present yourselves to God as those who are alive from the dead and your members to God as instrumentst to be used for righteousness.

14 For sin will have no mastery over you, because you are not under law but under grace.

The Believer’s Enslavement to God’s Righteousness

15 What then? Shall we sin because we are not under law but under grace? Absolutely not!16 Do you not know that if you present yourselvest as obedient slaves,t you are slaves of the one you obey, either of sin resulting in death, or obedience resulting in righteousness?t17 But thanks be to God that though you were slaves to sin, you obeyedt from the heart that patternt of teaching you were entrusted to,18 and having been freed from sin, you became enslaved to righteousness.19 (I am speaking in human terms because of the weakness of your flesh.)ts For just as you once presented your members as slaves to impurity and lawlessness leading to more lawlessness, so now present your members as slaves to righteousness leading to sanctification.

20 For when you were slaves of sin, you were free with regard to righteousness.
21 So what benefitt did you then reapt from those things that you are now ashamed of? For the end of those things is death.22 But now, freedt from sin and enslaved to God, you have your benefitt leading to sanctification, and the end is eternal life.

23 For the payofft of sin is death, but the gift of God is eternal life in Christ Jesus our Lord.