Rome 6
Mati Ke Dosa Tang Idup Dalam Kristus
1 t Nya alai, baka ni ku jalai kitai bejaku? Kati kitai majak bedosa, ngambika pengasih nambah-menambah? 2 t Enda! Baka ni ku kitai ke udah mati ke dosa, tau majak diau dalam dosa? 3 t Kati kita enda nemu, semua kitai ke udah dibaptisa ke dalamt Jesus Kristus, udah mega dibaptisa ke dalam pemati Iya?
4 t Nya alai, kitai udah dikuburka sama enggau Iya laban kitai udah dibaptisa ke dalam pemati Iya, ngambika baka Kristus ke diangkatka ari pemati ulih mulia Apai, baka nya mega kitai deka idup dalam pengidup ti baru.
5 t Laban enti kitai udah begempung enggau Iya dalam pemati Iya, kitai tetap mega deka begempung enggau Iya dalam pengangkat Iya ari mati. 6 t Kitai nemu, pendiau kitai ti lama udah diregang sama enggau Iya, ngambika tubuh ti bedosa dirusak, lalu kitai enda agi nyadi ulun dosa. 7 t Laban barang sapa mati, dilepaska ari dosa. 8 t Tang enti kitai udah mati enggau Kristus, kitai mega arapka diri deka idup enggau Iya. 9 t Kitai nemu, Kristus ke diangkatka ari mati, enda agi mati. Pemati nadai agi kuasa atas Iya. 10 Pemati ti ditatka Iya nya pemati ke dosa, sekali aja, tang pengidup ti diasaika Iya diatu nya pengidup Iya ke Allah Taala.
11 t Nya alai kita enda tau enda ngumbai diri mati ke dosa, lalu idup ke Allah Taala dalam Jesus Kristus.
12 Nya alai, anang nejuka dosa merintah tubuh kita, ti ngasuh kita ngasika pengingin tubuh. 13 t Anang agi nyerahka tubuh kita ngagai dosa, nyadika senyatat kena ngereja penyai, tang serahka diri ngagai Allah Taala baka orang ke udah dibai ari pemati ngagai pengidup, lalu serahka tubuh kita ngagai Allah Taala nyadika senyatat kena ngereja pengelurus.
14 t Laban dosa nadai agi merintaht kita, laban kita ukai di baruh Adat, tang di baruh pengasih.Ulun Pengelurus
15 t Nama deh? Kati patut kitai bedosa laban kitai ukai di baruh Adat, tang di baruh pengasih? Enda tau sekali-kali! 16 t Kati kita enda nemu, enti kita nyerahka diri ngagai orang ngambika kita ngasika iya baka ulun, kita nyadi ulun orang ke dikasika kita, nemuka kita nyadi ulun dosa ti mai ngagai pemati, tauka ngasika Allah Taala ti mai ngagai pengelurus? 17 Tang terima kasih ngagai Allah Taala, laban taja pen kita suba udah nyadi ulun dosa, tang kita, enggau pengabis ati kita, udah ngasika ajar ti bendar ti udah diberi ngagai kita, 18 t lalu laban kita udah dilepaska ari dosa, kita diatu udah nyadi ulun pengelurus.
19 t Aku bejaku ngena penemu mensia, laban kita lemi. Laban baka kita suba ke udah nyerahka tubuh kita nyadika ulun pengamah, sereta majak balat-sebalat nyadika ulun penyai, baka nya mega kita diatu enda tau enda nyerahka tubuh kita nyadika ulun pengelurus, ngambika kita nyadi kudus.
20 t Lebuh kita nyadi ulun dosa, kita enda diperintah pengelurus. 21 t Tang nama penguntung kita suba, lebuh kita ngereja utai ti dikemaluka kita diatu? Semua utai nya ngujung ngagai pemati magang! 22 Tang laban kita diatu udah dilepaska ari dosa, lalu nyadi ulun Allah Taala, penguntung kita nya pengudus, ti ngujung ngagai pengidup ti meruan belama iya. 23 t Laban upah dosa nya pemati, tang pemeri ti diberi Allah Taala pechuma nya pengidup ti meruan belama iya dalam Jesus Kristus Tuhan kitai.
Romans 6
1 What shall we say then? Shall we continue in sin, that grace may abound?2 God forbid. We who died to sin, how shall we any longer live therein?3 Or are ye ignorant that all we who were baptized into Christ Jesus were baptized into his death?4 We were buried therefore with him through baptism unto death: that like as Christ was raised from the dead through the glory of the Father, so we also might walk in newness of life.5 For if we have become united with him in the likeness of his death, we shall be also in the likeness of his resurrection;6 knowing this, that our old man was crucified with him, that the body of sin might be done away, that so we should no longer be in bondage to sin;7 for he that hath died is justified from sin.8 But if we died with Christ, we believe that we shall also live with him;9 knowing that Christ being raised from the dead dieth no more; death no more hath dominion over him.10 For the death that he died, he died unto sin once: but the life that he liveth, he liveth unto God.11 Even so reckon ye also yourselves to be dead unto sin, but alive unto God in Christ Jesus.12 Let not sin therefore reign in your mortal body, that ye should obey the lusts thereof:13 neither present your members unto sin as instruments of unrighteousness; but present yourselves unto God, as alive from the dead, and your members as instruments of righteousness unto God.14 For sin shall not have dominion over you: for ye are not under law, but under grace.15 What then? shall we sin, because we are not under law, but under grace? God forbid.16 Know ye not, that to whom ye present yourselves as servants unto obedience, his servants ye are whom ye obey; whether of sin unto death, or of obedience unto righteousness?17 But thanks be to God, that, whereas ye were servants of sin, ye became obedient from the heart to that form of teaching whereunto ye were delivered;18 and being made free from sin, ye became servants of righteousness.19 I speak after the manner of men because of the infirmity of your flesh: for as ye presented your members as servants to uncleanness and to iniquity unto iniquity, even so now present your members as servants to righteousness unto sanctification.20 For when ye were servants of sin, ye were free in regard of righteousness.21 What fruit then had ye at that time in the things whereof ye are now ashamed? for the end of those things is death.22 But now being made free from sin and become servants to God, ye have your fruit unto sanctification, and the end eternal life.23 For the wages of sin is death; but the free gift of God is eternal life in Christ Jesus our Lord.