Fo Da Rome Peopo 6

We No Mo Notting Fo Do Wit Da Bad Kine Stuff, But We Stay Live Fo God

1 So den, wat? You tink we goin say, “Mo bad kine stuffs we do, dat goin make God do some mo plenny good kine stuffs fo us bumbye.” We goin say all dat?

2 Eh, no way! Us guys no mo notting fo do wit da bad kine stuff! Az jalike we mahke awready. Cuz you know, one mahke guy no can do notting bad. If we stay jalike we mahke, how we goin stay doing da bad kine stuff? Dass no good!
3 You guys donno dat wen all us guys wen get baptize fo show we Jesus Christ guys, dass jalike we wen mahke same time he wen mahke?

4 Wen we get baptize, dat mean jalike dey wen bury us same time dey wen bury Christ, cuz jalike we mahke too. Da Fadda, he get awesome power, an afta Christ wen mahke, da Fadda wen make um come back alive. So da Fadda like us use his power too fo live one new kine life.

5 Us guys jalike we wen mahke wen Jesus wen mahke. Dass why fo shua we goin come back alive from mahke jalike Jesus wen come back alive.
6 We know dat da no good kine guy we was befo, pau awready, jalike dat guy wen mahke on top da cross wit Christ. Now dat no good kine guy no mo power. Now we no need do da bad kine stuff. Now we not stuck -- we not slave guys.

7 Afta one guy mahke, no mo notting dat can make um do bad kine stuff no moa.
8 So den, jalike we wen mahke wit Christ. Dass why we believe dat we goin stay live wit him too. 9 We know dat Christ wen come back alive afta he wen mahke, an he no goin mahke again. Cuz no mo notting dat get power fo make him mahke one mo time.

10 Afta Christ wen mahke dat one time, den he no mo notting fo do wit da bad kine stuff no moa. Now he ony live fo God.

11 So den, you guys gotta figga same ting jalike wat wen happen wit Jesus Christ: You guys wen mahke awready, dass why you guys no gotta do da bad kine stuff. Same time, you guys live fo God, cuz now you guys stay tight wit Jesus Christ.
12 No let da bad kine stuff take ova you, an make you do any kine stuff yoa body like. Dat body goin mahke, you know. 13 An no go let notting inside you go do stuff dat no stay right, cuz dass bad. Jus let God make you do wat he like. Cuz jalike you wen go mahke awready an now you stay alive again. Use yoa whole body fo do da kine stuff you suppose to do, fo God.

14 No way! No let da bad kine stuff take you guys ova! Now, fo get um right wit God, you guys no gotta do wat da Rules say. Now, da way you guys live, you stay do wat you do cuz God wen do so plenny good stuffs fo you guys.

We Jalike Slaves Fo Do Wass Right

16 Fo shua, you guys gotta know dis: If you let one guy own you, you gotta listen to wateva da guy tell you, an den you gotta do um. Dat mean, dat guy yoa boss, an you his slave. Same ting, you can pick wat you goin do. You can let yoaself be one slave guy fo do ony bad kine stuff. But wen you pick dat one, you goin cut yoaself off from God. O you can be jalike one slave guy fo do wateva God tell you. An wen you pick dat one, you get um right wit him awready!
17 I tell God “Mahalo plenny!” Cuz befo time, you guys wen let da bad kine stuff own you. But now, you guys listen from deep inside yoaself, fo do all da kine stuff da peopo dat stay spesho fo God wen teach you guys.

18 God wen let you guys go, so you no gotta do da kine bad stuff no moa. Now you guys goin work hard fo do da right kine stuff.

19 Fo tell you guys all dis, I stay talking da way everybody stay talk to each odda, cuz you guys ony litto bit strong inside. Befo time, was jalike you guys wen make yoaself be da kine peopo dat gotta do ony pilau kine stuff an dat gotta go broke da Rules from God. Az why you guys was lidat. But now, you guys gotta make yoaself be da kine peopo dat gotta do ony wass right. Dat goin make you guys be good an spesho fo God.
20 Befo time, wen you guys was da kine peopo dat gotta do ony bad kine stuff, az wen you guys neva make yoaself be da kine peopo dat do da right ting.

21 Wat good kine ting you guys wen get from all dat stuff you wen do? Notting! Now you guys get plenny shame weneva you guys tink bout um. Cuz wen you do dat kine stuff, you ony cut yoaself off from God.
22 But now, you guys no gotta do ony bad kine stuff no moa, cuz God wen let you guys go. Now, you guys da kine peopo dat work fo God! Dat goin make you guys be good an spesho fo God. An afta, garans you guys goin get da real kine life dat stay to da max foeva. 23 Dis da deal: wen you do da tings you not suppose to do, den you cut yoaself off from God. But get one nodda deal dat God get fo you. He like give you someting dass plenny good -- da real kine life dat stay to da max foeva. An you get dis wen you stay tight wit Jesus Christ, our Boss.

Romans 6

1 What shall we say then? Shall we continue in sin, that grace may abound?2 God forbid. We who died to sin, how shall we any longer live therein?3 Or are ye ignorant that all we who were baptized into Christ Jesus were baptized into his death?4 We were buried therefore with him through baptism unto death: that like as Christ was raised from the dead through the glory of the Father, so we also might walk in newness of life.5 For if we have become united with him in the likeness of his death, we shall be also in the likeness of his resurrection;6 knowing this, that our old man was crucified with him, that the body of sin might be done away, that so we should no longer be in bondage to sin;7 for he that hath died is justified from sin.8 But if we died with Christ, we believe that we shall also live with him;9 knowing that Christ being raised from the dead dieth no more; death no more hath dominion over him.10 For the death that he died, he died unto sin once: but the life that he liveth, he liveth unto God.11 Even so reckon ye also yourselves to be dead unto sin, but alive unto God in Christ Jesus.12 Let not sin therefore reign in your mortal body, that ye should obey the lusts thereof:13 neither present your members unto sin as instruments of unrighteousness; but present yourselves unto God, as alive from the dead, and your members as instruments of righteousness unto God.14 For sin shall not have dominion over you: for ye are not under law, but under grace.15 What then? shall we sin, because we are not under law, but under grace? God forbid.16 Know ye not, that to whom ye present yourselves as servants unto obedience, his servants ye are whom ye obey; whether of sin unto death, or of obedience unto righteousness?17 But thanks be to God, that, whereas ye were servants of sin, ye became obedient from the heart to that form of teaching whereunto ye were delivered;18 and being made free from sin, ye became servants of righteousness.19 I speak after the manner of men because of the infirmity of your flesh: for as ye presented your members as servants to uncleanness and to iniquity unto iniquity, even so now present your members as servants to righteousness unto sanctification.20 For when ye were servants of sin, ye were free in regard of righteousness.21 What fruit then had ye at that time in the things whereof ye are now ashamed? for the end of those things is death.22 But now being made free from sin and become servants to God, ye have your fruit unto sanctification, and the end eternal life.23 For the wages of sin is death; but the free gift of God is eternal life in Christ Jesus our Lord.