Fo Da Rome Peopo 8

You Can Live Fo Real Kine If You Stay Tight Wit Godʼs Spirit

1 So den, God no goin punish da peopo dat stay tight wit Jesus Christ!

2 Cuz get two tings dat stay fo real: First ting, if you stick wit Godʼs Spirit, he goin make you come alive fo real kine an make you stay tight wit Jesus Christ. Da odda ting is dat if you stick wit da bad kine stuff, you goin cut yoaself off from God. Now, if you get Godʼs Spirit, Godʼs Spirit cut you loose from da bad kine stuff.
3 Even if we do wat da Rules from God say, dat no can throw out da bad kine stuff inside us, cuz da way us guys stay, we not strong inside. But den God, he wen go send his own Boy fo come one guy jalike us. Da way Jesus wen stay, God wen make him look jalike one regula guy dat can do bad kine stuff, jalike all da odda peopo. But den, Jesus neva do bad kine stuff -- how he wen live, he wen show proof dat da tings da peopo was doing was bad fo shua. Plus, he wen come one sacrifice fo hemo da shame fo da bad kine stuff dat all da odda peopo wen do.

4 God wen send Christ fo mahke so us guys can do all da right kine stuffs Godʼs Rules say we gotta do. Now, we stay doing da kine stuff Godʼs Spirit like us do, not da kine stuff we do wen we live da way we like.
5 Da peopo dat live da way dey like, dey live lidat cuz dass how dey stay inside, an dass da ony kine stuff dey tinking bout all da time. But da peopo dat live da way Godʼs Spirit like, dey ony tinking bout da kine stuff dat Godʼs Spirit like.

6 Da guy dat ony like tink bout doing da bad kine stuff he like do, jalike he stay mahke inside awready. But da guy dat ony like tink bout doing wat Godʼs Spirit like, he stay alive fo real kine, an his heart stay rest inside.
7 An if you ony like tink bout doing da kine stuff you do wen you live da way you like, cuz dass how you stay inside, you ony going agains God everytime, you know. Dat mean, you not doing wat Godʼs Rules say -- cuz you no mo da power fo do um.

8 Da peopo dat ony stay doing da bad kine stuff dey like do, no way God goin like wat dey doing.
9 But you guys, you guys da one dat no stay doing da bad kine stuff you do wen you live da way you like. If Godʼs Spirit stay live inside you, you guys stay doing da kine stuff Godʼs Spirit like. Whoeva no mo Christʼs Spirit inside him, dass da guy dat not Godʼs guy. 10 But Christ stay tight wit you guys. You guys spirits stay alive fo real kine, cuz you guys get um right wit God. So, no matta you guys goin mahke cuz you guys wen do bad kine stuff.

11 God da One dat wen make Jesus come back alive afta he wen mahke. If Godʼs Spirit stay tight wit you guys, den he goin make you guys come back alive, yoa body, everyting, jalike how he wen make Christ come back alive. His Spirit goin do dat fo you guys, no matta yoa body gotta mahke.

Godʼs Spirit Tell Us We Godʼs Kids

13 If you guys go ack jus da way you stay inside, fo shua kine you goin cut yoaself off from God! But den, if you let Godʼs Spirit help you kill off all da bad kine stuff you do wen you live da way you like, den you goin live fo real kine.
14 Da peopo dat listen to Godʼs Spirit so he can tell um wat fo do, dem guys Godʼs kids.

15 Wen you guys get Godʼs Spirit in charge a you, Godʼs Spirit no goin make you guys ack jalike slaves dat gotta stay scared all da time. Az how was befo time. Wen you get Godʼs Spirit in charge a you, you know you stay Godʼs kids! Dass why he goin listen wen we yell out, “Daddy!”
16 Jalike our own spirit tell us inside, Godʼs Spirit tell us we Godʼs kids.

17 Cuz us guys Godʼs kids, dat mean, we goin get all da good kine stuff God goin give his kids, cuz he our Fadda. Jalike da Fadda give everyting he get to Christ, his Boy, an dass how he goin make to us guys, same time he give um to Christ. Ony one ting: us guys gotta suffa jalike Christ wen suffa, so den bumbye, God make us come awesome jalike he wen make Christ come awesome.

Bumbye God Goin Make Us Come Awesome

21 Right now, all da tings dat God wen make, dey stay stuck hamajang kine, an stay coming all pilau kine. But bumbye, God goin do awesome tings fo get um outa dat, so dey can come jalike suppose to be. Same time, God goin do awesome tings fo get all his kids outa da pilau kine stuff too.
22 Us guys know, from befo time till now, all da tings God wen make stay making noise jalike dey get big pain, jalike wen one wahine goin born one baby an she stay suffa plenny.

23 Eh, us guys too, no matta we get da Spirit in charge a us dat God wen give us first ting, jalike we still yet make big noise inside us lidat too. We make lidat cuz we still yet waiting an watching real hard fo da time wen God goin make us his kids to da max, an goin hemo loose our bodies from all da pilau kine stuff.
24 Wen God wen take us outa da bad kine stuff, he wen make us know fo shua wat he goin do bumbye. But still yet, we gotta wait. If we see someting happen, den we no goin wait fo dat same ting fo happen. Nobody goin stay wait fo someting dat wen pau happen awready.

25 But wen we stay waiting fo someting we no can see still yet, den we still goin hang in dea an wait some moa.
26 Same ting, Godʼs Spirit help us plenny, cuz we no mo power. We donno how fo pray da right way. But Godʼs Spirit, he go take ova an aks God fo do good tings fo us, no matta we jalike get big pain inside dat make us so we donno how fo say um.

27 An God, he know all da tings dat us guys like say inside our heart, an he know how his Spirit tink. Dass how God know everyting his Spirit like say fo help us, cuz Godʼs Spirit tink jalike God tink, an da Spirit talk to God an aks him fo help da peopo dat stay spesho fo God.
28 Us guys know dis too: God make everyting come out all good fo da peopo dat get love an aloha fo him. Befo time, God wen go make plan wat he goin do fo dem, an he wen tell um awready, “Come wit me! Be my guys!” 29 Befo time, he wen pick dose peopo awready, cuz he like make um come da kine peopo jalike his Boy. Godʼs Boy, dass Christ. He da main one, an da odda guys, dey jalike his younga bruddas an sistas.

30 Dat same peopo God wen pick befo time lidat, he wen tell um fo come be his guys. An dose same guys, God wen make um get um right wit him, an he wen make um come awesome jalike him.

God Get Love An Aloha Fo Us Guys

32 God neva even hold back his own Boy. He wen make um one sacrifice fo help all us guys. God wen give his own Boy fo mahke fo us. You know, dat mean God no hold back notting. He give us every good ting to da max!
33 An den, who goin poin finga da peopo God wen pick? No mo nobody fo do dat! Cuz God, he da One dat say dat his peopo get um right wit him awready.

34 Eh! No mo nobody dat can say God gotta punish all da peopo he wen pick. Jesus Christ, he da One dat wen go mahke. An mo importan den dat, he da One dat God wen make um come back alive afta he wen mahke. From dat time, he stay da mos importan place, by Godʼs right side. Same time, Jesus da One dat stay aksing God fo help us guys!
35 You tink get somebody o someting dat goin make Christ no get love an aloha fo us guys? No way! You tink presha, hard time, o wen get somebody dat like hurt us, o wen no mo notting fo eat, o no mo clotheses, o wen we scared, o wen we get peopo dat like kill us? Not even!

36 Jalike da Bible wen say,
“Cuz we yoa peopo,
Everytime dey try kill us.
Dey tink we jalike sheeps dey goin kill.”

37 Cuz Christ get love an aloha fo us guys to da max, no matta wat kine trouble get, no bodda us, cuz we da winnas fo shua!
38 I shua bout dis: No mo notting can make God stop loving us guys. No matta if we stay alive o we mahke, no matta if get angel guys o leada guys in da sky, o if get spirits wit power dat go agains us, no matta wateva stay happen now o goin happen bumbye, 39 no matta get guys wit power up dea inside da sky, o down dea inside da groun, no matta get all kine odda kine tings dat God wen make -- no mo notting dat can hemo us from God, so he no love us no moa! Cuz us guys stay tight wit Jesus Christ, da Spesho Guy God Wen Send, an he our Boss.

Romans 8

1 There is therefore now no condemnation to them that are in Christ Jesus.2 For the law of the Spirit of life in Christ Jesus made me free from the law of sin and of death.3 For what the law could not do, in that it was weak through the flesh, God, sending his own Son in the likeness of sinful flesh and for sin, condemned sin in the flesh:4 that the ordinance of the law might be fulfilled in us, who walk not after the flesh, but after the Spirit.5 For they that are after the flesh mind the things of the flesh; but they that are after the Spirit the things of the Spirit.6 For the mind of the flesh is death; but the mind of the Spirit is life and peace:7 because the mind of the flesh is enmity against God; for it is not subject to the law of God, neither indeed can it be:8 and they that are in the flesh cannot please God.9 But ye are not in the flesh but in the Spirit, if so be that the Spirit of God dwelleth in you. But if any man hath not the Spirit of Christ, he is none of his.10 And if Christ is in you, the body is dead because of sin; but the spirit is life because of righteousness.11 But if the Spirit of him that raised up Jesus from the dead dwelleth in you, he that raised up Christ Jesus from the dead shall give life also to your mortal bodies through his Spirit that dwelleth in you.12 So then, brethren, we are debtors, not to the flesh, to live after the flesh:13 for if ye live after the flesh, ye must die; but if by the Spirit ye put to death the deeds of the body, ye shall live.14 For as many as are led by the Spirit of God, these are sons of God.15 For ye received not the spirit of bondage again unto fear; but ye received the spirit of adoption, whereby we cry, Abba, Father.16 The Spirit himself beareth witness with our spirit, that we are children of God:17 and if children, then heirs; heirs of God, and joint-heirs with Christ; if so be that we suffer with him, that we may be also glorified with him.18 For I reckon that the sufferings of this present time are not worthy to be compared with the glory which shall be revealed to us-ward.19 For the earnest expectation of the creation waiteth for the revealing of the sons of God.20 For the creation was subjected to vanity, not of its own will, but by reason of him who subjected it, in hope21 that the creation itself also shall be delivered from the bondage of corruption into the liberty of the glory of the children of God.22 For we know that the whole creation groaneth and travaileth in pain together until now.23 And not only so, but ourselves also, who have the first-fruits of the Spirit, even we ourselves groan within ourselves, waiting for our adoption, to wit, the redemption of our body.24 For in hope were we saved: but hope that is seen is not hope: for who hopeth for that which he seeth?25 But if we hope for that which we see not, then do we with patience wait for it.26 And in like manner the Spirit also helpeth our infirmity: for we know not how to pray as we ought; but the Spirit himself maketh intercession for us with groanings which cannot be uttered;27 and he that searcheth the hearts knoweth what is the mind of the Spirit, because he maketh intercession for the saints according to the will of God.28 And we know that to them that love God all things work together for good, even to them that are called according to his purpose.29 For whom he foreknew, he also foreordained to be conformed to the image of his Son, that he might be the firstborn among many brethren:30 and whom he foreordained, them he also called: and whom he called, them he also justified: and whom he justified, them he also glorified.31 What then shall we say to these things? If God is for us, who is against us?32 He that spared not his own Son, but delivered him up for us all, how shall he not also with him freely give us all things?33 Who shall lay anything to the charge of God’s elect? It is God that justifieth;34 who is he that condemneth? It is Christ Jesus that died, yea rather, that was raised from the dead, who is at the right hand of God, who also maketh intercession for us.35 Who shall separate us from the love of Christ? shall tribulation, or anguish, or persecution, or famine, or nakedness, or peril, or sword?36 Even as it is written, For thy sake we are killed all the day long; We were accounted as sheep for the slaughter.37 Nay, in all these things we are more than conquerors through him that loved us.38 For I am persuaded, that neither death, nor life, nor angels, nor principalities, nor things present, nor things to come, nor powers,39 nor height, nor depth, nor any other creature, shall be able to separate us from the love of God, which is in Christ Jesus our Lord.